علوم ماوراء الطبيعه......متجدد ان شاء الله
 

السلام عليكم ورحمه الله/

قبل ماابدأ عايز احكي حاجه بسرعه، مره وانا صغير قريت مقاله عن شئ يسمي ( التنويم المغناطيسي) ..فطبعا لصغر سني ايامها مااستوعبتش المقاله كويس، وبعدها بفتره بصيت في شارع عندنا لقيت مكتوب ((الدكتور/ ........اخصائي الطب النفسي والعلاج بالتنويم المغناطيسي)( ساعتها افتكرت المقاله وقررت اني اعرف اكتر...بدأت ابحث كتير في الكتب وفي الطب النفسي وحاولت ادرس علم النفس البشريه ..كانت تجربه طويله ...طويله بمعني الكلمه...كانت قدوتي في التجربه دي المفكر المصري الدكتور/مصطفي محمود... لغايه اما وصلت لاسرار كتير في علم النفس البشريه والطاقه التي يملكها كل انسان ....طاقه مخزونه...تستطيع بها فعل اي شئ...واسرار كتيره اوي تانيه....استطيع ان اشرح بعضها في السطور القادمه... والبعض الاخر من الصعب شرحه ...الأن احب ان اقول لكم كلمه اخيره...لايربط البعض منكم كلمه (علوم ماوراء الطبيعه) بالمصطلحات(اشباح، عفاريت....) فانا لااؤمن بها شخصيا...والفرق بينهم ان علوم ماوراء الطبيعه(الباراسيكولوجي) علوم موجوده فعليا وندركها ولكننا لانستطيع لمسها((يعني اقليه صغري من البشر مايعلمون بها))...ولكن الاشباح دي حاجات خرافيه لاتمس بصله الي الواقع.....وسيكون كل موضوع مدعم بقصه حقيقيه علي الأقل حدثت قبل ذلك تأكيدا لكم...

ودلوقتي.......يللا نبدأ.....مستعدين؟؟؟


ستكون موضوعاتنا بالترتيب كالأتي:

1- اليوجا
2- التنويم الايحائي (التنويم المغناطيسي)
3- الطاقه الكهرومغناطيسيه البشريه وتأثيراتها
4- الوسيط الروحاني والجسد الاثيري
5- التخاطر والأتصال عن بعد
6- الزمن
7- العالم ثلاثي الأبعاد
8- العقل الباطن
9- الأراده
10- بعض الأحداث التي لايوجد لها تفسير علي مدار القرن الماضي
11- تفسير الشخصيه الصحيح وفقا لعلم النفس.

وبعد الأنتهاء من هذه الموضوعات ان شاء الله ....سأجيب علي اي
سؤال تعرضونه لا تجدون الأجابه عليه.زي مثلا الاسئله اللي محيره معظمنا:

1- بيحصل موقف معين بنحس اننا عشناه قبل كدا ..طيب ازاي؟
2- بنشوف شخص ولو حتي بعيد عنك بتحس نحيته بأنجذاب شديد..بعكس شخص اخر بتحس نحيته بتنافر غريب..
3- الحب....لو معظمنا لاحظ الحب بيزداد لاقصي درجه ليه في فصل الشتاء ...وبنحس في الشتاء بالحنين لشخص ما...
4- الأحلام .....ازاي بنحلم ونحس ان الحلم استغرقنا فيه ساعات...مع انه بيبقي جزء من الثانيه....
5- كذا مره بتحصل وتيجي تقول حاجه تلاقي شخص قالها قبلك ..وتتكرر.
6- واحد يقول انا بعرف الشخصيه اللي ادامي عامله ازاي اما ابص في عنيها...واخر يقول من كلامها....الخ...طيب ده بيحصل ازاي
7- مرات كتير بنبقي ماتصلناش بشخص بقالنا فتره طويله جداا..ونيجي في يوم نكلمه مثلا علي التليفون نلاقيه هو كمان بيتصل بينا في نفس الوقت ده..
8- ليه احنا بنشوف من خلال الهواء.؟؟؟...ده مش سؤال ....لانه هيبقي سؤال غلط... تقدر تشوف الهواء حاجز... ده فعلا واقع حقيقي في الباراسيكولوجي.....وأسئله كتير ممكن اجاوبكم عليها....

