|
خُلقنا لنُفكر : خطه عمل تحت المناقشه : الرجاء دخول اعضاء المجموعة
السلام عليكم ورحمة الله وبركاتة اهلا باعضاء المنتدي واعضاء مجموعه خُلقنا من أجل التفكير الموضوع النهارده خاص بأعضاء المجموعه اكثر مهو خاص باعضاء المنتدي ولعل هذا الموضوع معروض علي الملأ كي نحقق هدفنا اسرع بتأهيل اعضاء المنتدي ليكونوا أرضا ً خصبة للمعلومات وتقبل المعلومات فبمثل هذا الموضوع وبقراءة احد اعضاء المنتدي إياه سيدرك في داخله من قبل دخوله اي موضوع لنا انه سيجد شيئا ً مفيدا ً وبذلك قد حقق ولو 1% من هدفنا المرغوب -- خطة العمل وما يجب ان يكون : لكل عضو من اعضاء المجموعه الحق في اختيار المجال المتميز فيه او الذي يتقبله بسهوله ويسر وينتقي مواضيعه سواء من علي الإنترنت او من المكتبات * فمثلا عضو متفوق في مجال الفلسفه او علم النفس سيبحث من خلال الإنترنت علي مقالات فلسفيه او كتب خاصه بعلم النفس ولكن ليس اي مقالات ما يتناسب مع ديننا وما يدعو للخير الأمثل من بعد ذلك يجب :- أولا إذا كان الإسلوب صعبا فحاول ان تبسطه بأسلوبك وإن كنت انت شخصيا ً لا تفهمه فمن الأفضل ألا تأتي به كي لا تكون في موقف لا تُحسد عليه من مناقشي الموضوع واهم من الموضوع ذاته ان يكون الاسلوب يسيراً ثانيا علي كل عضو ان يدخل ويبدى رأيه سواء بالإيجاب او بالسلب في موضوع اي موضوع للمجموعة ثالثا اهتمامنا بالمجموعه لا يعني إهمال لباقي مواضيع المنتدي ولكن إهمال لما هو تافه منها فمثلا من العيب ان اجد عضوا ً فينا في موضوع ليس له اي هدف لان رده كشخص مُفكر يعطي قيمه للموضوع ومن ثم صاحبه الذي لا يختلف كثيرا ً عن نوع الموضوع ومن الواجب علي العضو في المجموعة عندما يري موضوعا ً مفيدا ً يستحق المناقشه يدخل علي صفحه الجروب ويضع اللينك لكي نراه ونفيد ونستفيد رابعا ً إن كان لا يوجد لك اهتماما ً بنوعيه موضوع من مواضيع اعضاء المجموعة او إن كان لا يتناسب معك فاكتفي بالمشاهده فقط ولكن تعرف عما يكتب ولا تكن جاهل معرفيا فهدفنا ان نكون موسوعيين خامسا ً من المُفضل ألا تزيد موضوعات العضو الواحد يوميا عن موضوع واحد وذلك لأن كثره الموضوعات تؤدي الي المِلال والاستثقال اما خفتها وتباعدها يؤدي الي التشويق إليها وترقبها سادسا كن علي استعداد ان تناقش كل جزء في الموضوع استعدادا ً لدخول باقي اعضاء مجموعتك او اعضاء المنتدي والهدف الأوحد من المناقشه ليس ان تقتنع انت او اقتنع انا الهدف الأول هو ان ننمي فِكر القارئ ما بين نقد الآراء وفرزها والتسليم بصحه احدها سابعا ً لا داعي للنقاشات التي تتوجه للجماعات الدينية والأديان لان هذا المجال يمثل في علم النفس اعتقادا ً والإعتقاد من المُستحيل تغيره بسهوله وما نستطيع ان ننجز به تغيير اعتقادا ً واحد قد ننجر به موسوعه كامله وفائده حيوية اكبر ثامنا ً يرجي عدم استخدام اساليب التهكم والسخرية او التلاعب بالألفاظ ( ربنا يهديني ) تاسعا ً كما قلت قبل ذلك الحب هو ما سيؤدي لتنفيذ هذى الالتماسات فإن لم يكن هناك حبا ً وإحتراما ً لن تتقبل تلك الكلمات منى عاشرا ً إن كان هناك تعقيب منك علي اسلوب زميلك في المجموعة ارسل له رأيك علي رساله خاصه ولكن بكل أدب وإحترام لانها في الاول حرية شخصية هذى خطه عمل مبدأيه واريد منكم تصورا ً آخرا ً لعمل المجموعة كي يتم مزج افضل الآراء والخروج بأكثرها تنسيقا ً ملحوظة : اي موضوع لأي عضو من اعضاء المجموعة يجب وضع الرابط الخاص به في صفحه الجروب اعتذر عن أي خطا إملائي او لغوى كي لا يكون لاحد تعليق غير مقبول يصحبه تعليق غير مقبول اكثر مني :) |
اسمحلى ابدى اعجابى اولا باللغة الى بتكتب بيها ،، ما شاء الله فصيح
