|
استفسار بخصوص مادة المستوى الرفيع
يا جماعة
انا فى 3 ثانوى وواخد فيزياء ورياضة 2 يعنى علمى رياضة الاساذتدة قالوا ليا ان المستوى الرفيع هيبقى رياضة 2 او e أو عربى استاذ الرياضة 2 قال لينا ان المستوى الرفيع رياضة بياخد شغل كتير وان هو قال لابنه ياخد e استاذ الانجليزى اول ما جبت له سيرت المستوى الرفيع انجليزى قالى ابعد عن الشر وغنيله وقالى انى هسقط فيه علشان بيجيب شعر بالانجليزى وبيجيب مقال اكتبه من 30 سطر اعمل ايه ؟ ايه اسهل مادة فى رايكو ؟ وصحيح اراء الاساتذة ديه ؟ افيدونى |
مدرس مين اللي قال الانجليزي مستوي فية شعر دة ميبقاش درس مستوي قبل كدة
|
أيه يا جماعة مفيش غير واحد بس هو الى رد عليا
|
أحسن طريقة افحص الكتب الثلاثة ولا تختار إلا بعد هذه الخطوة وأمين توريدات المدرسة عنده الكتب من أول العام الدراسي أو اسأل عن هذه المستويات من العام الماضي لدى طلاب اختارتها ، وأنا اعرف إن هذه الخطوة صعبة لأن الطلاب كلها كانت تختار غالبا الجغرافيا لسهولتها حقيقي شيء متعب 0 كل مشكلة في التعليم سببها الوزارة تأخذ قرارات عشوائية وتترك الطلاب في حير ومعهم أولياء الأمور
|
حاجة تحرق الدم يا شيخ
الاساذ بتاع الرياضة قالى انه مسمعش عن المستوى الرفيع رياضة ده من سنة 1992 وديه اخر سنة ادى دروس مستوى رفيع فيها واستاذ العربى قال انا اول مرة اسمع ان العربى له مستوى رفيع واستاذ الانجليزى بيقول انى هستقط فيه علشان فيه شعر ومقال من 30 سطر ( الكلام ده كان من خمس سنين ) علشان انا دورت على الانجليزى لقيت الامتحان بتاعهم عادى |
ياريت اللى يعرف اى حاجة عن الموضوع ده يدخل ويقولنا عشان انا كمان فى تالتة ثانوى علمى علوم وبيقولولى ان المستوى الرفيع ليا هيكون احياء
يعنى مش كفاية الاحياء اللى بنزاكرها |
انا في تالته ومش فاهمه يعني ايه مستوى رفيع يعني هو ايه وهي كم درجه؟
|
مادة المستوى الرفيع دي يا سارة عبارة عن مادة لتحسين المجموع امتحان المادة دي من 10 لو جبتي 10 تأخدي 5 يعني تأخدي نص الدرجة اللي انتي هتجيبيها
|
اتمنى لو حد ينزل مناهج المستوى الرفيع على المنتدى
|
انا3ثانوى وكنت عايزة اعرف اية موادالمستوى الرفيع الفى قسم ادبى واخد جغرافياولافنون تطبيقيةفى ناس بتقولى خدى جغرافيالانك لومش عارفة فية اى حاجة حاتنجحى فية وانااساسابحب الرسم جداخصوصا ان مجموع سنة تانية مش حلو اوى بليز حد يرد علية
|
ياريت نعرف المستوى الرفيع للعربي وجزاكم الله كل خير
|
يا جماعة انا سمعت عن تجربة ان المستوى الرفيع عربي اسهل واحد في التلاتة وحاجة ممكن نألف فيها على عكس ال e والاحياء
|
أنا واخد مستوى عربى رفيع وده أسهل من الإنجليزى والرياضه .... وهو نوعا ما افضل الوحشين (زى مابيقولوا ) يعنى هوا عباره عن كام درس قرائه وكلها مناقشات ادبيه يعنى مثلا الوحده الأولى بدور حول تلاقى الحضارات وتأثيرها على الثقافه العربيه ... وفى موازانات شعريه ودى تعتبر البعبع بتاع المستوى !
اقتباس:
|
طب ممكن يا ن_1 تقولى دروس مستوى عربى كامل بما انك واخده او حتى تقولى اشترى كتاب ايه و من فين
و يكون لك جزيل الشكر |
مدرس الاحياء قاللى انها مادة جديدة تماما
|
| جميع الأوقات بتوقيت GMT +2. الساعة الآن 06:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.