|
المنصورة حتغرق يارجاله.................<<<<<فيضان
بيان من الداخلية يحذر من فيضان النيل وغرق بعض المناطق في المنصورة وطلخا! http://dostor.org/ar/templates/hood_...pdf_button.pnghttp://dostor.org/ar/templates/hood_...rintButton.pnghttp://dostor.org/ar/templates/hood_...mailButton.png 13/09/2008 كتب- صالح رمضان وولاء الشيخ: ارتفعت مياه النيل أمام مدينة المنصورة وطخا بصورة كبيرة لم تصل إليها من قبل وأصبح ارتفاع المياه لمسافة 50 سنتمترًا أخري يعرض مساحات كبيرة من المباني والطرق للغرق، واكتفت وزارة الداخلية بإصدار منشور وقع عليه أصحاب الأماكن التي يمكن أن تتضرر بمعرفة إمكانية حدوث فيضان ولم تحدث توعية للمواطنين أو اتخاذ أي إجراءات في حالة حدوث ذلك الفيضان، خصوصًا أن ارتفاعات المياه الآن لم يحدث لها مثيل من قبل، خصوصًا في أوقات الليل مما أصاب المواطنين بالخوف والذعر، خصوصًا الملاصقة أملاكهم لمياه النيل. وأكد أحد المسئولين بمديرية الري «رفض ذكر اسمه» أن فيضان هذا العام أكبر من أي عام مضي لذلك حذرنا المواطنين من خطورته وأخذنا الاحتياطات اللازمة في حالة الزيادة عن الحد المطلوب بتصريف المياه في البحار والترع وهي ما ستستوعب كميات كبيرة من المياه، وأضاف أن بعض المناطق بها انخفاضات وهي ما يُخشي عليها، خصوصًا في مدينة طلخا وطريق النفق وبعض القري المجاورة كقرية ميت الكرما وميت عنتر. ويقول محمود عبد المجيد «من قرية ميت عنتر» إننا لاحظنا ارتفاع المياه خلال اليومين الماضيين، ولكن لم يحذرنا أحد من خطورتها أو تصلنا أي إشارات من قسم شرطة طلخا، ولكن فعلاً لو استمر الوضع الحالي وارتفع معدل المياه لمسافة 50 سنتمترًا أخري ستغرق القرية بأكملها. وأكد مصدر أمني أن الوضع مستقر ولا داع من القلق ونبذل ما في وسعنا مع وزارة الري للسيطرة علي الموقف، ولن يصل الأمر مهما زادت كمية المياه إلي الفيضان، ولكن يمكن أن تغرق بعض الأماكن، ولكننا أيضًا نستطيع السيطرة عليها. الجديد بالذكر أن وزارة الداخلية وزعت تحذيرًا هذا الأسبوع علي نوادي وصالات الأفراح بمدينة طلخا تحذرهم فيه من فيضان النيل وتطلب منهم توخي الحذر منه فيضان النيل. من جانبه، أكد الدكتور أحمد دياب -الأستاذ بمعهد بحوث الصحراء وخبير الموارد المائية- أن ارتفاع المياه بنهر النيل بصفة عامة وفي محافظة الدقهلية بصفة خاصة، جاء نتيجة زيادة المياه المنصرفة من خلف السد العالي، مشيرًا إلي أن زيادة المياه المنصرفة يرجع إلي أن هذه الفترة التي تمتد خلال شهري أغسطس وسبتمبر تعد من أكثر الفترات التي يحتاج إليها محصول الأرز للمياه، لذلك تلجأ وزارة الموارد المائية والري إلي زيادة المنصرف من المياه من بحيرة ناصر، فضلاً عن أن زيادة مياه الفيضان، تدفعهم بالوزارة إلي صرف كميات كبيرة من المياه. وأوضح دياب أن زيادة كميات المياه المنصرفة من بحيرة السد العالي تؤثر بالسلب علي مجري نهر النيل، فضلاً عن تعرض المناطق المنخفضة للغرق، كذلك تلقي بعض المناطق المزروعة بالمحاصيل الزراعية للتلف، بسبب غمر المياه لها، كذلك تتأثر سلبًا المنازل القريبة من المجاري المائية، مطالبًا بضرورة وجود حماية مجري النهر. جريدة الدستور اليومية |
الف شكر لحضرتك على الخبر
و يا رب تغرق عشان نروح نعيييش في اي حتة تانية و تبقى جت من عند ربنا عشان انا اصلا مش بحب المنصورة دي خااالص |
يا نهار اسود
ها نموت ولا ايه يا رجالة انا مش عايز اموت غرقان :p |
يا خبررررررررررررر ده نص اصحابى من المنصورة
خير انشاءالله خير |
ربنا يستر ويوفقهم للخير ويقدروا يسيطروا على الوضع قبل الخطوره
ميرسى على الخبر |
يعني لما آجي م الامارات و استقر ف المنصورة يحصل فيها فيضان
ده ايه النحس ده |
ههههههههه جاي من الامارات ........ و على المنصورة .......... طيب كنت روح القاهرة حتى ......... اشرب بقى مية الفيضان
|
ع بركه الله :d ...عامه محدش بيموت ناقص عمر كله مقدر ومكتوب
وبالنسبه اللى جه من الامارات واستقر ولا تقلق عادى ولا نحس ولا حاجه وسؤاااااااااااااااال ايه هى الاحتياطات اللى بيقولو عليها دى كل واحد ينزل يشترى زورق ;) |
ربنا يستر ويعديها على خير
|
يارب تستر دانا من ميت عنتر
|
يارب استر دا انا من المنصورة بس الحمد لله مش ساكن عند طلخا بس بحب اتفسح هناك وامشى على الكرنيش
|
ربنا يستر يا جماعة .. كل واحد يخلي باله .. و ما يمشيش الا و معاه عوامة او سترة نجاة و خلو معاكو المايوه من باب الاحتياط .. الله اعلم ايه اللي ممكن يحصل ..
بس ان شاء الله تعدي على خير .. طيب هما مش بيقولوا بيتحكموا في مستوى المياه في السد العالي و لا ايه ؟؟ عموما كله هيبان .. اما نشوف المنتدى هيفضى و لا ايه ... ههههههههههه بجد ربنا معاكم و خلوا بالكو من العيال !! بس هو ايه اللي يهم الحكومة فموضوع زي ده مش هما بيقولوا ان الشعب كتير ... ؟؟!! الا بقى لو كانوا عايزين يخبوا على حاجات تانية !! |
اقتباس:
|
وأكد مصدر أمني أن الوضع مستقر ولا داع من القلق ونبذل ما في وسعنا
انا بسمعها كتير اوى ومش بتفائل خالص انا من المنصورة ياجدعان هموت غرقانة ابقى افتكرونى طيب الدقهليةكلها يعنى ولا ايه ممكن توضح اهم حاجة التوضيح فى الحاجات اللى زى دى اررجوكم على مالحق اجهز نفسى واستعد للهروب من الغرق |
اقتباس:
نحتسب اللى ميت غريق باذن الله شهيد يالا انا لله وانا اليه راجعون بس يارب استر الواحد مش مستعد للموت |
| جميع الأوقات بتوقيت GMT +2. الساعة الآن 08:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.