|
ملل !..
هل من الضرورى أن أكتب هذا المقال؟!... هل يمكن أن يجدى ماأكتبه؟!... هل تقرأ الحكومة، أو تتابع، أو تهتم؟!... صحيح أنها تثير مللنا كل لحظة، بحديثها عن الشعب، ومصلحة الشعب، وحب الشعب، ولكنها تتصرف طوال الوقت، باعتبار أن العلاقة الوحيدة، التى تربطها بالشعب، هى علاقة العداء... والعناد... وانعدام الثقة... فلا الشعب يثق فى الحكومة، ولا الحكومة تثق فى الشعب... ولا الشعب يهتم بصالح الحكومة، ولا الحكومة تهتم بصالح الشعب... فالحفاظ على مصالح الشعب لا يتفق مع بيع أملاكه بأبخس الأثمان... ولا بالتستر على الفساد... وحمايته... ومشاركته... وبالتأكيد لا يتفق مع سياسة المماليك، التى أصبحت السمة السائدة للحكم هذه الأيام... فكل شخص يبحث عن مملوك، من ذوى السلطة، لينطوى تحت لوائه، وينعم بحمايته، ويعيث فى الأرض فساداً باسمه... والمماليك كثر... وفجّر... ومنعدمى الدم والضمير... لذا فكل ماأملكه، فى حالة الملل، التى أمر بها، هو أن أهتف.... الله يرحمك يامحمد على... يارجل القلعة.. ومذبحتها. دكتور نبيل فاروق بجد مش عارف اقول ايه فعلا الله يرحمك يا محمد يا علي يا صاحب مذبحة القلعه |
انا معاه ولا ضده
يا ريت توضح سلام |
الله موضوع جميل جدا
شكرا على الموضوع |
الموضوع حلو لكن انا فهمي على قدي شكرا |
انا باحترم استاذ نبيل فاروق جدا وباحترم اى حاجة بيكتبها
شكرا على المقال يا ميدو |
اقتباس:
وشكرا ليكي يا دعاء |
ياريت توضح اكتر وشكرا لك
|
اوكى
انا بس كنت فكرتك بتتريق من دكتور نبيل فاروق انا مبحترمش د.نبيل فعلا لكن هوه كعقليه جااااااااامده جدا لكن انه يكتب قصص زى رجل المستحيل ده قصص متدخلش العقل انا قريت كتير من رجل المستحيل ولا حاجه منها تعقل ازاى يعنى واحد بس بيعمل كل ده انت قريت قصته لما كان طفل ماعلينا نبيل فاروق ملوش غير الدراسات بتاعته زى المرأه مشكله صنعها الرجل ده جامده سلام |
شكرا على الموضوع
وياريت يا اخ يورى ترد باحترام شويه النقد مش انك تهزق غيرك اوك :D |
استاذ شاعر الحب
انا مش عارف واللهى انا هزقت مين وامتى عموما لو حد اعتقد انى مرديتش عليه باحترام فهوا اللى غلطان انه فهمتنى غلط لانى عمرى ما اغلط فى حد وانا بتأسف لاى حد هنا اعتقد انى هزقته فى رد ليا يا ريت تقرىء ردى كويس سلام |
يا جماعه انا شايف الموضوع اوضح بكتير من انه يكون محتاج توضيح
لو في جزء غامض يا ريت تقولوا اي جزء ونوضحه مع بعض ثانيا بالنسبة لكلام يوري ازاي يا يوري بتقول انك مش بتحترم دكتور نبيل فاروق رغم انه عقليه جامده جدا علي حد قولك طيب ازاي تبقي عقلية جامده ولا تستحق الاحترام بتقول علشان سلسلة روايات رجل المستحيل مش مقتنع ان شخص ما يعمل كل اللي بيعمله ادهم صبري في رواياته أولا الشخصية مش اسطورية ولا حاجه الشخصية استمدها من شخصية واقعيه فعلا في عالم المخابرات انا معاك ان الحركات بتبقي زياده شويه بس الراجل كانت نظريته في الموضوع ده انه عايز يعمل للشباب العربي شخصيه تكون زي جيمس بوند مثلا في السينما الامريكية طبعا بنشوف حركات لا تعقل وكلنا عارفين انها مش طبيعيه طبعا لكن بنبقي مبسوطين واحنا بيضحك علينا لانهم عملوا الشخصية باحتراف واخرجوا وانتجوا الفيلم علي اعلي مستوي بلاش افلام جيمس بوند خلينا في افلام جاكي شان أو جيت لي أكيد شوفتها وعارف الكم اللي فيها من الحركات اللي لاتعقل بالمرة ومع ذلك بنكون مبسوطين واحنا بنشوفها وعلي فكره انا اراهنك ان لو رواية من سلسلة رجل المستحيل اترجمت انجليزي واتعملت فيلم بانتاج واخراج هولي وود هتنجح نجاح كبير جدا يبقي شخصية ادهم بالظبط زي اي شخصية بنشوفها في افلام الاكشن في السينما الامريكية مع فارق انها شخصية مسلمة بتراقب الله في كل تصرفاتها شخصية تحمل الطابع الشرقي بغيرته ورجولته وشهامته بنبل اخلاقه بايمانه القوي بالله يبقي سلسة رجل المستحيل مش بالسوء اللي انت متخيله ده بدليل انها اكبر سلسلة روايات لاقت اقبال من القراء في مصر في مراحل عمرية مختلفه بدليل التوزيع في الدول العربية بدليل حب ناااااااااااااس كتير اوي ليها ومع ذلك ما علينا خلينا نفترض انها سلسة روايات فاشله من الدرجه الاولي وفيها كل العيوب هل ده سبب يخليك لا تحترم شخصية " عقلية جامده " زي شخصية دكتور نبيل فاروق اعتقد مش سبب ابدا كونك مش عاجباك روايات بيكتبها مش سبب يخليك والدراسات طبعا لا خلاف عليها بصراحه وبكل صراحه شخصية زي شخصية دكتور نبيل فاروق شخصية تستحق الاحترام والتقدير من اي حد . . . . . .. أما قولك ان لو حد افتكر انك غلط فيه يبقي غلطان لانك عمرك ما تغلط في حد انا مش متفق معاك في الموضوع ده لان مفيش انسان معصوم من الخطأ كمان مش غلط ابدا اننا نغلط في حد بدون قصد عادي لكن نرجع عن الغلط ده لو حد نبهنا له لكن الغلط كل الغلط اننا نكابر ونقول احنا ما غلطناش وعلي فكره دي مش نصيحه علشان متفهمنيش غلط انا بس بقول رأيي . . |
شكرا ليك يا ميدو بجد انت دائما بتبهرنا بالمقالات دي
|
نبيل فاروق كويس جدا ويستاهل جوائز كتير
|
اقتباس:
شكرا لمرورك |
اقتباس:
|
| جميع الأوقات بتوقيت GMT +2. الساعة الآن 09:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.