مشكله لطالب معادله من السعوديه ارجو الاهتمام
 

يا عم متقلقش فى حاجه اسمها تحويل لتقليل الاغتراب ممكن تعمله وتحول اسكندريه من غير كل ده

طبعا اهم حاجه ميولك عشان انت اللي هتدرس
بس شهادة الجامعه الخاصة مش قد كده مع ان الاسنان احسن
فالصيدلة أحسن لسبب واحد انك هتبقى خريج جامعه حكوميه
واستخير واللي يقدموا ربنا خير

هل التحويل ده ممكن دلوقتي و لا بعد سنه

انا راى انك تفضل فى صيدلة
اولا: مستقبلها احسن بسهاادة ناي كتير والله
ثانيا :لانها حكومى واى شغل بتبقى الاسبقية للحكومى لانهم كفاءة
وصلى استخارة برضه واعمل تحويل لتقليل الاغتراب ولو منفعش ممكن تقعد هناك سنه وبعد كده بتحول

التحويل يبدأ يوم الأحد

انا رأي ادخل صيدله وهي برضو من كليات القمه وربنا يوفقك والايام بتعدي بسرعه وكلها سنه وتحول اسكندريه وبفلوس الجامعه الخاصه خليهم افتح صيدليه لما تتخرج

شوف دي نصيحيت بس مش لازم تاخد بيها
لو شايف نفسك هترتاح في اسماعيلية فادخلها
لكذا ميزة منها انها حكومي وكلية قمة و قريبة منك
اما الجامعة الخاصة فمش مضمونة اوي من ناحية الشغل دا غير الفلوس

طبعا ده حسب ميولك انت والمهنة اللي تحب انك تشتغلها مستقبلا وياريت متخليش راي حد يأثر عليك المهم انت حابب ايه يعني انا كان معظم اللي حواليا يقولولي الطب مينفعش بنات والسنوات كتيييييير والدراسة صعبة والكلام ده بس عشان انا حابة اني اكون دكتورة ومقتنعه بالمهنه اخترتها رغما عن كل حاجه

وخليك فاكر انك اللي هتبقى اما دكتور اسنان او دكتور صيدلاني واللي بيقول رايه مش هو اللي هيكون

عن نفسي كنت كاتبة الصيدلة بعد الاسنان بحس الصيدلة ديه بعيده عن الطب بائع في محل !!!!!! مع احترامي للجميع بس انا مش حاباها وحسيتها كدا فكتبتها بعد الطب والاسنان

كمان موضوع قريب وبعيد ده مش مشكله نهائي ومش تفكر فيه لما تتعب شويا دلوقتي عشان تقضي عمرك كله مستريح اكيد هدفك هيهون عليك البعد وبعدين ممكن تحول تقريبا بعد سنه بس هيشيلوك ماده لما تحول مش مشكله


ربنا يوفقك يارب ويطمنك وبالك يرتاح

أنا رأيي خليك في صيدلة وعلى فكرة طب الأسنان كلية مكلفة جدا حتى في الجامعات الحكومية لأنه بالاضافة لمصاريف الجامعة هناك أدوات كثير مطلوبة غالية جدا ثم ان الدراسة فيها صعبة وبعدين بعد ما تتخرج محتاج تشتري معدات غالية جدا لتفتح عيادة وفين لحد ما تبقى دكتور مهور وتثبت كفاءتك صدقني انا مش عاوز اعقدك بس ده رأيي والقرار لك...

وعلى فكرة انا دخلت صيدلة الاسماعيلية ويشرفني نكون زمايل ده ايميلي.. masri00@yahoo.com

عزيزتي احيي طموحك وارادتك لكن احب الفت نظرك الى نقطة وهي ان الدراسة في كلية الطب تستغرق 7 سنوات بعدها في سنة تكليف بعدها انتظار العمل في مستشفى حكومي بعدها اذا في فلوس تفتحي عيادة ومحتاجة مدة لتصبحي طبيبة مشهورة انا لا أقصد احباطك بالعكس انا احيي همتك لخوض هذه التحديات

أما كلية الصيدلة (بائع في محل على حد قولك) فهي 5 سنوات بعدها تكليف أثناء التكليف او حتى اثناء الدراسة يمكنك العمل في صيدلية خاصة الى ان يتوفر المال الكافي لفتح صيدلية يعني مستقبلها للأولاد أفضل لأنهم محتاجين تأمين دخل لأسرهم المستقبلية
اما عن حالتك فانا ارى ان اختيارك الطب اختيار موفق أولا لأنك بنت ثانيا لأنك محبة لهذا المجال

......تقبلي تحياتي......

متشكرة على ردك يا عماني مصري عندك حق هي الصيدلة مناسبة للاولاد هيخلصوا بدري ويشتغلوا علطول وبحترم كلامك جدا وبشكرك مرة تانية عليه وشكرا على تشجيعك ليا بس ده كان عرض لوجهة نظري من ناحية كلية الصيدلة عشان كدا كتبته في اخر كلامي

العفو تقبلي احترامي وتقديري..

مساعده آخرى
 

ممكن أحول من صيدلة الأسماعيلية الى هندسة الأسكندرية لأن مجموعها أقل
ولو ممكن التحويل ايه رأيكم يعني مستقبل الهندسة أحسن و لا الصيدلة