|
هو انا صح ولا انا مش فاهم ؟؟؟؟؟؟؟؟؟؟؟؟؟؟؟؟؟؟؟
سلام عليكم انا بشوف حاجات غريبة اليومين دول وقلت اجيبهالكو ياخونا اول حاجة لما شيخ الازهر اقام صلاة الجمعة في مطروح في نفس توقيت القاهرة عشان يلحق البث التلفزيوني مع ان في فرق توقيت في الصلاة بين القاهرة ومطروح20 دقيقة ودي انا لاحظتها واتاكد منها لما الخبر ده اتقال في المنتدي هنا وعلي كده كل جمعة بيصليها بره القاهرة طيب هو بيعمل كده علي اساس ايه"؟؟؟؟؟؟ تاني حاجة دي شوفتها امبارح واتفاجئت بيها واندهشت وكل حاجة زي كده شيخ الازهر قال تصريح غريب مش عارف قاله ازاى قال ان سوزان تميم المطربة اللي اتقلت ........شهيدة!!!!!!!!!!!!!!!!!!!!!!!!! هو انا مقدرش اتكلم عنها وربنا يرحمها بس انا عايز اعرف قال ده علي اساس ايه ؟؟؟؟ مش عاررف بقي هو صح وانا اللي مش فاهم ولا هو بيطلع حاجات غريبة من نفسه ولا ايه ؟؟؟؟؟؟؟؟؟؟؟؟؟ |
ومين قال بس ان ده شيخ الازهر
دا شيخ الحكومة والناس الهاي كلاس للأسف راح زمن الازهر |
هههههههههه دا شيخ على كيف كيفك:mellow: متنساش انه اصدر تصريح قبل كدا بان الدول الاوروبية من حقها تمنع الناس من ارتداء الحجاب فى بلادها ثم يعنى الدنيا موقفتش على عشرين دقبقة هو ممكن يصلى الجمعة يوم الثلاثاء بعد صلاة العصر مباشرة:d ::::::::::::: وايه يعنى بردو شهيدة شهيدة الغرام طب هو اساسا ميعرفش تفاصيل القتل ولسة جارى التحقيق وكما يقول العندليب يا ولدى قد مات شهيدا من مات فداءا للمكلوب :d هتلاقيه قال انها شهيدة مستدلا على كلامه من قول العندليب:d اللهم انى لا اسالك رد القضاء ولكنى اسالك اللطف فيه |
بجد حاجات عجيبة بيعملوها بتوع الازهر دول
تقريبا هما مش بيفكرو في عواقب اللي بيعملوه وبعدين الخبر التاني بتاع شيخ الازهر لما قال ان المطربه دي شهيده المفروض يكون عارف اننا منقدرش نقول على اي حد مهما كانت درجته عند ربنا شهيد يعني مثلا منقدرش نقول على حد مات في الحرب شهيد اقتباس:
يجي هو يقول على مطربة شهيده:confused: وبعدين خد التالته دي عندك انا سمعت مرة الدكتور صفوت حجازي بيقول ان في واحد كان بيشتغل في شركة بتصدر لاسرائيل فالراجل بعت لدار الافتاء المصرية عشان يسألهم صح اللي بيعملو ولا غلط كان ردهم انهم مش ليهم دعوة بالموضوع ده حرام ولا حلال:huh: عاوز يعرف يسأل حد غيرهم:mad::mad: |
اولا : اتمني ان تتقبل مروري
ثانيا : بجد كل شئ بقي عادي في الزمان ده ... يمكن انت صح ؟؟ ويمكن انت مش فاهم واحنا كلنا مش فاهمين ؟؟ بس بجد كل شئ بقي عادي ؟؟ .... والمقولة اللي بتقول عجبت لك يازمن مش لازم نقولها عالزمن بتاعنا لاننا مش لازم نستغرب علشان كل شئ بقي عاااااااااااااادي ؟؟ انت بتفكرني بامتحانات الثانوية السنة ده ... مثلا امتحان الفيزيا كان جاي قاتل والوزير يطلع يقولك الامتحانات سهلة وفي مستوي الطالب المتوسط ده بقي قال كده علي اساس ايه ؟؟ يبقي احنا اللي صح ؟؟ والا احنا اللي يمكن ممتازين علشان كده ماعرفناش نحل الامتحان المتوسط ؟؟ هههههههههههههههههههههههه عموما تقبل مروري وبجد شكرا علي موضوعك ...." |
هههههههههههههههههههه
والله حاجات دمها خفيف هى المطربه دى كانت شيخه ولا ايه؟ |
تلاقيه قال يعنى مش هتفرق 20 دقيقه نصلى بدرى شويه مش حكايه
والله حاجه تحزن حتى الصلاه بقى بيتهاون فيها وتلاقيه فعلا كل مره بيعمل كده يعنى اشمعنى المره دى يعنى وممكن يكون قصده انها شهيده الغناء فى الوطن العربى لانها اتقتلت مقابل ظهورها نجمه لامعه تشرف الامه الاسلاميه:lol::lol: ربنا يهديه |
هو أكيد قال ماجتش في 20 دقيقة
كله يهون من أجل الحكومة وهو على أي أساس قال انها شهيدة طيب حتى يقول نحتسبها عند الله شهيدة |
انا حاسس ان الراجل ده باع دينه بالفلوس علشان يرضى ناس معينه
ربنا يهدينا كلنا |
اقتباس:
متفق معاك في كده زمان كان الازهر صرح تعليمي عظيم وكبير والناس كلها بتيجي تتعلم في الازهر ولحد دلوقتي الازهر عظيم بس الناس نفوسها اتغيرت وطبيعتها اتغيرت ومبقاش حد فارقة معاه الدين ولا انه رمز للدين اقتباس:
يمكن دي وجهة نظره واحنا مش فاهمين شكرا والله نورتني:d شكرا لمرورك اقتباس:
ممكن يتصل بالدليل وهم يقولو له ربنا يهدينا يارب |
اقتباس:
الله اعلم بس بيطلع منه حاجات غريبة اوى اقتباس:
والله قالها صريحة انها شهيدة ده حتي جرنان الجمهورية الناس بتهاجمه علي الكلمة دي اقتباس:
هههههههههههههه شكرا لمرورك اقتباس:
وحتي لو مكنتش مطربة ازاى انه يقول علي حد انه شهيد ومفيش اي اسباب للشهادة خالص اقتباس:
يبقي انا سؤالي طلع ملهوش اجابة :d شكرا لمرورك |
انا هقول نفس اللى كتبته فى موضوع صلاة مطروح هم يبكى وهم يضحك
سوزان تميمة شهيدة ؟ ههههههه يالا ما علينا |
والله انا مش عارفة ارد اقول ايه
مش بقى في حاجة سليمة في البلد ديه حتى الدين يا ربي !!!!!!!!!!!!!!!!!!! بس كله كوم واللى ماتت شهيده ديه كوم تاني ديه واحده مغنية و..........و.......... اللهم انى صائمة بجد الازهر بقى حاجة ......( استغفر الله العظيم ) |
اقتباس:
ربنا يهديه ويهدينا شكرا لمرورك اقتباس:
ربنا يستر علينا من اللي جاى |
هى اصلا يا نبيل البلد دى ماشية بالمقلوب كل حاجة فيها ماشية غلط فا مش تستغرب ولا حاجة ولا تسال نفسك انت غلط ولا صح لان ده طبيعى
|
| جميع الأوقات بتوقيت GMT +2. الساعة الآن 11:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.