| FUNNYBABY |
08-09-2008 09:01 PM |
وعجلت اليك ربى لترضى ...!
سلام عليكم عندى تجربة لكل واحد فيكم ارجوا تجربتها بس تدعولى جرب تجعل لنفسك كل يوم هدف انك تسعد انسان اسعده بكلمه بنظره طيبه بجنيه تعطيه لمحتاج ...تزور انسان مريض ...تسأل عن صديق وحيد ....تساعد راجل عجوز تسعد ابوك او امك بخدمتهم واخر الليل اكتب عملت ايه النهارده واخلص نيتك للخالق انت عملت كده ابتغاء مرضاته وليس لاى شىء اخر ...انت العبد الفقير تكون سببا فى فك كربة انسان او فى اسعاده بعدها نام وانت مفوض امرك لخالقك واعتقد انك حتحس بأمان الدنيا كلها لان من فرج عن مؤمن كربة من كرب الدنيا فرج الله عنه كربة من كربات يوم القيامه بمعنى ان لو الدنيا كلها اجتمعت على اذيتك او ظلمك تأكد ان ربنا وحده ولانك عملت شىء واحد لوجهه الكريم حيحميك ويحرسك ويكفيك شر ما يكون ...والاهم انك حتحس بمتعه ربنا ما يحرم حد منها لما تحس ان ربنا اختارك انت بالذات عشان تسعد قلب حزين ....وحتحس بأمان الدنيا وانت حاسس برحمته بتحيطك فى كل خطوات حياتك ...يارب تعجبكم فكرتى بس متنسوش تدعولى
"منقول للامانه ولو ناوين تدعو ادعو لكاتبه ولو فاضين ابقوا ادعولى معاه " |
