|
معاكسات البنات اخر زمن
سخافات معاكسة الشباب للبنات في الحي الشعبي ..بسبس في الحي الراقي . . توت..تيت.. مافيش بنت فيكي يا مصر إلا وتعاني من المعاكسات المستفزة والسخيفة اللي بجد تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة وهي بكل أنواعها وصورها اعتداء على استقلالية وخصوصية الآخر . . طبعا في أولاد دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي برضه من ضمن قلة الأدب . المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة المعاكسة . المعاكسات كمان بتفرق حسب طبيعة المكان بحكم البيئة والتركيبة الاجتماعية يعني ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو " بصراحة أحلى واحدة اللي لابسه جزمة حمرا" وهكذا . وممكن نلاقي في الأماكن الهاي شوية من ناحية الفلوس يعني مش من ناحية السلوك .. البنت بتتعاكس بكلام مباشر أو يتريقوا على لابسهاا وممكن كمان ينزل الشاب من عربيته ويمشي بجانب البنت ويفتح أي حوار وكأنه فعلا عارف البنت حقارة طبعا . أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان معين وكلها حجج بيؤلفوها لمحاولة مضايقة البنات وخلاص .. طبعا دلوقتي كمان ممكن تلاقي رسالة إعجاب على الموبايل أو رسالة تهديد وطبعا مرسلة من على النت علشان ما نعرفش مين اللي باعت . . أو تصور البنات وهما قاعدين في كافيه من الموبايلات وطبعا يتباهى البيه إنهم صحباته والأنتيم كمان . وارجو ان اسمع تعليقات الشباب والبنات وبصراحه ومن غير زعل هههه |
الانسان اللى بيعاكس ده بيكون مش محترم ولازم يعرف انه اللى بيعمله هيتعمل فى اخته او قريبته..........(كما تدين تدان)...
|
حمد على السلامة يأحمد أنت كنت فين مختفى بقالك فترة ..... أه والله البنى أدم اللى بيعاكس مايستحقش لقب بنى ادم هو حيوان ...... مابيخافش على أختهولا أمه ولا قريبته
|
ويمشي بجانب البنت ويفتح أي حوار وكأنه فعلا عارف البنت حقارة طبعا .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان اه فعلا ده بيحصل كتير اوى بصراحة أحلى واحدة اللي لابسه جزمة حمرا هههههههههههههه دى قديمة اوى بس لسة برضو فى ناس رخمة بتقولها واحلى واحدة ام رجل واحدة والهبل ده. فعلا انت قولت كل حاجة بتحصل وربنا يهدى يارب وكما تدين تدان |
كلها سخافات وبنى ادمين مش محترمه
|
شكرا على مروركم الجامد ده
|
اللى بيعاكسوا دول ناس مش محترمين لان معاكساتهم مستفزه اساسا
|
اللي بيعاكس ده مش عارف يحترم نفسه عشان يحترم غيره
و لو اتخيا ان اللي بتتعاكس دي اخته مثلا اكيد هيبطل شكرا علي طرحك للموضوع |
انا فعلا بحتقر الانسان اللى بيعاكس
بيسقط من نظرى انا نفسى افهم ايه فايدة المعاكسة ده الواحد بيبقى ماشى مش طايق نفسه ربنا يهديهم تقبل مرورى |
اة فعلا كل اللى قولت علية بيحصل بس اساسا الانسان اللى بيعاكس دا اولا لايوصف الا بالتفاهة وقلة الادب واكيد هنسمع بعض
التعليقات اللى هيقولك البنات هى السبب مش هقول لاء هو فى البعض من البنات وليس الكل هم السبب لكن دا مايمنعش ان والله وحصلت معايا بتكون ماشى اخر احترام وتتعاكس وصلت اللى انى لبست الاسدال لمدة اسبوع ولا حاجة اتغيرت المعاكسات هى هى بس هقول اية غير ان اللى بيعمل كدة اكيد هيترد فى اعز الناس لية ومافيش نقاش فى الحتة دى وبكرة يشوف كما تدين تدان وميرسى على الموضوع |
تقريبا الانسان اللى بيعاكس اكيد عنده مرض نفسى ويكون اكيد فى حاجة للعلاج فهو بيعانى من مشكلة وبصراحة الموضوع زاد جدا والظاهر ان الناس نسيت دينها وبقت بتجرى جرى الوحوش لاشباع رغبة ما وان الشاب اللى بيعاكس نقوله اتقى الله فى اى فعل بتعمله وغض بصرك واحفظ نفسك من الفتنة
|
اولا بشكركم جميعا على مروركم الى اكتر من رائع بس الحال بقى محال والتغيرات شغالة على ودنه
الله يخرب بيت الغرب الى عايزين نقلدهم ربنا يرحمنا |
يا جماعة احنا بنجيب اللوم على الشباب المغلوب على امرة لية هوا لو البنت كويسة ومحتشمة حد هيقدر يعاكسها حتى لو اتعاكست المحترمة يعنى هتلاقى اللى يدافع عنها
شكرااااااااا على الموضوع |
انا معاكو ان المعاكسات حاجه غلط بس احيانا بتبقى مجبر وببتبقى البنت هتموت علشان تقولها كلمه هتعمل ايه ...؟؟ ربنا يهدينا
|
هههههههههههه اوكى يا عم ورك النملة فيه كده فعلا
|
| جميع الأوقات بتوقيت GMT +2. الساعة الآن 01:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.