|
اسرة مدرسى الرياضيات تتحدث الان .....
بسم الله الرحمن الرحيم السلام عليكم ورحمة الله بداية كل عام وانتم بخير بمناسبة العام الدراسى الجديد اود اخوانى فى الله ان نحدد سويا خريطة عمل فيما بيننا للعمل على الموقع باذن الله بداية بعد اذنكم طبعا نحدد بعض النقاط 1- حضرتك ح تشترك على الموقع بمناهج * رجاء تحديد المراحل التى تشارك فيها 2-حضرتك ح تشترك على الغرف الصوتية بالشرح *رجاء تحديد المناهج والمواعيد المناسبة لحضرتك ويا سلام قبل كل حصة باسبوع تضع اسم الدرس الذى سيتم شرحه 3- حضرتك عندك اقتراحات للقسم وتطويره *رجاء عرض اى فكرة حضرتك شايف انها ستكون مؤثرة على القسم بالايجاب 4- حضرتك عندك سؤال فى جزئية معينة او مشكلة وعايز حلها على الموقع اكتبها فى هذا الموضوع بمشاركة 5- حضرتك لاقيت سؤال غريب وعايز تشوف رأي باقى المدرسين فيه ايه قبل طرحه على الموقع مش عيب انا اول واحد ح اهريكم مسائل غريبة انا الصراحة مش عارف انا باكتب حضرتك ليه ما احنا كلنا اخوات بصوا يا جماعة بالبلدى كدة عايزين نشوف خطة عمل كل واحدعلى الموقع سواء مواضيع او غرف صوتية ماشى فى انتظار الردود والاراء باذن الله |
الأستاذ العزيز \ محمد سرور :
السلام عليكم ورحمة الله وبركاته : أولاً: ان شاء الله تعالى سوف أشارك بالشرح فى منهج المرحلة الأولى تفاضل وحساب مثلثات وسوف يكون ذلك كل أسبوع وبالتحديد يوم الجمعة وسوف يكون الشرح لأجزاء المنهج بالترتيب ثانيا: بالنسبة للمرحلة الثانية فأر جو أن أكون فيها حرا وسوف أشارك فيها فى جميع الفروع من خلال ارسال مسائل وارد على الأخوة الأعضاء من الطلاب لحل المسائل التى يرسلونها رابعا: اذا اردت ان تحدد لى جزءاً معينا فى أى منهج لكى أشرحه فأنا تحت الطلب ولن أتردد غازى عبداللا |
الاستاذ محمد سرور
انا فعلا مشترك لاني بعت مواضيع كتيرة اتركني فترة لكي احدد موضوعات المشاركة ان شاء الله معاكم |
بسم الله الرحمن الرحيم
الاستاذ الفاضل محمد سرور على اتم الاستعداد لشرح اى منهج من مناهج 3ث او اى وجهة يتم توجيهى اليها وكل عام انتم بخير |
على بركة الله واى موضوع شرح ينزل مسلسل ويتم التنويه فى الموضوع على الجميع عدم الردود لان اى رد مهما كان سوف يحذف لكى يكون الموضوع مرتب ومسلسل وانا كفيل بجعله مترتب باذن الله
شكرا على هذه المبادرة الكريمة |
علي بركة الله طبعا كلنا مستعدين وكلنا نأمل في خطه منتظمه وفعاله لصالح الطلاب فنحن كلنا هنا لذلك شكرا
|
اقتباس:
ويا سلام لو تنورنا بشرح فى الغرف الصوتيه لاولى ثانوى اقتباس:
اقتباس:
بعد اذنك انا حددت مواعيد من الساعة 10:30 رياضة 2 يوم الاحد والاربعاء رياضة 2 9:30 مساء واولى ثانوى الساعة 9:30 مساء يوم الاحد لو المواعيد تناسب حضرتك حنكون كلنا فى الغرف الصوتيه فى هذا الميعاد ولو فى رأى اخر فمرحبا به اقتباس:
منور يا حج احمد كلنا نأمل بس فين خطتك ومواعيدك على الغرف الصوتية فى انتظار مواعيدك باذن الله |
انت حددت من اولها يامستر محمد من الاول ليه كده اشمعنا ايام الاحد والاربعاء موش حسب ظروف كل مدرس وياريت نفتح الغرفه الصوتيه لكل قسم لمناقشه الترتيبات بها بعيدا عن الكتابه هنا يبقيافضل واحسن |
اقتباس:
ولحد الان مفيش حد من المدرسين حدد مواعيده وكان لازم نعطى الادارة مواعيد مؤقته قابلة للتغير وان شاء الله نحن الان فى حجرة مدرسى الرياضيات يعنى ان شاء الله جميع الاقتراحات والمناقشات ستكون هنا فى حالة تعذر استخدام الغرف الصوتية للاجتماعات |
خلاص اوك مستر محمد ان شاء الله اكون متواجد معكم باذن الله ولكن موش قبل الساعه العاشره والنصف وسوف ارتبها معكم ان شاء الله بعد العيد
وسوف اشارك ان شاء الله معكم في اي مرحله اعداديه او ثانويه |
اقتباس:
على بركة الله فى انتظارك باذن الله |
بالنسبة للغرف الصونية فأنا ظروفى لاتسمح بالإشتراك فيها لأن عندى أحمد فى الصف الثالث هذا العام ويتطلب من الجميع التزام الهدوء فى البيت فاسمح لى بذلك وأعتذر للمرة الأخرى وأما فى باقى المواضيع فأنا تحت الأمر والطلب وفى أى فرع وفى أى منهج 0وعلى فكره أنا شغال مع طلبة المنتدى هذه الأيام بحل تمارينهم وكذلك عمل تمارين تقريبا يوميا فى منهج رياضة 2 والأستاذ أحمد يدرك ذلك ومايتطلبه من جهد فى كتابة المسائل وحلها وارسالها بشك منسق وجميل
|
ربنا يوفق الدكتور احمد اولا وثانيا انت معانا برده استاذ غازي ولا تحرمنا من مشاركاتك الجميله وبعدين احنا برده منتظرينك في اي وقت |
اقتباس:
احمد ربنا يخليه ليك المهم نصيحة من اخوك حاول تتمسك بالسرير بتاعك لانه ممكن ياخده منك بحجة الثانوية العامة وممكن بعدها تلاقى نفسك نايم برة الشقة بحجة الثانوية العامة :):):):) ربنا يخليه لك ويبارك لك فيها ونحن نتابع نشاطك الرائع جعله الله فى ميزان حسناتك اقتباس:
واحنا كمان منتظرينك يا استاذ محمد |
شكرا يا أخوتى على هذا الشعور الطيب وربنا يوفقنا جميعا لما يحب ويرضى
|
| جميع الأوقات بتوقيت GMT +2. الساعة الآن 06:02 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.