|
بعد اولى طب
بعد اولى طب خلصت الثانوية وقلت لازم أدخل أحسن كلية دا أنا جايبة 99% مش أى درجة عادية وكتير قالولى بلاش الكلية دي معرفش أنا كنت صعبانة عليهم والا مستكترنها عليا وفي أول كام يوم في الكلية حسيت اني متهنيه ونسيت كل هموم الدنيا حواليا وفي آخر السنة اكتشفت انى أخدت كام ضربة قوية يمكن من دكاترة الكلية أو من الدنيا وأصحابي اللي ضحكوا عليا بعد ما كانت الفرحة على طول في عنيه بقيت دلوقتي نكدية ومن أقل حاجة الدموع تملى عنيه وكمان بيقولوا عليا عصبية واديني في الصيف مرميه شويه عند دكتور العيون أو الأسنان أو حتى الجلديه واديني مستنيه أشوف السنة الجاية يمكن تكون جنة أحقق فيها أحلامي الوردية ويمكن تكون زي الاولانيه وساعتها هتبقى الصدمة جامدة عليا وفي الحالتين الدنيا ماشية بيا . .................................................. .................................................. ... يا رب يعجبكم مستنيه ردودكم |
جميله أوى كلماتك بحس فيها ببراءه التعبير والمصداقيه فى الكلام والشرح هى أى نعم عاميه بس بجد جميله تسلم إيدك وإن شاء الله تحققى السنه دى اللى مقدرتيش تحققيه السنين اللى فاتت |
ما احنا قلنا يا جدعان انما الكليات الهندسه طب ايه بس ربنا يقويكى ع السنه الجايه والله دا صحابى مش قادرين عليها يبقى البنات هتقدر طيب كان عندى سؤال معلش هو حضرتك بتمسكى جماجم برده والحوارات دى انا بدخل على صحابى بلقيه حاطط لباسه القلم فى عين الجمجمه :p وبيعملوا حوارات غريبه كدا بصراحه انا بخاف وبطلع بره:p كان معكى البشمهندس KHALOOOD وشكرا |
موضوعك جميل اوى مثل عادتك
وربنا يوفقق يا قمر على طول |
اقتباس:
بس ده اختى اللى كاتباه مش انا اقتباس:
موضوع الجماجم والحوارات ده عادى ده بقي امر واقع بالنسبة لهم ,ممكن ياكلوا جنب العضم وكل الحوارات اللى تتخيلها ,على فكرة البنات تقدر برضه مش اى كلام يعني اقتباس:
ده بتاع اختى يارب يكون عجبكم بجد |
امممممممم
جميلة جدا جدا جدا و الله تحفة تسملي |
لالالا هو انا هيبقى مستقبلي كده ؟ لالا بعد الشر
بس أنا عندي أخت في ثالثة طب و طبيعية عادي والحمد لله هي حقيقي كانت ساعات ما بتنامش :( و ساعات كانت بتقعد تعيط لوحدها :( و أجلت مادة وضيعت الأجازة وقعدت تذاكر :( بس مافيش مشكلة وما نيل المطالب بالتمني :d بس أنا ان شاء الله ناوية ان يبقى نظامي مختلف تماما و ع أي حال الطب ده رسالة وزي ما بيقولوا (كفاية دعوة يقولها -في يوم - مريض ) و ربنا يوفقك انتي واختك و تطلع الأولى ع الدفعة يا رب :d |
اقتباس:
اقتباس:
بصى الطب ده عامل زي غرائب وطرائف على رأى اخواتى وربنا معاكى انت واختك |
طب من فمك
تعالي شوفي اخواتي متبهدلين اخر بهدلة اخرة امبارح جامعة عين شمس امتحان جراحة طحن سنة 6 يا خشو على منتدى مسلم طبيب هتشوفو ردود الاعضاء الداكترة عاملة ازاى؟!!!!!!!!!!!!!!! الناس بتكلم نفسها الدتور الى تحت رئيس القسم دخل قالهم يا جماعة مش بتكبو كل حاجة علشان تلحقو تكمل الامتحان ! د اي امتحان بتردج في الصصوبة لكن ده بتردج في السهولة يعني عايزين يغمو الطلبة وكان في مهازل الورق بتشد من ايادي الطلبة اتخليو المشهد............................................ . |
ايوه يا معاذ مهو اخواتي متبهدلين برضه
بس هنا جامعةة طنطا على ادها شوية انما هناك الله يكون في عونهم |
خاطرة جميلة تتسم بالصدق والبراءة وأنا كنت قد كتبت عن حياة الكلية قصيدة بعنوان (قص ولزق) أرجو قراءتها وهذا رابطها..
http://www.thanwya.com/vb/showthread...t=%E6%E1%D2%DE |
بصراحة نجم المشاعر
انا بجد بتشرف بيك في موضوعي ونقدك ليا بيكون بناء بجد بس ده بتاع اختي مش بتاعي |
كل يوم بيعدى بتورلنا موهبه جديده
ربنا يوفقك ويخليكى ليا يا أحسن صديقه ليا |
شكرا علي الموضوع الجميل ليكي ولاختك وان شاء الله تدخلي طب زيها وبعدي مالهاا ماهي رايقه اهه ومألفه شعر كمان
|
جميله جدا
سلمت يمناكى وان شاء الله السنه اجلايه تكون افضل و تحققى كل ما تتمنيه ارجوا تقبل مرورى اختك منه |
| جميع الأوقات بتوقيت GMT +2. الساعة الآن 06:17 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.