|
الرجاء المساعدة
السلام عليكم
انا قدمت في مدارس النيل الدولية واتقبلت فيها بس المشكلة انهم عاوزيني اعمل اجازة بدون مرتب والازهر لازم عقد علشان يديني الاجازة والمدرسة بتقول مفيش عقد بييجي قبل العمل معاهم وانا عاوز اعمل اجازة علشان استلم في المدرسة دي المشكلة الاولى اما المشكلة الثانية ان المدرسة بتخصم مني تامينات ومعاشات و بتقول انا حتبعتها على رقمي التاميني شهريا والازهر مش راضي بالنظام ده وبيقول لازم تتسدد مرة واحدة مش اقساط وكدة التامينات حتدفعها المدرسة شهريا مش عاوزين يدوني المبلغ في ايدي ضمن المرتب بحيث اني اسدده انا بنفسي زي ما الازهر عاوز هل لو المدرسة سددت على رقمي التاميني يبقى كده المبلغ بتاع الاجازة اللي بيطلب في اخر السنة هل مطالب بتسديده مرة تانية ولا ايه الوضع |
الموضوع شائك شوية وعاوز لف ودوران
اولاٌ : مكنتش قولت للازهر ان هتشغل فى مدارس النيل الدولية كنت اخدت اجازة من الازهر لاى سبب اخر وهناك فى فى الازهر قانون ولائحة منظمة لذلك التعاقد الخارجى التعاقد الداخلى رعاية الاسرة |
وافضل حل ليك لو مدارس النيل الدولية رفضت اعطاء العقد ليك هو اخد اجازة رعاية اسرة
وطبعا لازم يكون فى تقارير طبية بان مثلا الوالدة تعبانة وانك بترعاها ومثل ذلك ولكن الازهر الشريف هنا ( محق ) فى هذا الامر بأنه فى حالة التعاقد الداخلى ان يشوف نسخة من العقد ومدارس النيل الدولية المفروض تكون فاهمة فى قوانين العاملين فى الدولة |
طيب ايه الحل
الحل انك تتفاهم مع الادارة هناك فى مدارس النيل وتقولهم ان الازهر محتاج العقد الاول وانهم ممكن يتشرطو فى العقد انك فى حالة عدم اتيانك بالاجازة من الازهر خلال مدة معينة مثلا ( يعتبر العقد لاغى ) علشان يضمنو هما برضوا حقهم |
فى حالة رفض ادارة مدارس النيل ذلك الامر حاول تروح بشكل ودى لموظفى المنطقة قسم الاجازات وتشرح ليهم الامر وتقولهم يمكن فى ثغرة يمكن تجاوزها معاك
طيب فى حالة الرفض من كلتا الجهتين معاك حلين فى هذا الامر |
الحل الاول انك تأخد اجازة من الازهر ولكن ليس تعاقد داخلى ولكن رعاية اسرة وده يحتاج تقارير طبية بأن هناك الوالد او الوالدة مثلا يحتاج الى رعاية طبية ودى مدتها طبقا للقرار رقم 3 لسنة 2015
لمدة عام قابلة للتجديد بحد اقصى 10 سنوات الحل الثانى فى حالة فشل جميع الحلول ان تلغى الفكرة من اساسها |
نجي لموضوع المعاشات والتأمينات
مدارس النيل الدولية هى ايضا المخطئة فى هذا الامر وهذا يدل على ان القائمين على العمل الادارى هناك لا يفقهو شئ فى الاداريات والقوانين الحكومية للعاملين ليه ؟ لان اى جهة حكومية مش الازهر بس لو حضرتك حبيت تاخد اجازة سنوية منه مش هيرضى يديك الاجازة غير لما تدفع المدة الى طالب فى الاجازة ( دفعة واحدة ) التامينات والمعاشات |
يعنى حضرتك مش هتعرف تاخد اجازة غير بدفع كامل المدة الاجازة
عرفت ليه بقولك ان الادارة هناك فى مدارس النيل مش فاهمين حاجة طيب الحل ايه ؟ |
مقدماكش حل لو عرفت تاخد اجازة غير انك تتافهم مع ادارة النيل
لا ن المعاشات والتأمينات هيدولك وصل ممكن تصوره وتديهم صورة منه بأنك دافع التأمينات والمعاشات لمدة سنة قدام يعنى مش هينفع يدفعوها تانى يبقى يخصمها من مرتبك ويدوهالك فى ايديك او يشوفوا طريقة قانونية تعرف تأخد بيها المبلغ ده لانهم اكيد مطالبين بتأمين العاملين لديهم من معاشات وتأمينات لكن ده للناس اللى مش شغالة حكومة لكن الناس اللى شغالة حكومة متأمن عليها علشان كده قولهم انتوا هتدفعوا ازاى |
وانا دافع لمدة سنة مثلا اللى هى مدة الاجازة
نصيحة اقعد معاهم وقلهم لو معايا وصل الدفع للتأمينات والمعاشات مقدما لمدة سنة على رقمى التأمينى هتدفعوا تانى ازاى شوف ردهم عليك هيكون ايه وقلهم هيجبلكم الوصل وشوف لان باين على الموظفين هناك مش فاهيم حاجة فعلا الحل التانى انك لو مش هيأثر معاك موضوع الدفع والخصم من الفلوس خلاص سيبك منه وفى حل اخير مش عارف هيفديك ولا لا انك تروح التأمينات والمعاشات هما ساعات بيكون كويسين وبيسمعوا للمشاكل دى وعنديهم خبرة ممكن حد هناك يفيدك بمعلومة او حل للموضوع ده دى كل اللى عندى لمشكلتك ارجوا ان اكون افدتك بما عندى من قليل معلومات |
بارك الله فيك على هذه الردود بس موضوع رعاية الاسره سمعت انه اتلغي بالنسبة للوالدين
|
اقتباس:
وتلك الاجازة من الاجازات الوجوبية |
| جميع الأوقات بتوقيت GMT +2. الساعة الآن 03:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.