|
رسالتى الاخيرة لجميع اعضاء ومشرفى المنتدى
اولا : انا حبيت اكتب الموضوع ده لاسباب كتيرة وسلبيات اكتر كل يوم والحمد لله بكتشفها فى المنتدى ما علينا ......... دلوقتى انا نفسى اعرف ليه بيحصل كل ده دلوقتى المفروض اننا كلنا عارفين ان احنا بنعمل غلطات كتير وبنقع فى زلات وذنوب كتير جدااااا فى حياتنا اليومية واقصد بحياتنا اليومية حياتنا من غير نت . بس فى حاجة مهمة جدااا لازم كلنا ناخد بالنا منها وهى ان حياتنا اليومية مفروضة علينا ولازم نقضيها ونمر بيها سواء شئنا ام ابينا واحنا بنحاول على قد مانقدر نخليها تمشى وبنحاول برده نقلل اخطائنا فيها بقدر الامكان . انما النت ده حاجة فرعية وحاجة احنا اللى اختارناها وكل واحد وهدفه طبعا من استخدامه اياه .... طيب اما هو مش اجبار ولا فرض وانما حاجة بارادتنا ليه كل تصرفاتنا فيه غلط مش كل قوى خليها معظم . اما الاقى ما شاء الله بدون حسد المنتدى اغلبه الا من رحم ربى ومش هاقول كله برده مع انى لو قلت كله مش هابقى غلطانة تقريبا ........ ما علينا برده . المنتدى معظمه ولاد وبنات بيتكلموا عالايميل هاتقولولى وماله هو احنا بنتكلم فى حاجة عيب ؟!!!! سيبكم من الناحية الدينية خالص طالما انها مش بتعجب حد ........ خلينا فى الكلام العادى وخلى كل واحد صادق مع الله اولا ثم مع نفسه هل هو لو عنده اخت صغيرة يرضى انها تكلم واحد ولو ما كانوش بيتكلموا غير فى امور دينية طبعا الكلام ده ما بيحصلش لان اصلا اى واحد بيكلم واحدة عالايميل لازم وبدون شك بتتفتح مواضيع تانية يعنى الكلام مش بيقتصر على امور دينية بلاش كده لو بيتكلموا فى مشاكل وحلولها ترضى انها تتناقش مع واحد فى مشكلة وياترى هو الشخص اللى بيكلمها ده ما ينفعش يتناقش غير مع بنت عشان تحلله المشكلة . طيب برده خلاص كلمتها ...... جه رمضان واحنا دلوقتى فى نص رمضان تقريبا وداخلين على العشرة الاواخر يعنى الكلام انتهى ولا لسة مستمر ؟!!!!!!!!!... طب حتى فى رمضان بس مش هاجاوب .. خلى كل واحد وضميره وياريت الكلام ده مقتصر على امور دينية ولا حتى مشاكل وحلولها ده بيوصل لحاجات تانية كتير زى نقل الكلام والنميمة وغيرها والكلام ده مش قصدى بيه الولاد والبنات بس ده بيحصل بين الاولاد وبعضها وبين البنات وبعضها عشان كده ياريت كل واحد يعرف هو بيكلم مين اولا وبعدين يحدد الكلام اللى هايخرج منه للشخص اللى بيكلمه عشان ما يقولش كلمة يندم عليها بعد كده ويبقى ضامن ان الشخص اللى ادامه ده امين يعنى مش اجى انا اقول لواحدة مثلا على سبيل التوضيح فلانة دى انا مش بستريح لها فتروح هى تقول لواحدة تانية طبعا هى مش هاتقولها كده من نفسها لازم هاييجى سيرة الموضوع فى النص تقوم قايلها لا اصل سارة مش بتحب البنت دى اجى بعدها بكام ساعة ومش هابالغ لو قلت كام دقيقة المهم الاقى البنت الكلام وصلها بعد ما مر بعشر الاف واحدة قبلها على فكرة ما حصلش حاجة كده عشان ما تفكروش حاجة يعنى انا بقول مثلا المفروض اننا داخلين المنتدى لهدف معين فكل واحد له هدفه واحد مثلا عايز يتعلم ويستفيد واخر عايز يفيد غيره وثالث عايز ينفع الاسلام والمسلمين بنشر مقالات دينية ....كل واحد له غاية يا ترى كام واحد فينا فى ظل اللى بيحصل ده حس انه بيحقق الهدف من دخوله المنتدى خلاص ماشى هاقول انت اللى هاتتحمل ذنب اللى بتعمله ده انما بقى ممكن حد يقولى ايه ذنب مؤسس الموقع من كل ده ...... المؤسس كان له هدف هو كمان ده منتدى تعليمى يا جماعة انت هاتاخد ذنوب على اخطائك بس انت كده بتحمله هو كمان الذنب لانه مؤسسه طلبى الوحيد منكم وارجو من الجميع الالتزام به هو اننا نستخدم كل حاجة مش النت بس كل حاجة نحاول بقدر الامكان نستغلها بطريقة صحيحة ومانحاولش نخلط ونكون صادقين مع انفسنا ونقارن كويس بين