|
لو كل واحد فكر كدا محدش هيتضايق من حد !!!
السلام عليكم ازيكم يا جماعة اتمنى الجميع يكون بخير ... انا عايز اعرض عليكم النهاردة طريقة تفكير في الامور والتصرفات لو التزمنا بيها كلنا اعتقد مفيش حد هيضايق من غيره و هبينلكم دا بس الاول اقولكم على كم موقف كدا الموقف الاول : - كنت مرة في مطعم مع والدتي فلقيتها بتقولي شوف فلان دا بيعمل ايه ؟؟!!!؟ فقلتلها لا يا ماما مش باصص على حد اضايقت مني:( و قالتلي ليه ؟؟!!!؟:confused: قلتلها كدا يا ماما انا مش احب ان حد يبص عليا علشان كدا مش هبص على حد قالتلي ماشي يا فيلسوف :d:d الموقف التاني :- كنت في مطعم برضو مع العيلة وكدا وفي ست وقعت طبق غصبنعنها لقيت حد عمال يقول ايه دا ايه دا ينفع كدا يعني ؟؟!!؟؟ و قعد يبص على الست و الناس كلها بتبص معاه و بعد لما الموقف خلصت قعدت اقول انتوا بتعملوا كدا لييه يا جمااعه هي الست يعني عملت ايه دي وقعته غصبنعنها بتبصوا عليها ليييه؟؟؟!! قالولي وانت يعني اللي ماكنتش بتبص رديت عليهم و قلتلهم والله بصيت عرفت الموقف ايه و خلاص وديت وشي الناحية التانية لان لو اي حد فيكم مكانها مش هيحب ان الناس تبص عليه برضو قعدوا يتريقوا ويقولولي يا فيلسوف :d:d وانا واخد قلم حبر جامد في نفسي :d:d بس اللي انا اقصده لو كل واحد فكر في المواضيع كدا ... انا مش هاعمل كذا علشان دا بيضايقني يبقى اكيد هيضايق غيري !!! تفتكروا كدا حد هيضايق من حد ؟؟!!؟ ...... بالعكس كدا هيبقى الناس كلهم قلبهم على بعض . و دا للاسف مش تفكيري اللي عايز اخليكم تطبقوه دا اللي امرنا بيه الرسول الكريم (صلى الله عليه وسلم) : "لا يؤمن احدكم حتى يحب لاخيه ما يحب لنفسه" صدق رسول الله يعني انا مش حبيت اضايق الست بنظرتها ليا علشان انا مش احب الست تضايقني بنظرتها ليا لو انا في نفس الموقف . ياريت مش تقولوا عليا فيلسوف :(:( وتقولولي طريقة التفكير دي صح وللا غلط ؟؟ وهل فعلا لو طبقناها مش المجتمع هينصلح حاله شوية ؟؟؟ اسف على الإطالة ومنتظر ارائكم |
اول حاجة عاوزة اعرفها سنك لان اسلوبك برئ جدا جدا وشكلك اصغر منى بسنة او 2 او 3 تقريبا :d
ثانيا بقي هي مش فلسفة ولا حاجة و انت موقفك صح مع ان احيانا بيبقي الموضوع عادى جدا :) يعنى فى حاجات مبيبقاش فيها مشاكل انك تبص تشوف ايه اللى بيحصل .. انا زيك كده واصحابى بيتخنقوا منى الحمد لله :cool: ثالثا حكاية شرح الموضوع بالمواقف دى بتاعتى ع فكرة :p اشكرك ع الموضوع ..:) |
اقتباس:
|
موضوع والله مهم فعلا
وطريقة عرضه بسيطة وجميلة فعلا احنا محتاجين دورة تدريبيه في كيفيه التعامل مع الناس واحترام خصوصياتهم دلوقتي لو بنت ماشية في الشارع مثلا ووقعت تلاقي الشارع كله عمال يبص عليه واحراج بقى ومش بعيد حد يتريق عليها والله لو كل واحد حط نفسه في موقف غيره ان شاء الله حالنا هيتصلح شكرا جزيلا وجزاكم الله خير |
اقتباس:
|
عيوبى لا أرها وعيوب الناس أجرى وراها فعلاً هى دى مشكلتنا |
اقتباس:
|
كلامك صح جدااااااااا يا فليسوفـــ :d
انا الحمد لله بحاول على قد مااقدر انى مبوصش على افعال الناس انا وماشيه:( وكمان لما ببص على حد بقول لنفسى (انتى مالك بتبصى على الناس ليا) :) |
اقتباس:
|
شكراا
على الموضوع الجميل وفعلا اللى مش بنرضاه لنفسنا مش نرضاه لحد غيرنااا شكرا يا فيلسوف:d |
اقتباس:
|
شكرا على الموضوع الجميل
اكيد طبعا تفكيرك صح مش فليسوف ولا حاجه بس دلوقتى مبقاش حد يراعى شعور الناس ده لو حصل حاجه وفى حد مش واخد باله تلاقى اللى جنبه مش مكافيه انه هو بس يبص لا عاوزه هو كمان يبص ............ربنا يهدى الجميع وتقبل مرورى |
والله عندك حق يا سمسم بتبقى حاجة خنقة اوى اللى الناس بتعمله ده وانا فعلا مش بحبه خالص
شكرا على الموضوع |
عندك حق في كلامك ودي مش فلسفة ولا حاجة هما بس قالولك كده عشان يخرجو من الموقف بهزار وشياكة
انما انت صح شكرا ليك علي الموضوع |
اه موقف زى ده تقريبا حصل معايا ي سمسم كنا ماشيين وفى راجل واحنا راجعين من المدرسة كان هو راجع من شغله والطريق كان معوج شوية وهو يا عينى وقع على الارض انا واصحابى روحنا قايلين على طول اوعوا تبصوا بجد فرحت ان تفكيرهم زى تفكيرى وحسوا بالاحراج اللى ممكن يوصل للراجل ده
جميل اوى موضوعك وجميل اوى اننا نخاف على شعور بعض وميرسى ليك. |
| جميع الأوقات بتوقيت GMT +2. الساعة الآن 03:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.