لا اله الا الله
 

على فكرة يا استاذ بدوى
عنوان الموضوع لا يليق ابدآ بمدرس مثل حضرتك
وبرضو حضرتك يعنى لو عايز تحذف الاشراف ممكن يتطلب بطريقة افضل من كده كتير

مش ها اقول اكتر من كده احسن بيقولك ان احنا بنغلط فى الناس !

ما خلاص يا حبيبى
قول اللى انت عايزه
ده حقك
ولو حد وقفك تانى اعمل زى ما عملت قبل كده
هو فى حد يقدر يقف قصادك ؟
وبعدين انت تعرفنى منين علشان تقول يليق بيا او لأ ؟
هو انت اللى معينى ؟
الغلط على اللى معينى اصلا مش على حد تانى

الله يسامحك يا استاذ عصام
لما المشرف ده ده يوصلنى للى انا فيه
يا عم خلصنى واحذف الاشراف مش ناقصة تهزيئ اكتر من كده
اقسم بالله العظيم ان هذا المنتدى لم يصبح تعليميا ابدا

واسفين ليكم لما اتربى كويس ابقى اطلب الاشراف

انا يا بنى ولا عايز اشراف ولا حاجة
وانا هاسيب الاشراف لانك فيه
وماكنتش عايز اقول السبب
بس انت اجبرتنى
حذف اشراف امال كان على حق
ضياع حق محمد سرور مش مهم ... يولع هو اللى سكت
الاستغناء عن دكتور عاطف عادى ... يولع هو اللى يستاهل

خد بقى الكبيرة علشان المنتدى التعليمى كله يخاف منك
انا مش عايز الاشراف بسببك ....... ويا رب تكسب...... من قلبى والله

اجيبلك كام موجه ومدرس يمشوا علشانك ..... و الله عادى يا بنى ...... تحت ايدى لو تحب

لو سمحتم ......... من يتق الله ......... لا يحذف الموضوع حتى يتم رفع اشرافى
علشان انا اتخنقت خلاص
و سوف اتواجد فى حتة منتدى صغير على قدى ...... منتديين والله كمان
لسه بيبدأوا ...... اصحابهم عالم متخلفة على قدهم وعينونى مدير هناك

حضرتك لو انت متضايق منى فا اناغلطان لحضرتك واسف على الرغم من انى ما اعرفش السبب
انما (ابوس جزمة سيادتكم)
بالله عليك يا استاذ بدوى ده عنوان لائق لموضوع ؟

كلامى ده فيه ايه يزعل بقى

لا اله الا الله
يا سيدى هو انا كاتبه لمين
بقوله للناس اللى قدى
هو انا كاتبه فى الركن العام

انا ظبت النت والحمد لله
وبعد الفطار نتكلم لانى باقى على المغرب عشر دقائق

رمضان كريم ياريت لا ترد فى هذا الموضوع علشان خطرى

يا جماعة وحدو لله
احنا واحد وحصل خير يا استاذ بدوى

الأخ الفاضل الأستاذ بدوى الدجوى
السلام عليكم
نظر للحالة التى وصل إليها المنتدى ولغة الحور بين الأعضاء بل المشرفين يعنى الكل أصبح لا يتحمل اى نقاش بين الآخرين وخروج بعض الألفاظ التى تجرح الإدارة لابد من وقفة حازمة مع الجميع حتى يعود الانضباط للجميع ونستطيع السيطرة على الأمور
لهذا تم وقف بعض الأعضاء ومنهم الأستاذ عبدالعظيم وسيه ويعلم الله بان هذا القرار يعز عليه أثناء اتخاذه لكن لابد منه حتى لا نصبح فى مهب الريح ولا نستطيع السيطرة على المشاركات
الأستاذ الفاضل عمل موضوع ينتقد الإدارة بأنها تقتل الإبداع والغرض من هذا الموضوع إثارة الأعضاء على موضوع بعينه وهذا لا يليق من مدرس فاضل وفى هذه الظروف التى يمر بها المنتدى

اهدي يا استاذي الكريم
وكله هيبقي تمام ان شاء الله
الله المستعان
:)
والرسول - صلي الله عليه وسلم - وصي علي عدم الغضب
:)
مجرد تذكير لحضرتك عشان مينفعش اني انصح حضرتك
:)