بسم الله نبدأ بـ:




اليوجا هي مجموعه من التمارينات،تختلف بأختلاف انواع اليوجا،فهناك يوجا جسديه ويوجا روحيه...الخ...وهذه التمارينات يجب ان تدرب عليها علي مدار شهور لكي تصل درجه تركيزك الي درجه معينه يمكن بها الوصول الي التأثير في الأخرين بمجرد نظرتك اليهم...وبزياده هذه الشهور تكون قادرا علي تنويم شخص تنويما ايحائيا((مغناطيسي))...يعني زي منتدانا ده ...50 مشاركه تاخد لقب(عضو فعال)....وكلما تكثر من المشاركات كلما اخذت لقب افضل...وبزياده هذه التمارين تزداد افاااق التفكير والقدارت العقليه علي التركيز...ومصطلح التركيز اللي اقصده هو (((التفكير في شئ واحد فقط..وعدم التفكير ولو لجزء من الثانيه في شئ غيره...ويكون الشخص غير ملاحظا ايا مما حوله يكون تفكيره في شئ واحد فقط ))) وهذا التركيز يحتاج الي استرخاء ومزاوله لتمارينات اليوجا باستمرار ...ولكي تصل الي ان تكون وسيطا روحانيا ...او لدرجه التخاطر فهذا يحتاج الي تمرينات وقدرات عقليه علي التركيز تستغرق سنوات من التدريب علي التركيز والتوحد....


بعض تمارين اليوجا:

http://img359.imageshack.us/img359/1...4ded4dcrs4.jpg

1
- انظر للأعلى ، ثم انظر للأسفل
انظر لليمين، ثم أنظر لليسار
أنظر لأعلى اليمين ، ثم لأعلى اليسار
أنظر للأسفل لجهة اليمين ثم لجهة اليسار
حرك عيونك مع عقارب الساعه ثم عكس عقارب الساعه
أنظر لاصبعك ثم انظر لحائط بعيد عنك
ثم اعد النظر لاصبعك.
2-ادر مروحه علي اقل درجه وانظر لريشه منها وتابعها جيدا الي ان تستطيع رؤيتها بوضوح.وذلك بالتكرار لمرات عديده.ثم ادرها بسرعه اكبر درجه ..وكرر ماحدث..الخ
3-حاول التركيز في نقطه سوداء علي حائط تركيزا وجدانيا وعقليا تاما ...بالعاميه يعني(( يكون تفكيرك في النقطه دي وبس...بس في نفس الوقت متسرحش من نفسك...تكون واعي جدا مش نايم...وتكون مسترخي...وتنسي الدنيا..ويكون كل كياانك وطاقتك بتفكر فيها...))
4- العين بيخرج منها طاقه حاول تحسها ...وتخرجها نحو حاجه معينه وانت بتفكر فيها بنفس الطريقه رقم 3.
طبعا دي قدرات....ممكن تكون بالنسبه لاقليه من الاشخاص مش صعبه اوي..وفي اشخاص تانيه بتكون بالنسبالهم شبه مستحيله..علشان كدا لازم يكون في مميزات للشخص الممارس:
1- ان يكون ذكيا.
2- ان يكون بصره حادا.


ده مجرد بدايه للموضوع...وانا لسه ماتكلمتش عن حاجه ..انا كنت بقول تمهيد لفهم معني كلمه (( تركيز وتوحد)) ....
والي اللقاء في الموضوع القادم ....والذي سيكون بعنوان(التنويم المغناطيسي ). واللي هنكتشف فيه اسرار يمكن اول مره نعرفها في حياتنا كلها مع انها بتحصل ادامنا كل يوم.

