الى طلاب الشهادات المعادله القادمين من السودان ارجو الدخول ضرورى
 

السلام عليكم ورحمة الله
يا جماعه كل اللى حصل على الشهادة الثانوية السودانيه ومقدم فى تنسيق مصر يا ريت كل اللى يعرف حاجه عن الاعداد اللى مقدمه او يعرف الحد الادنى للكليات المتوقعه
وياريت كل واحد يكتب هو علمى ولا ادبى والكليه اللى نفسه تجيله
ويا رب النتيجة تظهر بقى علشان نخلص من تعب الاعصاب ده

أنا حاصل علي الشهاده السودانيه من المدرسه الليبيه بطرابلس و كنت علمي اللي أعرفه أن السنه دي مش متقدم كتير ذي السنين اللي فاتت لانه لازم في التقديم الاقامه لي ولي الامر و الطالب يعني مش أي حد يقدر يقدم و التنسيق يختلف من سنه إلي سنه تبعا للأعداد المتقدمه كل سنه بالنسبه للحد الادني للكليات السنه اللي فاتت كان الطب واخد من ??% و الصيدله ??% و الهندسه ??% و بالتوفيق إن شاء الله للجميع

أنا كتبت النسب بس مش عارف مظهرتش ليه؟

الطب من 86% و الصيدله 84% و الهندسه 77% بالتوفيق

أنا نفسي يجيلي هندسه ودي الرغبه الاولي عندي و كل واحد من المدرسه السودانيه يعرف حاجه عن التنسيق و المجاميع يقولها علشان نساعد بعض و يقول هو نفسه تجيله أيه و النتيجه بكره الصبح إن شاء الله بالتوفيق للجميع

علي فكرة يا طارق الارقام اللي انت كاتبها دي كلها غلط اية ياعم انت بتبوظ اعصابنا ولا اية اصلا الهندسة اخدت من 66% اينعم انا مش عارفة الباقي من كام بس اكيد اقل كتييييييييير ربنا يستر

طيب يا وهن الزمان ممكن اعرف انتى جبتى الكلام ده منين او طارق لو انت متأكد برضه عرفته منين
ويا ترى النسب دى هتطبق السنه دى ولا هتكون اقل
يعنى انا جايبه 64% من غير المستوى ممكن الحق هندسه ولا لا
انا كاتبه جميع الهندساات من اول القاهره لحد لو كنت لاقيت جزر القمر كنت كتبتها لانى حلم حياتى هندسه
يا ريت لو حد يعرف اى حاجه يطمنى

هاى يا شباب

انا بدرس فى الخرطوم بقالى سنتين يعنى انا دلوقتى فى اخر سنه ( شهاده سودانيه )

عايزه اعر لو بعد الامتحانات جيت وقدمت فى كليه مصريه ايه اليحصل وايه حيكون النظام؟؟

والنسب دى انتو جبتوها من فين هنا فى الخرطوم الطب بتاخد من 90 و 89

ازاى انتو بتقولو النسب العجيبه دى ؟؟؟


يا شباب والنبى حد يفهمنى !!!!!!!!!!!!!!!!!!!!!!!!

طيب يا جماعة انا لسة عاوزة اخش الثانوية السودانية دى ومعرفش فيها حاجة انا بس عاوزة اى حد يفدنى فيها ضرورى والله اوووووى وكمان عاوزة اعرف الاحسن علمى ولا ادبى ياريت الى يقدر يفدنى انا اميلى sweetangel_manon15@hotmail.com يضفنى عشان انا عندى اسألة كتير نفسى حد يجوبنى عليها بس حد عارف يا جماعة....وبجد شكرا اوى ليكو بس متنسونيييش لحسن انا زهقت ومش عارفة اقرر

السلام عليكم ورحمة الله
اولا يا هاديل التنسيق فى مصر غير السودان خالص يعنى مثلا طب انت بتقول واخده من 90 هنا فى مصر ممكن تلاقيها واخده من اواخر السبعينات و التمنينات
ثانيا يا سويت انجل اسئلى كل اللى انتى عايزاه وانا هرد عليكى ان شاء الله