|
محتاجين نظرة احسن
مساء الخير يا جماعة يا رب تكونوا بخير دايما النهارده عايزة اكلمكم عن الاعاقة الذهنيه سمعنا كتير اوى عن اطفال معاقين ذهنيا يا ترى ازاى نتعامل معاهم؟ يا ترى لو ربنا رزقنا بطفل زى ده هنعمل ايه؟ طب بصوا على القمر ده http://www.thanwya.com/vb/picture.ph...pictureid=1281 يا جماعة انا عايزة اقول لكم ان بجد الاطفال دى مظلومة معانا اوى لو ماشين فى الشارع ولقينا طفل زى ده يبقى كاننا شفنا حاجة غريبه بجد يا جماعة انا شفت تصرفات من الناس وانا ماشيه من ابشع ما يكون تجاه الاطفال دى حقيقى محتاجين نظرة احسن ليهم هو انا معاكو ان معظمهم ليهم تصرفات غريبه و بيغضبوا اوى من اقل حاجة ممكن اقول لكوا ازاى نسيطر على الغضب بتاعهم بكل بساطة خصوصا انهم حساسين جداااااااااا لدرجة مش تتخيلوها • التوجيه بالرسائل الايجابية وذلك بإعطاء الطفل رسائل إيجابية واضحة حول أمور متوقعة منه مع مراعاة أن لا تكون أعلى من قدراته وطاقاته، إضافة إلى تعليمات ايجابية محددة كالقول: "أتوقع منك أن تتصرف بشكل مؤدب أثناء الزيارة وأعرف أنك قادر على ذلك". • التنفيس الانفعالي يتعين على الأم اتاحة الفرصة للطفل كثير الغضب ان ينفس عن غضبه بين فترة وأخرى وتدريبه على استخدام جسده بطريقة ايجابية من خلال الرياضة والهوايات خارج البيت أو داخله. • مراعاة قدرة الطفل على التقليد للاطفال حتى المعاقين منهم قدرة كبيرة على تقليد طريقة تعبير الكبار عن الغضب فهناك من الوالدين من يعكس غضبه على الجو الأسري بكامله وقد يستخدم العنف ومنهم من يفرغ غضبه عن طريق ضرب مخدة أو الخروج في نزهة. • عدم الرضوخ لغضب الطفل يعتقد بعض المعلمين والأباء عن طريق الخطأ ان الرضوخ يعززن لرغبات الطفل عندما يغضب بإعطائه ما يريد وقد يعمل ذلك على تهدئة الطفل بعض الوقت الا انه يؤدي إلى أن يلجأ الطفل باستمرار لهذا السلوك حتى يحصل على ما يريد. • التجاهل ثبت بالتجربة ان تجاهل نوبات غضب الطفل تأتي بنتائج ايجابية خاصة عندما يرمي الطفل من خلالها الى لفت انتباه الآخرين. ويكون ذلك بتجاهل الأم غضب الطفل والابتعاد عنه لكن بعد إعطائه تلميحاً بأنه عندما يهدأ سوف تلبي احتياجاته وعلى الأم أو المعلمة أن تصبر لأن حدة غضب الطفل قد تزداد في اللحظات الأولى للتجاهل لكنه سرعان ما يهدأ بعد فترة. • التعامل مع نوبات الغضب خارج المنزل قد يحدث ان يدخل الطفل في نوبة غضب خارج المنزل عندما يريد الطفل ان يحصل على شئ ما ضد رغبة الام خاصةً وان الكثير من مراكز التسوق والمتنزهات وأماكن الترفيه تحتوي على أشياء كثيرة قد يرغب الطفل في الحصول عليها. وتكمن المشكلة هنا في عدم امكانية إهمال الطفل في الأماكن العامة لأن سلوكه سوف يزعج الآخرين ويحرجها كما قد يؤذي الطفل نفسه ولذا يجب التصرف بهدوء وبصوت منخفض لأن شعور الطفل أن الغضب بدأ يتسرب إلى الأم قد يعزز من سلوكه يا ريت يا جماعة نغير نظرتنا ليهم ونعاملهن على اساس انهم بنى ادمين زينا بالظبط |
عندك حق يافيفا بس مش لازم يعني يكونوا عندهم اعاقه زهنية عشان نعملهم كدا كل الاطفال بوجه العموم محتاجين يتعملوا كدا وبرده المعاقين اكثر حاجة كمان بجد موضوع جميل جزاك الله خيرا |
خالص شكري وتقديري وحترامي ليك يا فيفا
بجد بجد بجد بجد اهتمامك بحاجة زي كده رائعة واكتر شوية ممتازة والله مانا عارفة اعبر عن اعجابي بتناولك الموضوع ده |