ملحوظه: معلش انا اسلوبي فيه لغه عربيه ولغه عاميه مع بعض...لأني بكتب الموضوع من دماغي وبسرعه...فياريت ده ميتعبكمش في القراءه.

الجـــــزء الثاني
 

2-التنويم المغناطيسي:

بتتفرج علي التليفزيون ها....بتقعد تتفرج علي فيلم مثلا وتبقي متأثر بيه ومش متابع غيره..وممكن والدك او والدتك ينادو عليك وانت مش واخد بالك مش كدا....طيب ايه رأيك في روايه جميله او قصه رعب أو ..أو...تكون جميله جدا ومشدود ليها ومتابع شخصياتها...وحاسس ان انت بطل الروايه دي...ومنجذب ليها جدا...وبتبقي مركز فيه جدا...ده اسمه التنويم المغناطيسي....زي ماانا نومت حضرتك مغناطيسي في موضوعي دلوقتي...


ماهو التنويم المغناطيسي؟؟

* احنا عندنا نوعين من العقل : العقل الباطن + العقل الواعي ...في حاله التنويم المغناطيسي بيتم تعطيل العقل الواعي وتنشيط العقل الباطن.....


كيف يتم التنويم المغناطيسي؟؟

• عمليه التنويم المغناطيسي يشترك فيها شخصان : المنوم + المريض,, وانا قولت كلمه المريض لأن التنويم المغناطيسي غالبا بيستخدم في الطب النفسي لعلاج الأمراض النفسيه المستعصيه...المهم...عندنا المنوم ده اللي بيبقي متدرب كويس علي تمرينات اليوجا اللي قولت عليها ...وبيبقي وصل لحاله من التركيز جامده جدا...وكل ماكان التركيز اكبر كل ماكانت كميه الطاقه الكهرومغناطيسيه اللي بتطلع من المخ اكتر....فالمنوم بيجعل كل تركيزه في تنويم المريض ....والمريض طبعا لازم يبقي تحت ظروف استرخاء تامه....والمنوم بيضع بندول ساعه مثلا ادام المريض ويجعل المريض يتابع البندول ده....ويبتدي المنوم يهئ للمريض منظر معين....يعني يقوله اتخيل انك في بحر...اتخيل ان معاك بالونه وبتضغط عليها علي الميا والبالونه مش عايزه تغرق...وطبعا المريض بيفكر في الموقف ويقعد المريض يفكر في الموقف ويضغط علي البالونه لغااايه مايقع تحت تأثيرالمنوم....وساعتها المنوم يقدر يسأله بعض الاسئله والمريض يجاوب عليها...

هل التنويم المغناطيسي وسيله للاعتراف؟؟طيب ليه منستخدمهوش في الجرائم علشان نعرف بيه المتهمين؟

• التنويم المغناطيسي ليس وسيله للاعتراف....لان المريض لايمكن ان يجيب علي اي سؤال فيه خطر عليه.....

• مثال

عندنا منوم مغناطيسي مره نوم مريض ...وامره انه يطلع فوق سطح....وكان في بينهم عداء....فالمنوم قال للمريض ارمي نفسك من فوق السطح(((طبعا علشان يبقي هو اللي انتحر)))....فالمريض مرضاش ينفذ...فالدكتور امره كذا مره لغايه مالمريض صحا من التنويم..

التفسير:
في حاله التنويم يكون العقل الواعي متعطل ...فعند الاحساس بخطر يوقظ العقل الباطن العقل الواعي (((يعني كأنه بيقول قوم ياباشا بسرعه في خطر بيهددك)))....فالعقل الواعي ينشط والمريض يرجع لحالته الطبيعيه.


