|
سؤال للناس فى حاسبات المنصورة
هوا صحيح حاسبات المنصورة مافيهاش اجازات غير الجمعة
|
ممكن حد يرد يا جماعة
|
الظاهر مفيش حد عايز يرد يا محمد ومفيش حد في حاسبات المنصورة ولا ايه غيرنا
|
لا يا جماعه ازاي ؟؟
انا في حاسبات المنصوره وغيري كتييير هنا بس الناس مشغوله شويه.... المهم ان فعلا تقريبا مفيش ايام راحه غير الجمعه ...دا علي كلام الدفعات اللي قبل كدا وكمان الجدول نازل فيه كل الايام يعني مفيش اجازه وربنا يسهل الأمور باذن الله |
مش تزعل نفسك
حاسبات المنوفية برده كل يوووم وقريبا هيقلوا لينا تعالوا الجمعة عاااااااااادي جدا هي كلية حاسبات كدا دائما مضغوطين في الجداول والمواعيد يلا الله المستعان نعمل ايه |
فعلا اظن كده ان اجازتنا يوم الجمعة بس
ربنا ع الظالم |
اقتباس:
ربنا معاكى أنا سبقتك واتخرجت منها فى 2006 . . |
اقتباس:
اهلا بيك ... كلامي صح ولا لأ ؟؟ :lol: مواعيدنا وحشة اوي اوي ومضغوطين بالذات في السنين الاولى دي يلا ربنا يكون في العون :) انتم السابقون ونحن اللاحقون ان شاء الله هو اصلا كانوا لغوا السبت بس بعد ما اتعين دكتور محيي عميد للكلية رجع يوم السبت تاني :( هو صحيح في محاضرة واحدة بس بس محاضرة رياضة :(( د/ وائل فتحي يعني بداية زي الفل الحمد لله |
على فكره أنا كنت زيك بالظبط كده وكان عندى كل يوم بس أنا كنت بظبط بعض أيامى مع المعيدين
يعنى لو يوم عندك فيه سكاشن بس ممكن تشوفى المعيد اللى هيديكى السيكشن ده وهتلاقيه بيديه لسيكشن تانى فى ميعاد تانى فى يوم تانى ممكن يكون وقت فاضى عندك بحيث إنك تضغطى بعض الأيام وتفضى أيام تانيه أنا كنت مضطر أعمل كده لأنى مغترب وكنت بروح بيتنا كل اسبوع فكان لازم أرجع على الأقل يومين فى الاسبوع حاولى تشوفى جدولك وتظبطى مواعيدك والمعيدين بإذن الله هيكونوا متعاونين بس حاولى تعملى الموضوع ده بدرى علشان بعض المعيدين لما بيلاقوا الموضوع زياده بيوقفوا القصة دى . . |
| جميع الأوقات بتوقيت GMT +2. الساعة الآن 08:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.