|
هو الى بيحصل ده حلال ولا حرام ؟؟؟
انهارده وانا قاعده فى ساعه صفا ( مش البرنامج:d)جه فى بالى اعد عدد المسلسلات الموجوده فى رمضان ده.الصراحه قعدت كتييير اوى ومكنتش بخلص ابدا كل شويه افتكر مسلسل واضيفه مع الباقى والى استغربتله اكتر انى بعد فى مسلسلات ( رمضان )!! يا سبحان الله ! بقى هى دى طريقه استقابلنا لشهر الصوم والعباده ؟؟
اشمعنا رمضان الى بيحشدوله كل هذا الطوفان من البرامج والمسلسلات التافهه. ده بدل ما يشجعوا الناس على الصلاه والقرأن وذكر الله ؟؟ غريب والله امرنا .تخيلوا المسلسلات التافهه دى كلها ادفع فيها كام ؟؟ واجر الممثلين كام ؟؟ يااااااااااه ! مبالغ طائله . مش دى كان أولى بيها الناس الغلابه الى مش لاقيين رغيف العيش فى هذا الشهر الكريم.؟ مش كان أولى بيها المرضى فى المستشفيات الحكوميه الى حالها أسوء من حاله السجون ؟؟ أصبحت بالنسبه للمرضى جحيم لا مكان لتلقى العلاج . مش كانت الاموال دى توجه للجمعيات الخيريه ،الاصلاحيات او موائد الرحمن .لو كانت أنفقت فى اى عمل نافع لهان الامر .ولكنهم استغلوها فى الانفاق على المسلسلات التافهه والبرامج التى لا يجنى منها المرء الا اكتساب الذنوب والمعاصى واللهو عن الصلاه والابتعاد عن اداب الشهر الكريم .بجد تفكير غريب الى بيعملوه ده ؟يعنى هو ده الوقت المناسب للمسلسلات والاغانى ؟ والاهم من كده . هى دى الطريقه المناسبه لاستغلال الاموال ؟؟على اساس ان الناس كلها مرتاحه ومش ناقصها غير الترفيه ؟؟ وحتى فى غير رمضان , ازاى يدفعوا فلوس فى الحاجات دى وهما مش عارفيين يحلوا ازمه العيش ؟هو عادى انهم يعملوا كل ده فى رمضان ؟ عشان الصيام بقى واللمه !! ولا هو عادى انهم كل الفلوس دى والناس مش لاقيه تاكل ؟؟ انتوا شايفين ده عادى ولا ايه ؟؟ |
الناس دي خبرة في افساد الناس
وفي شهر رمضان لازم يزودو الجرعة وحسبنا الله ونعم الوكيل |
اقتباس:
محدش منهم فكر ولو لمرة فى الاخرة وربنا بيحاسبهم هيكون منظرهم ايه هيقولوا ايه لربنا وكل الفلوس اللى كسبوها من اعمالهم ولا هتقدر تنفعهم نسيوا حديث النبى ( صلى الله عليه وسلم اذا مات ابن ادم انقطع عمله الا من ثلاث منه الصقة الجارية ) بيفكروا فى الدنيا وكانهن خالدين فيها يا للاسف والدنيا ما هى الا دار ممر وليست دار مقر انا شايفة يا جوليت ان سبب ده قلة الوعى الدينى والانحلال اللى بتمر بيه مصر دلوقتى وااسفاه على ما نمر به |
بجد حرام اللي بيحصل ده
وياريت حد يلاقي حل للموضوع ده |
حسبنا الله و نعم الوكيل ..
الناس هي اللي بتشجعهم على كده .. ربنا يتوب علينا |
ياجوليت انتى بتكلمي مين بس الناس اللي بيعملو المسلسلات دي بيكون بالنسبة لهم رمضان ده موسم يكسبو فيه فلوس مش اى حاجة تانية والناس اللي بتتفرج علي مسلسلات رمضان بيكون ده ليها موسم عشان يتفرجو علي الممثلين والممثلات ويشوفو دي بقت عاملة ازاى وبصي دي لابسة ايه وحاجات غريبة كده والطرفين فرحنانين ببعض يبقي حالنا مش هيتصلح ولا الوضع هيتغير يعني لو حصلت والناس اللي بتعمل المسلسلات دول قدرو وفهمو وقالو بلاش نضيع فلوسنا علي المسلسلات ونعمل بيها حاجة مفيدة هتلاقي الطرف التاني عاملين مظاهرات عشان مش حاسين برمضان لان رمضان ماهو الا موعد انطلاق المسلسللات الجديدة(بالنسبة ليهم) وتلاقي الناس بتقول ياسيدي ماحنا مسلمين والحمد لله وبنشتغل والحياة حلوة لازم بقي نرفه عن نفسنا وشكرا علي الموضوع |
طبعا حرام
بس هنعمل اية فى وزراة الاعلام |
يا بنتى دى سياسه دوله
يعنى هما لازمن يشغلو الناس فى رمضان هما ناقصين نشاطات المحظوره فى رمضان خليهم كده احسن دى هيا سياسه الحكومه معانا اشغل الناس بدى عشان ينشغلو عن دى حاله مش حنطلع منه الا ب......... و لا بلاش فى رعايه الله |
لا حرااااااام و انا فكرت برضو في الموضوع دا و قل لييييييه كدا؟
ليه هما بدل لما يشجعونا على الصلاة و يملوا الدنيا مسلسلات شكرا على الموضوع و ارجو تقبل مروري |
معلش ................................................
|
اقتباس:
فعلا حسبنا الله ونعم الوكيل شكرا عالرد والمرور |
اقتباس:
د الى اسمه يحى الفخرانى ده7.5 عشان المسلسل بتع فتح الباب الى هو عامله ده بجد حاجه تحزن تلاقى دايما الناس العاديه الى معهاش فلوس كتير بتتصدق اكتر من الى معاها ربنا يهدى الجميع شكرا لمرورك الرائع |
الله المستعان
|
اقتباس:
و بعدين احنا اللى غلطانين كان فيه حملة مقاطعة المسلسلات دا مش واحد ولا 2 ولا الف دى اتنشرت فى البلد كلها و كان المفروض تتنفذ لما محدش يشوف مسلسلات السنة دى اكيد السنة الجاية هتقل و اللى بعدها هتنعدم بس تقولى اى ناس راضية ان هى تتذل ربنا يهدينا (يلا عشان اعطلك اكتر:p:p:p:d) --------------------------------- --------------------------------- اه و على فكرة انا حاولت اعدهم من على سايت ع النت كانو 24 باين:eek: دا اللى شفته و ممكن يكون فيه اكتر نفسى فى مرة يجيلى صبر ع الملسلات دى عشان اعد كدا اتفرج على 24 واحد فى اليوم و اشوف الناس دى بتفكر ازاى:d و انا عمرى ما بحلف فمش هحلف(على اساس ان بيننا ثقة يعنى:d) بس انا عارفة ناس متابعة 7 يعنى 7 ساعات فى اليوم بيتفرجو ع ناس عمالين يستهزأو بعقلهم كبشر ربنا يكون فى عونهم |
انا برضه نفسي افهم ايه النظرية في كده بس مافيش في ايدينا حاجة غير حسبنا الله و نعم الوكيل
|
| جميع الأوقات بتوقيت GMT +2. الساعة الآن 08:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.