ماهي ميكانيكيه التنويم المغناطيسي؟

• مثال :::مريض مصاب بمرض فوبيا السباحه بمعني انه بيخاف من السباحه (((انا عندي فوبيا من السباحه بس محدش يتكلم بقي)))...المهم المريض ده يروح لدكتور بينوم مغناطيسي فالدكتور ينومه ويقوله وهو نائم....السباحه شئ سهل وجميل.....ويرسخ في دماغه ان السباحه دي حاجه سهله....وبعد كدا الدكتور يفوق المريض من النوم.....يبقي مش عنده فوبيا من السباحه وبكده يبقي اتعالج منها....(((يارب عقبالي))).

وفي مثال شهير من علم النفس في موضوع التنويم المغناطيسي ده....وهو ان مدرس نوم تلميذته مغناطيسي....وقالها انا عايزك تقومي تقولي ادام الفصل كله انك بتحبيني ....وبعد ماتقولي كدا تنسي خالص الكلام اللي قولتهولك دلوقتي....وفعلا التلميذه نفذت كلامه...وبعدها بقت مستغربه هي عملت كدا ليه....


ودلوقتي اسيبكم مع حلقه للدكتور مصطفي محمود.....حلقه روعه ...عن علم التنويم المغناطيسي....وفيها حالات اطباء بيعالجو مرضي نفسيين بالتنويم
http://www.4shared.com/file/40599834/d736f6a5/__online.html


والي اللقاء في الأجزاء القادمه ....الأكثر اهميه ....

شكرا علي الموضوع و انا متابعه معاك

جميل الموضوع وإن كنت بطلب منك معلومات إضافيه عن اليوجا وتمارين اليوجا إذا سمحت يعنى

شكراااااا

..
.

اليوجا الرياضيه ولا اليوجا الروحيه؟؟...

علي العموم انا هحطلك معلومات اضافيه عن اليوجا كتير في المشاركات الجايه ان شاء الله...احنا لسه ماتكلمناش عن اليوجا .....ان شاء الله في مفاجأت عنها

فاكر حكايه التنويم اياها .. هههههههههههههههههههههههههههه

:):):p:pتعيش وتاخد غيرها ياباشا

بجد موضوع جميل يا اسلام
وياريت تكمل بقية الاجزاء
عشان انا بصراحة عايز شرح الجزئيتين دول لما توصل لهم يعنى

جميل أوي موضوعك يا اسلام .. وأنا متابع معاك اهه ..


أهم حاجة تكون في حال استرخاااااااء تام و انت بتقرأ كلامي اللي جاي ده

بص عايزك تتخيل اني منومك مغناطيسيا .. تمام ؟ ماشي .. بص بقى ..

" أنا جميل .. أنا حلو أوي .. أنا أحسن واحد بيرد على مواضيعك .. أنا أحسن واحد في المنتدى :D:D:D "


أهم حاجة الأسترخاء هه :p

3- الطاقه الكهرومغناطيسيه البشريه:

سر من اسرار الحياه.......طاقه موجوده بجسم اي انسان....ولكن تختلف من انسان لأخر.....اذا كانت للأنسان القدره عن تطويعها والتعامل معها......فسوف يحقق بها المعجزات


ماهي الطاقه الكهرومغناطيسيه البشريه؟؟

• هي طاقه تبعثها العين او الجسد البشري , وهي عباره عن ذبذبه غير مرئيه ...وهي تخترق الاجسام الحيه والخامده ....وهي طاقه توصل الأجسام ببعضها(((كما شرحنا سابقا في التنويم المغناطيسي...وكما سنشرح بأذن الله في الوسيط الروحاني أو الجسد الاثيري))).....وهذه الطاقه تنساب وتتدفق من جسم لأخر.....

