|
مصر دي مش أمي .. دي مرات أبويا
بسم الله الرحمن الرحيم ايه اخباركم جميعا :)يا رب كله يكون كويس:) مش عارف ليه النهارده وانا بحضر قصيده لمصر علشان احد المسابقات الشعريه خطر في بالي حب مصر بجد . معلش انا هسأل سؤال محرج انا شخصيا معرفتش اجاوب عليه هل مصر لو دخلت حرب حاليا ومحتاجه لجهدك هتروح ولا لأ وخاصة انك مش مجبر ...؟؟ ممكن اللي يرد يقول لي اه ولا لأ لأني بجد محتار مش عارف هل مصر وحكومة مصر واهل مصر وناس مصر يستاهلو الواحد يضحي علشانهم ...؟؟ :mad:الله أعلم:mad: |
يآآآآآآآآآآآآآآآه ده واضح ان مصر غاليه عندكو اوي
|
طيب انا هقولك علي حاجه....اعتبر المنتدي ده مش مصري...تمام؟؟....وكان كل اللي فيه من دول تانيه غير مصر....هل كنت هتحس بالألفه بينك وبينا؟؟؟!!....بنسبه كبيره اكيد لأ
طيب انت من المنصوره ...ايه رأيك تسافر ليبيا مثلا في مره...ليبيا دوله قريبه اهه....هل هتحس انها بلدك..وانك بتحب اهلها....بنسبه كبيره اكيد لأ طيب لو قالولك تبعد عن اصحابك في مصر واهلك ومتشوفهمش طول حياتك ...مقابل 200000 الف جنيه في الشهر.....هل هتوافق....اكيد طبعا لأ..... احنا فينا كبشر عيب ....والغريب اننا كلنا مجتمعين عليه....وهو اننا مبنعرفش قيمه الحاجه غير اما بتروح مننا....يعني بنشرب سجاير وبندمر صحتنا وعاااااااااااااادي خالص....واما نيجي نتعب بنبقي مستعدين نعمل اي حاجه علشان نرجع بس نص اللي كنا فيه.... خلاصه القول ان بلدنا اديتنا كتير...اديتنا اهل واصحاب واسره.....اديتنا امان مكناش هنلاقيه في مكان تاني...اديتنا حنين وعرفتنا معني الحب....اديتك دينها سواء اسلامي او مسيحي((يمكن لو كنت اتولدت في حته تانيه كنت بقيت يهودي وكنت في النار علطول))....بلدك بنتلك شخصيتك وخلتك تيجي دلوقتي وتتكلم معانا كلام منطقي وتتطرح موضوع .....وحاجات كتير اوي تانيه...... تفتكر بعد كل ده لو مصر دخلت حرب مندخلش وندافع عنها؟؟ انا بقي اللي بسأل السؤال ليك مش انت اللي بتسأله لينا.. |
والله اللي عاجبني في كلامك كله يا اسلام 2010 ان لو كنت اتولدت في حته تانيه غير مصر كان زمانك يهودي مثلا وهتخش النار على كطول .. بصراحه مجتش في بالي الحته دي .. وشكرا على مرورك واهتمامك
|
يااخ ورك النمله...ياريت تحب بلدك بجد...ويعني مسأله الدين دي بس اللي خلتك تغير رأيك؟...علي العموم اهلا بيك معانا في المنتدي وشكلك عضو ممتاز جدا...بس نصيحه اخويه ياريت تغير اسم الدخول في الموضوع ده
http://www.thanwya.com/vb/showthread.php?t=25762 علشان الاعضاء اما يجي يردو عليك بس في مواضيعك بدل مايقولو الورك راح والورك جه..يعني الأسم مش لذيذ انا بهزر معاك علي فكره بس ياريت تتقبل النصيحه...والسلام عليكم اخي العزيز |
شكرا ثانية على المرور ولكن بالنسبه للإسم أنا عصام ولكن هناك شخص عزيز جدا عليا اطلق عليا ذلك الاسم من زمن لأستخدمه كإسم مستعار وايميل وهكذا واعذرني ... وانا احب مصر ولكن اردت فقط ان ارى اخواننا في المنتدى ما رأيهم جميعا وجزاكم الله خيرا .....
|
اهلا بيك يااستاذ عصام للمره التانيه معانا.....وعجبتني جدا اما فضلت محتفظ بالاسم ده علشان الشخص اللي انت بتحبه....وياريت تعرف الاعضاء بنفسك في قسم اهداءات ومناسبات...
وبعدين انت شكلك في الصوره مصراوي اصيل زينا اهه ...تقبل مروري يااخ عصام |
اهلا بيك في أي وقت ...
|
اقتباس:
حد طايل يموت شهيد ومش هاتردد ثانية واحدة وحتى لو مش مت شهيد بقى ليا الحسنى التانية النصر فأما النصر واما الشهادة اقتباس:
اقتباس:
ماليش دعوة بالحكومة انما ناس اكيد لانى مصرى واهلى بردة مصريين واى مسلم مطلوب منى انى دافع عنه خصوصا فى الحرب |
شكرا dr.saeed على مرورك وهي أيضا وجهة نظر فعاله .
|
بتفق مع وجهة نظر دكتور سعيد
. . |
على الرغم اني بنت بس كنت أتمنى أروح أحارب
أو حتى اساعد الجيش زي أيام الرسول جايز طلقة تيجي فيا أموت شهيدة وبجد حلمي اني أموت شهيدة وعايزة أقولك ان مصر ما قدمتش حاجة وحشة لينا أهلها بصراحة هما اللي ظالمينها |
انا كنت عايز اقول ان احنا كلنا لينا مصير واحد ولا مفر منه وهو الموت يعنى الموت علينا حق
يبقى من الاحسن ليا اموت شهيد |
اقتباس:
اهل مين اللى ظالمينها اهلها دول اغلب ناس والله اللى ماسكينها هم اللى ظالمينها وميرسى استاذ عصام على الموضوع ومااعتقدش ان فى مصرى بيكره مصر امال هيحب مين يعنى اسرائيل والله مصر اللى باقياله يبقى يروح حته تانيه كده يشوف هياخد جنسيه ولا ايه هيحصله |
| جميع الأوقات بتوقيت GMT +2. الساعة الآن 12:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.