ماشاء الله جميل اوي اهتمامك ده يا فيفا جميل جدا بجد فعلا الأطفال دول مهضوم حقهم بشكل غير طبيعي ومعظمهم بيعيشوا متعذبين طول حياتهم ولازم يكون فيه نظره تانيه واهتمام بشكل اقوي بالفئه دي من الأطفال لان اجمل ما ف الكون ان الإنسان يساعد طفل زي ده يعيش حياة شبه طبيعيه |
ربنا يعزك اختى العزيزة ويبارك فيكى
للاسف فيه ناس جاهله ومش عارفه ان ده ابتلاء من ربنا ممكن يكونوا هما نفسهم فى يوم من الايام زيهم بينظروا ليهم نظرة متدنيه وكانهم مخلوقات من جنس اخر انا شفت نماذج كتير من هؤلاء الجهلاء ومش بس بتوصل للاستهزاء احيانا للاذى والضرب لا املك سوى ان اقول حسبى الله ونعم الوكيل فى كل شخص يحاول ايذاء مشاعر هؤلاء الاطفال الابرياء سواء كان ايذاء نفسى او مادى اعزكى الله لطرحك هذا الموضوع الهام فى امان الله |
اقتباس:
اه طبعا مفروض الاطفال بشكل كلى بس انا حبيت اخصص دول لانهم بجد محتاجين نظرة احسن مننا وجزاكى مثله مرسى لمرورك |
اقتباس:
ربنا يخليكى يا قمر مرسى على الكلام الجميل ده بس ده كتير عليا اوى |
اقتباس:
فعلا يا احمد بجد مهضوم حقهم اوى انت مش متخيل المواقف اللى انا شفتها من الناس تجاه الاطفال دول بجد مواقف بشعة محدش يستحملها ومرسى لتواجدك يا احمد ومنور التوبيك |
عندك حق التعامل مع الطفل المعاق يجب أن ينبني علي اسس متينة حتي ندفعه الي نسيان اعاقتة و لما لا الي منافسة أصدقائه العاديين و بذلك نكون ساهمنا بالرقي بهذا العنصر الي الأفضل
موضوعك جميل جدا وبيناقش قضية مهمة |
اقتباس:
مرسى ليكى يا مس رانيا لاهتمامك بالموضوع وبجد الموضوع مش بسيط خالص ولازم فعلا نغير نظرتنا ليهم ونعاملهم على اساس انهم بنى ادمين وبس منورة يا مس رانيا |
شكرا ع الموضوع يا فيفا
انا كنت لسة داخل اكتب عنه !!! ما علينا المهم ان خلاصة القول ان الاطفال دول لازم يتعاملوا بصورة احسن و الواحد يعمل الخير و اكيد ربنا هيجازيه كويس علي اللي عمله تقبلي مروري |
اقتباس:
مرسى لمرورك وردك اللى بجد اسعدنى كتير |
اقتباس:
|
صعب انى اتجاهل موضوع زى ده بجد انتى ممتازه يا فيفان اثبتى ليا حجات كتير جداا مش وقته الكلام فيها.. بس يعتبر موضوعك مكمل للموضوع بتاع جارتكو فى ناس كتير بتخاف من ان يكون ابنهم بالحاله دى .. بالرغم ان فى ناس كتير ميعرفوش ان بد الاطفال دول لو اتربوا بطريكون منهم مواهب جميله .. فعلا نظرتنا لازم تتغير مش للاطفال بس ده للمعاقين عامه لاى حد ربنا خلقه فى حاجه افتكر ان كان الشعراوى رحمه الله عليه قال مثال جميل قال ان ربنا ادى لكل واحد فينا 24 قيراط متوزعين ع كل واحد مش بالتساوى يعنى انا عندى حاجه تميزنى عنك اونتى عندك حاجه تمزيك عنى وهكذا بس فى النهايه المجموع كله 24 قيراط محدش كامل المهم ان الواحد يبرز الجزء الكويس اللى فيه ويساعد الناس مش مجرد انى اتريق لو حد كان عنده نقص فى حاجه انا معرفش ربنا معوضه بايه وكمان احط نفسي مكانه هل هفرح بتصرف الناس معايا كده شكرا يا جميل ع الموضوع ربنا يكرمك |
جميل قوي موضوعك
وفكرته كويسه ومهمة مش عارف بس حاسس ان المجتمع فعلا بعيد عنهم ولو عرف ان فيهم نفع يقرب منهم يعني لو واحد منعهم معاق اعاقة جسدية الناس تجري عليه علشان يشتري لهم سيارة المعاقين وكمان لو ينفع يلعب اي لعبة يروح الاولمبياد علشان يكسب للبلد لو ما عنده اي امكانية يترمي في الشارع خالص ويلقى الاهمال وشكرا لموضوعك |
| جميع الأوقات بتوقيت GMT +2. الساعة الآن 11:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.