التوك توك .... قنبلة موقوتة
 

ازيكم يا شباب .... ايه اخباركم

موضوعي النهاردة هو عن التوك توك ( يا رب ميكونش متكرر )


مقدمة
ظاهرة التوك توك بدأت في اوائل 2004 في المناطق الشعبية

و من ساعتها و بدأ يحتل مكان كبير في مصر و المحافظات

و الناس كلها حبوه عشان بيعدي في كل مكان ( حارات تلاقي . رصيف تلاقي . في كله تلاقي )

اما التوك توك اساسا فاصله من الهند و البلاد اللي حواليها في شرق اسيا

مشاكله

1- طبعا ظاهرة غير حضارية تسيء للمنظر العام خصوصا لما يمشي عكس الطريق في شارع
رئيسي مثلا


2- الفساد الاخلاقي الناتج من المستوى الاخلاقي المنخفض للسائقين
يعني نلاقي السواق قاعد يشتم و يضرب في الزبون عشان الاجرة
و مش بعيد تقلب بجناية ف الشارع :huh::huh:

3- زيادة الجريمة يعني دلوقتي نسبة كبيرة من حالات الخطف و السرقة و القتل سببها اختلاط
تلك الفئة بالناس و اكيد كلنا سمعنا عن حوادث زي دي

4- زيادة البطالة و ده بقي واضح
حتي ان دلوقتي في مهندسين و غيرهم بيشتغلوا علي تاكسي او توك توك

اسعاره

التوك حاليا يتراوح سعره بين 16000 الي 18000 جنيه ( يا بلاش )
و علي 50 قسط شهري ( قسط براحتك:d )

و الحل ايه ؟؟؟؟
ده بقي انا سايبهولكم
جود باي

انا متفقة معاك ان فى مشاكل كثير عاملها التوك توك لكنة حل ازمه كبيرة خاصة فى المحافظات وهى ان المحافظات مبيبقاش فيها taxi وبكدة بيكون التوك توك هوة الوسيلة المتاحة انا راى ان لازم يبقى فى موقف معين للتوك توك و

يبقى فى رقابة من هيئة مختصة على السواقين

شكرا ع الرد و المشاركة

ايه يا جدعان 10 مشاهدة و 2 مشاركة بس

يا عم سيب الناس فى حالها
ده فاتح بيوت والله
هو التوك توك هيفضل توك توك
والشمامين هيفضلوا شمامين
اسف على الكلمه
بس انا شايف انه بغض النظر عن اللى سايقينه
هو مصدر رزق شريف ومحترم وكويس

أنا باختلف معاك التوك توك مصدر رذق لناس كتير... وعشان يربى سواقين التاكسى مش أقول لسواق تاكسى على مكان يقعد يتنطط عليا

الاول اتقدم بالشكر لصاحب الموضوع لانه فعلا موضوع مهم ولازم يكون له حل


نقدر نقول عليه

سلاح ذو حدين

يعنى هو مفيد فى بعض الاحيان زى ما قالوا لو بلد مافيهاش تاكسى بيكون هو وسيله سهله وسريعه للنقل

بس برده هو شىء غير حضارى فى منظره

انا عن نفسى بكره جد كره العمى يعنى

مثلا واحنا رايحين الجامعه الصبح وطبعا متأخرين على المحاضرات والحكايه مش ناقصه تأخير نلاقى الشوارع كلها زحمه وممكن نقف فى اى شارع او اشاره فى المواصلات اكتر من ساعهع ده كله بسبب المحتره التوك توك واللى بيعمله فى المواصلات

وكمان طبعا حالات السرقه والقتل

وخصوصا انو لسه مش مترخص يعنى محدش يقدر يمسك عليه دليل ولا له مكان معين ولا اى حاجه

فعلا حاجه تجيب الضغط


معلش طولت فى الرد اصلى فعلا مخنوئه موت من التوك توك ده نفسى ربنا ياخده ويريحنا


عموما

ميرسى على التوبيك الفعال ده

شكرا ع الردود

معلش انا تناولت الجانب الوحش

بس اديكم قولتوا فوايده

و من رأيي انه فعلا سلاح ذو حدين

شكرا ع الردود

اوافقك الراى

شكرا ع المشاركة

زى ماقال الاخ biob ده فاتح بيوت وكمان المستوى الاخلاقى ايه باعم ده الدكاترة فى الجامعة بيقولو الفاظ زى الزفت اما بقى حكاية المظهر الحضارى هقولك ايه يعنى هى جت على دى اما الاسعار فانا اعرف انه ارخص من كده
سيبهم ياكلو عيش

ماشي يا دكتور هبة... وجهة نظر برضو

و علي فكرة انا لسة في تالتة ثانوي

واضح ان الكلية مش مختلفة كتير!!!

شكرا ع المرور

هو حد لقي وسيلة مواصلات افضل وبسعر ارخص وقال بلاش؟!
ما كل ده بسبب الفقر و الارف اللي الناس بتشوفه عشان تلاقي وسيلة مواصلات عدلة تنقلها
واذا استمر الحال علي ما هو عليه ،فانتظر ماهو افظع

شكلك متفائل يا احمد.. ع العموم وجهة نظرك صح

شكرا ع المشاركة

هو ناقصله مروحه ويبقى زى الفل