الصح والغلط وما نتهاونش فى امور خطيرة ونتذكر قوله تعالى ( وتحسبونه هينا وهو عند الله عظيم ) انا عارفة ان كلامى ده مش هايعجب حد بس احنا فى رمضان وعايزين نجتهد جامد جدااااا الايام القادمة فلعله يكون اخر رمضان فى حياتنا عايزين نجاهد نفسنا ونغلبها مش هى اللى تمشينا على اللى هى عاوزاه وما تنسوش ابداااااااا ان الكلام ده كله موجه لنفسى اولا قبل ما يكون موجه لاى شخص والله انا وصلتلكم رسالة اهو عشان ما بقاش شفت الغلط وسكت " اللهم انى بلغت اللهم فاشهد " واذكر الجميع بقوله تعالى : ( الذين يستمعون القول فيتبعون احسنه اولئك الذين هداهم الله واولئك هم اولوا الالباب ) احنا كلنا نتمنى نكون منهم واحب اختم كلامى بقوله تعالى : ( واتقوا يوما ترجعون فيه الى الله ثم توفى كل نفس ما كسبت وهم لا يظلمون ) وفق الله الجميع الى ما يحبه ويرضاه وحفظكم من كل سوء والسلام عليكم ورحمة الله وبركاته |
ما شاء الله عليكى موضوع جميل اوى فعلا انتى مغلطتيش فى اى كلمة قولتيها انتى كل كلامك صح
انا مش عارفة العادة ان كله دلوقتى بيكلم بنات على المنتديات كلها مش المنتدى ده بس يا جماعة خافوا على نفسكم وصدقونى مفيش ولد بيكلم بنت بيقول بكلمها فى حاجات دينية الاول دينية بعدين كله بقى ربنا يعافينا والله . تقبلى مرورى . ( واتقوا يوما ترجعون فيه الى الله ثم توفى كل نفس ما كسبت وهم لا يظلمون ) |
جزاكي الله خيرا
تقبلي مروري |
اقتباس:
جزاكى الله خيرا يا سهيلة ربنا يهدينا كلنا ويوفقنا الى ما يحبه ويرضاه واعتقد من كلامك انك مؤيدة لى عشان انا عارفة ان معظم الناس هنا مش عاجبهم الكلام ده ربنا يصلح احوالنا |
اقتباس:
جزانا الله واياكم وياريت حضرتك ما تكنش من ضمن الناس دى وتكون استفدت كويس من الكلام ده |
كلامك كله صح يا سارة
جزاك الله كل خير |
بجد معاكي حق .. بس ما فيش حد بيجبر حد على حاجة .. و اكيد لو كل اتقى ربنا فتصرفاته مش هيبقى في مشكلة ,..
ربنا يجازيكي خير و ينفعنا بيه .. و على فكرة الموضوع ده هيبقى حجة علينا .. بنا يهدي شباب و بنات المسلمين و يردنا الى دينه ردا جميلا .. و على فكرة الكلام ده مش مفروض يزعل حد لأن كل واحد عارف نفسه و محدش بيشوفه غير ربنا ... و أظن ان المنتدى ده محترم جدا و ان شاء الله للأحسن .. |
اقتباس:
شكرا يا فجر على ردك وجزاكم الله خيرا على مروركم الطيب وكويس الحمد لله انى لقيت ناس لسة بجد فيها خير ومقتنعة بكلامى لانى بجد حسة انى بقيت افكر لوحدى فى كل حاجة |
اقتباس:
بس مش عارفه ليه اخترتى اسم التوبيك اخر موضوع ليا |
شكرا على الموضوع ولازم كل واحد يعرف انه بيكلم واحده ان الشيطان ثالثهم
جزاكى الله خيرا ( دى مفيهاش حاجه دى ) |
اقتباس:
اكيد مافيش حد بيجبر حد على حاجة كل واحد بيعمل حاجة بتكون باختياره وجزانا الله واياكم اكيد هايبقى حجة لكل من قراه ولم يعمل به مش ده بس اى موضوع فى توجيه او ارشاد هايبقى نظامه كده برده اميييييييييييين بس ماتنسيش ان فى زماننا ده كلمة الحق هى اللى بتزعل وبتقعد للواحد اسعدنى مرورك كثيرااااااا |
اقتباس:
والله انا بجد بقيت خايفة انى استمر وبقيت خايفة من كل الناس ربنا يقدم اللى فيه الخير ولو هو كان الخير لى فى تواجدى فربنا هاييسر لى هذا الامر شكرا لسؤالك |
اقتباس:
جزانا الله واياكم شكرا لمرورك الجميل |
أوك يا سارة الرسالة وصلت saeed |
اقتباس:
مش فاهمة رسالة ايه اللى وصلت على فكرة انا والله ما قصدش حد معين خالص انا هو ده اللى اكتشفته مش فى الاعضاء بس انما فى المشرفين كمان اللى المفروض يكونوا قدوة بس حقيقى كنت مضايقة جدا بسببه فقلت اقولكم على سبيل النصح مش اكتر والله |
| جميع الأوقات بتوقيت GMT +2. الساعة الآن 08:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.