ثانيا خطة العمل بجد محترمة وباذن الله تتنفذ،، |
اقتباس:
الحمدلله ان الاسلوب كويس ومقبول وف نفس الوقت مفهوم للكل :) ان شاء الله |
فعلا زى ما قالت رحمة اسلوب حضرتك متميز جدا وفى نفس الوقت مفهوم وبجد الخطة كويسه اوى وان شاء الله كل الاعضاء تلتزم بيها والجروب هيبقى احسن ربنا يوفقنا عاشرا ً إن كان هناك تعقيب منك علي اسلوب زميلك في المجموعة ارسل له رأيك علي رساله خاصه ولكن بكل أدب وإحترام لانها في الاول حرية شخصية وخصوصا الشرط يا رب يتنفذ بجد |
فعلا زى ما قالو الاسلوب حلو على الاقل رجعنا للفصحى اللى كان الواحد قرب ينساها فى المنتدى ده [QUOTE]لكل عضو من اعضاء المجموعه الحق في اختيار المجال المتميز فيه او الذي يتقبله بسهوله ويسر وينتقي مواضيعه سواء من علي الإنترنت او من المكتبات * فمثلا عضو متفوق في مجال الفلسفه او علم النفس سيبحث من خلال الإنترنت علي مقالات فلسفيه او كتب خاصه بعلم النفس [/ QUOTE] بس الحته دى افهم منها ان كل واحد يعنى النفترض انه يتخصص فى حاجه معينه فى موضوعاته اقتباس:
احم احم حضرتك لسه محطتش الموضوع دع هناك:d فى رعايه الله |
هههههههههههه
حطيه بعد ما خلصت علي طول وبعدين انا بعتهوملكم علي رسايل الزوار الاول المهم مش شرط تتخصصي بس لما تجيبي حاجة يبقي حابه انك تجبيها او استفدتي منها فعلا وفهماها كويس عشان هتبقي مستعده تدخلي في جدال ونقاش |
افكار حضرتك كويسة جدااااااااااااااااااااااااااا
ربنا يجازيك خير بس عندى اقتراح ان اعضاء المجموعة تقريبا عارفين بعض ممكن كل واحد يقول المجال اللي يحب انه يكتب فيه بس الاعضاء كلهم يدوه موافقة انه ممكن يقدم فعلا ف المجال ده لان انا ممكن اختار مجال ابقى حاسة انى هقدر اجمع فيه واكتب كويس بس الاعضاء بيملو من موضوعاتى ف المجال ده او العكس اظن ان تقريبا كلنا قرينا مواضيع لبعض ونقدر نحدد مين اللى يكتب ف ايه |
خطة عمل اكثر من رائعة و ان شاء الله الكل يمشي عليها
|
اقتباس:
هيتم مناقشتها ان شاء الله وفعلا دي مطلوبه لان الهدف ان المضمون يوصل والافكار توصل مش مشكلة ان فاهم لوحدك الاهم ان غيرك كمان يفهمك :) |
اقتباس:
ان شاء الله يارؤوف نورتني :) |
رائع يا أحمد بجد تسلم ايدك وقبل ما تسلم ايدك يسلم فكرك ا
|
أفكار جميله اوي يا احمد وخطه عمل ممتازه فعلا
لو اتطبقت كويس ممكن تغير كتير ف اسلوب المناقشه بين اعضاء الجروب او ممكن المنتدي دا غير ان حيكون فيه تغيير جذري ف نوعية المواضيع اللي بشوفها ان شاء الله اقتباس:
مش دايما الغرض من النقاش الاقناع او الاقتناع مظنش اني اتكلمت مع حد ف موضوع نقاشي الا استفدت ع الاقل كطريقة عرض الفكر او كاسلوب النقاش فعلا زي ما قلت بينمي فكر القارئ وتباين الافكار بيؤدي للالمام بالفكره والفكره المقابلة او زي ما يقال كلما زاد الاتفاق قتل الحوار يالا مش مشكله بالتوفيق ان شاء الله ف تنفيذ الافكار :) |
اقتباس:
ربنا يكرمك يا بسام باشا بس ايدك معانا انت بقي عشان يبان الشغل بالتوفيق لينا وليكم ان شاء الله :) |
اقتباس:
ربنا يخليك يا المعتصم ويكرمك تسلم ايدك انت علي الرد وايدك معانا بقي الله المستعان :) |
فعلآ يا احمد خطة العمل دى خطوة نحو الايجابية والبعد عن الاراء التافهة والسلبية
تعرف لو نجحنا (اعضاء المجموعة) فى اننا نرتقى بمستوى الفكر فى ارائنا ومواضيعنا صدقنى المنتدى كله ها يبدأ يتبع خطانا ويمكن فى يوم من الايام نلاقى المنتدى كله بقت مواضيع ايجابية وهادفه وبيعدة عن التفاهة مين عارف ...! |
| جميع الأوقات بتوقيت GMT +2. الساعة الآن 01:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.