السلام عليكم ورحمة الله وبركاته

سأطرح عليكم بعض الأشياء

أولا اصبح منتدانا الذي أحببناه غير لائق ودون المستوى لاننا هنا كأسرة لا يجوز لنا أن تكون تلك طريقة الردود والتعامل بينا
ثانيا غياب المشرفين باهم قسم بالمنتدى وهو القسم العام ووضع ردود لا تمس للأدب والأخلاق بصلة والمشرفين غير متواجدين
ثالثا كان المشرفين جميعهم متواجدون بفترة الإنتخابات لا يتغيبون من أجل الحصول على الإشراف فقط وبعد ذلك لا نراهم

ولا داعي للقول بأننا في فترة امتحانات والمشرفين غير موجودين إذا كان الأمر كذلك فلماذ لا يكون الإشراف الكامل لمن هم ليسو بالطلبة وذو علم وخبرة حتى لا يتحججون بالإنتخابات

أعلم جيدا ان الإشراف مسئولية وللأسف لم يهتم الغالبية من المشرفين وليسوا جميعا

قلة قليلة التي تحمل المنتدى على عاتقهم



فلذلك أدعو لكم من كل قلبي التوفيق ولن أسمح أن يهان المنتدى الذي عشقته بتلك الطريقة فالإنسجحاب أكرم من ان ارى ذلك المنتدى الذي رسمت له صورة تفوق الوصف وهو ينحدر نحو عدم الإحترام


أعلم أنكم جميعا تريدون أن تسألوني لماذا كل هذا الكلام
أرجو من الجميع الدخول لموضوع الإخوان المسلمون بالقسم العام وان تنظرو كيف كانت الردود بالسخافة بين مجموعة من الأعضاء والقاء الفاظ خارجة عن الآداب والآن اعلنها وبكل صراحة أني مغادر

وأشكر الأناس المحترمين بالمنتدى الذين تعلمت منهم كثير من الأخلاقيات وكانو لي أصدقاء بل اكثر من ذلك حتى أني ذهبت وتقابلت مع احدهم لأتعرف عليه معرفة شخصية عندها احسست بقيمة المنتدى
والآن يضيع كل شيء


فالإنسحاب اكرم لي



وفققك الله دائما في ظل رعاية المشرفين الغائبين
والإدارة الغائبة


وأشكر المتواجدين الذين يحملون هم ذلك المنتدى وفققكم الله جميعا

يا استاذ عبد العظيم


انا موش اغلط وانتوا تدفعوا تمن غلطتي واللي المفروض ينسحب انا لكن بناء على احترامي وحبي للمنتدى لن اتركه بس حضرتك تسيبوا لا وانا موش عاوز يا جماعه ده يحصل



ومحدش يسيب المنتدى لان لو عضو سابوا المنتدى هينهار

انا اسف يا استاذ عبد العظيم لكن والله مش بايدى وانا باطلب من استاذ اشرف ان يلغى اشرافى نهائيا

واعلم انه لا يرضينا زعلك ولا يمكن ان تتركنا واذا كنت انا سبب هذه المشكلة فارجو من مدير الموقع الغاء عضويتى


وانا اسف ليكم كلكم

أخي الفاضل انيشتاين انت تعلم جيدا كم أحترمك وأحبك واحب جميع الاعضاء المحترمين انا لا أهاجمك ولكن يصعب علي ما وصل اليه المنتدى من حال سيء

يا استاذ عبد العظيم المفروض احنا بأه اللى نتمسك بالمنتدى ونصلح حاله

انما الامم الاخلاق ما بقيت فإن هموا ذهبت أخلاقهم ذهبوا

تضامنا مع الاستاذ عبد العظيم قررت الإنسحاب لانه هو السبب في دخولي المنتدى

ياجماعه ....هو ايه اللى حصل يعنى........؟

حصلت مشكله والحمد الله اتحلت .......انما موضوع الاداره والمشرفين اللى ما بيدخلوش ده موضوع تانى

فعلا المنتدى خلاص كله بيشتم كله وكله بيسئ كله
انا من رايى ان المنتدى ده بقى شارع
وانا مع الاستاذ عبدالعظيم وكلامه فعلا بجد
عبقرينو تلاقيه مره فى الاسبوع وكذلك المشرفين
انا عن نفسى انا لما اخترت ابقى مشرف اخترت واحة النشيد لانى عارف انه قسم مش نشط اوى
انا كان عندى استعداد اقدم اشراف على اى قسم نشط بس انا مرضيتش لانى لو اخترت كده اكيد بضحك على نفسى

يا جماعه الرجاء الهدوء الاستاذ عبد العظيم سوف ينسحب لعده ايام حتى تتدخل الادارة لحل هذه المشكله وان شاء الله مفيش فرقة يا جماعه


ومحدش يسيب المنتدى احنا في ايام مباركة فاستودعكم الله بذكرى مولد هادي البشر سيدنا محمد عليه افضل الصلاة والسلام ارجوكم عدم ترك المنتدى

والاستاذ عبد العظيم سيعود قريبا باذن الله

دي مش مشكلة يا بسملة دي إهانة لكل الموجودين بالمنتدى أن تكون أخلاقيتنا هنا وصلت لتلك الدرجة فعلا إهانة ومهزلة لا بد ن إيقافها

يا استاذى العزيز مش ممكن اللى بيحصل ده
بدل ما نحل المشكله بنعقدها اكتر
ارجو يكون فى تفاهم اكثر من كده

لا طبعا ده مش حل

والله انا حاولت كتير اوقف المهزله اللي كانت حصلت

الاول كان بين محمد البري ويوري ..وبعدين في موضوع تاني كان فيه خلاف بين يوري وعضو اسمه fox

كان كلام وتصرفات غير لائقه بالمره وحاولت انبههم كتير ماكنش حد بيسمع نهائي

وفعلا مشرفين المنتدي العام ماكانوش موجودين وده اكبر غلط ومشرفين المنتدي كلهم تقريبا ماكانوش موجودين الوقت ده وفي الاخر دخل استاذ جمعه

اعتقد المشكله بقت كبيره منتدي بدون اشراف..!!

والمشرفين بيزاكروا وده طبيعي!! لازم حل والا هينهار المنتدي

هتنهار الاسره الجميله اللي في المنتدي والروح الجميله بين كل الاعضاء

اللي بعتبرهم جميعا اخوتي

كل ده هينهار كده مرة واحده!!

بجد انا حزينه جدا علي الوضع المؤسف ده

انا لا اجد ما اعلق به
فالمنتدى لم يشهد فترة منذ نشأته كهذه الفترة
وللأسف استاذ اشرف يتغيب فى الوقت الذى يجب ان يتواجد فيه

أرجوك استاذ عبد العظيم انتظر ولو لفترة قصيرة حتى نتوصل لحل يرضى جميع الاطراف
فلا يجب ان يهدم كل شئ فى لحظة ....

يا جماعة لازم الادارة تتدخل
وتهتم شوية
مش معقول كده
مافيش مشرفين بتدخل تتابع حاجه
ولا إدارة
ولا ولا ولا

أنا اسف يا جماعة لم أستطع المقاومة لذلك قررت العودة للمنتدى وأرجو ن الأستاذ أشرف ان يعطي احد الأعضاء صلاحيات الإدارة حتى يكون متواجد دائما ويتابع ويوقف المهزلة التي تحدث