ماهي مناطق جسم الأنسان التي تبعث الطاقه الكهرومغناطيسيه الحيويه؟

http://www.khayma.com/drshahid/image/untitled.jpg

يوجد سبعه مراكز اساسيه في جسم الأنسان لانطلاق هذه الطاقه...وبطلق عليها مصطلح ( شكره)..وهم بالترتيب من أعلي الي اسفل ...كما بالصوره الموضحه :

1- شكره التاج: وهي تقع في أعلي الراس..
2- شكره الجبين: وهي تقع علي الجبين.
3- شكره الحلق: وهي تقعد علي الغده الدرقيه.
4- شكره القلب: وهي تقع علي فم المعده.
5- شكره الضفيره الشمسيه: وهي تقع فوق السره.
6- شكره المسخن الثلاثي: وهي تقع تحت السره بأربعه سنتيمتر.
7- شكره الجذر أو القاعده:وهي اخر نقطه في اسفل العمود الفقري.

بالأضافه الي المراكز السبعه الرئيسيه ..يوجد اربعه مراكز اخري فرعيه...وهي باطن اليدين...وباطن القدمين

http://www.khayma.com/drshahid/image/29.jpg




ماهي فوائد الطاقه الكهرومغناطيسيه؟

• تستخدم في علاج كثير من الامراض..وأمراض الفوبيا ...عن طريق التنويم المغناطيسي.
• الطاقه الحيويه ...طاقه مخزونه...كالأسد في عرينه ليس له ايه اضرار...ولكن ان خرج من العرين ولا يوجد شخص يراوضه ....فأضراره ستكثر.....نفس الكلام في الطاقه البشريه ....نستطيع ان نكون اسعد البشر بها...

ماهي أضرار الطاقه الكهرومغناطيسيه؟

طبعا كلنا نسمع عن الحسد..ونؤمن به لأنه ذكر في القرأن....وسبب الحسد هذه الطاقه ولكن بصوره سلبيه...فهناك صورتين لهذه الطاقه سلبيه وايجابيه.....

مثال: واحد ماشي في أمان الله .... واد مثلا عضلات ...ولا معاه فلوس كتير...الشخص الحاسد.....بيبصله ويركز فيه بالتفكير....يعني يقول ايه ده كل الفلوس دي مثلا.....فبتخرج من جسده بالتركيز ده كميه طاقه كهرومغناطيسه سلبيه.....وحسب كميتها بيكون الأذي للشخص المحسود.

كيف تخرج طاقتك المخزونه وتراوضها؟

ببعض تمرينات اليوجا...والتي سوف يكون لنا شرح مفصل معها....بالصور...وهذه التمرينات سوف تساعد علي الوصول بنا الي درجات عليا من التركيز....والتي بها سوف نخرج من اجسادنا كميات من الطاقه الكهرومغناطيسيه ..

هل الطاقه الكهرومغناطيسيه بتنتقل لمسافات بعيده؟

فعلا الطاقه دي بتوصل لمسافات بعيده جداا.....ومفيش اي عائق يقف قصادها....بس بتقل كفاءئها لو المساافه كبيره جدا.



واخيرا.........انتبه معي.....انظر الي شئ معين علي حائط....حاول ان تركز فيه بأقصي طاقتك وانت في حاله هدوء واسترخاء....بدون ان تغلق عينيك...... ركز في الشئ بتفكيرك وليس بالعين .....وبعد فترات من هذا التمارين ستكون قادرا علي فعل شئ معين.........وهو انك هتقدر تحرك الشئ ده بتفكيرك ...يعني ركز فيه وحاول تخليه يتحرك في الاتجاه اللي انت عايزه....وده اللي هنتكلم عنه في المشاركات القادمه...ان شاء الله

استااذ وربنا.......

الأول شكرا كتييير على موضوعك وبجد جامد وفيه معلومات جامدة جدا

ثانيا انا مستنى تمارين اليوجا إن شاء الله أعتقد إنك هنا هتتكلم عن الروحية وشكرا لاهتمامك يا باشا
ثالثا انت جربت اخر مثال ده ؟؟؟
.
.

انا اول تمرين عملته هو كان التمرين ده...ودلوقتي بقيت محترف فيه:)

موضوع جميل بجد

والله انا كنت عايزة اعرف عن العلم ده من زمان

انا قرأت عنه قبل كده بس كلها كانت قصص