سؤال صغير ممكن تساعدوني ؟؟؟؟؟
 

السلام عليكم ورحمة الله وبركاته

أزيكم يا جماعه , أنا داليا لسة هدخل حاسبات ومعلومات المنصورة أول سنه السنه دي
وانا شهاده معادلة وجاية من الإمارات وهتأخر على الدراسة أسبوعين تقريبا وهحضر بعد العيد إن شاء الله

كنت عايزة اعرف بس هل التأخير ده هيأثر عليا في الدراسة في أي حاجة وفي حاجات كتير هتفوتني يعني وكده ولا أية ؟
وكنت عايزة أعرف انا هعرف انا مجموعه اية ازاي وسنه أولى صعبة ولا سهلة ؟

معلش تعبتكو معايا بس عشان انا مش عارفة أي حاجة عن الكلية

وكل سنه وانتم طيبين

متقلقيش ممكن تسترجعى الدنيا دى بسرعه لانها كلها بتبقى مقدمات

بس حاولى ترجعى بسرعه علشان تقدرى تلمى اللى فاتك بسهولة

وكل سنة وانتى طيبة
.
.

ازيك يا داليا
انا محمود حاسبات ومعلومات المنصورة برضو
ولا يهمك من التاخير وتقدرى ترجعى براحتك بعد العيد لاننا حاليآ مش بناخد حاجة
اسمك ها ينزل فى السكاشن متاخر شوية لانك شهادات معادلة بس اكيد باذن الله ها تلاقيه بعد العيد
وباذن الله تكون سهلة

شكرا يا جماعه على ردكم ومساعدتكم
وإن شاء الله تكون سنه سهلة علينا كلنا

اهلا يا داليا انا حاسبات ومعلومات المنصورة بردو وشهادة معادلة من الكويت
وبالنسبة للوافدين اخر حاجة ان قبل العيد بيومين تدفعي المصاريف وتظبطي نفسك وتعمي الكارنية وتشوفي الجدول والمجموعة والسكاشن وكده واي حاجة انا في الخدمة

يعني الحاجات دي مينفعش اعملها بعد العيد لما أرجع
أصل انا مفيش حد يعملي الحاجات دي دلوقتي

اهلا بيكى ياداليا ..
انا حاسبات ومعلومات القاهرة .. احنا عندنا حسب الجدول محاضرتين بس قبل العيد وربع الدفعة غايب والشغل الجد ان شاء الله هيكون بعدالعيد تقدرى تجمعى الللى فاتك .. وعلى فكرة الدراسة كلها انجلش .

داليا عادي لو بعد العيد بس مش متأكد بس اكيد مفياش مانع لأن الدراسة بجد هتبدأ بعد العيد واي طلب تاني انا موجود

اه إن شاء الله يكون باب التسجيل مفتوح بعد العيد لإن أسماءنا بتنزل متأخر شوية
وشكرا على المساعده