|
سؤال : ما فائدة دفتر التحضير ؟؟!!
كثيرا ما أسأل نفسى هذا السؤال : ما الفائدة التى تعود على أو على الطالب من كشكول التحضير ؟
طبعا أنا أتحدث عن هذا الكشكول بالذات الذى نعرفه نحن المدرسون وليس عن تحضير الدروس أو الاستعداد لها أو معرفة ما الذى سألقيه على التلاميذ مسبقا . نرجو الإجابة : ما فائدة كشكول التحضير بالنسبة لى أو للطالب وهل يساوى الوقت الذى يبذل فيه ؟ |
المفروض إن الكشكول مرجع يعنى لو نسيت مثلا قانون أوخلافه وأنت بتشرح ترجع للدفتر حتى لايكون منظر المدرس وحش أمام طلابه وتكون طبعا محضر فيه بعض الأسئلة التى سوف يجيب عليها التلاميذ فى الحصة وكل عام وأنت بخير
|
ليس له اي فائدة
الاسئلة يا استاذ ايهاب موجودة في الكتب انا كنت في بعثة الوزارة في انجلترا ولما طلبت من احد المدرسين الانجليز نموزج لاعداد درس فطس على نفسه من الضحك طبعا لانهم بطلوا الكلام دا من زمان في انجلترا المدرس اول السنه يكتب اقرار علي نفسه انه ينفذ الاجراءات والانشطة الموجودة في دليل المعلم الحاجة الوحيدة اللي المدرس بيكتبها هي الادوات او الاجهزة المطلوبه للدرس حتى يقوم مسئولي التقنية بتجهيزها له يا جماعة احنا لسه بدري جدا علينا |
بس بيتعرف الشخص بيه في الشارع انه مدرس
|
اهو منظره قدام الناس انه مدرس وخلاص
|
ليس له اى فائدة
|
أعتقد أن له فوائد بالنسبة للموجهين فالموجه لا يعرف سوى الورق ولغة الورق ويريد أن يحول كل شىء لورق وتوقيع على الورق وإثبات الشغل بالورق ومستوى التلاميذ ورقة وجهد المدرس ورقة وكما يقول مدير مدرستنا بلدنا بلد ورق !!
هى فعلا بلد ورق وطبعا مفهوم قصدى . |
لو فائدة وهى ضياع وقت المعلم وزيادة استيرادالولة الورق وتحميل المعلم دفتر علشان يتعبة
فعلا لول اصلاح التعليم الغاء دفتر التحضير وضع مكانة جدول زمنى المعلم اليوم والفصل وموضوع الدرس فقط وكذلك توزيع منهجيكون فقط من المعلم وليس مفروض علية |
اقتباس:
اقتباس:
[/quote] ما تصحيش الوجع خلي الطابق مستور بس أرجوكم عشان خاطري بلاش تقولوا بلدنا بلد ورق بلدنا مش بلد ورق سيبوا البلد في حالها وامسكوا ودوروا علي السبب بعض الأسخاص أو المسئولين هم الورق وهم سبب التأخر بل أحيانا يكون الورق له قيمة عنهم |
ليس لة اى فائدة
|
يا جماعة انا مدرسة ثانوى تجارى (محاسبة) وبأسمع عن حاجة اسمها دليل المعلم ومش عارفة ايه المقصود منه للأسف ومش عيب انى أسألكم عنه العيب بجد انى اتفزلك واسكت فياريت حد يعرفنى بيه واجيبه منين. وسلام خاص لمستر فهمى بس ياريت نحلف بالله فقط لأن رسول الله صلى الله عليه وسلم بيقول: من كان منكم حالفا فلا يحلف الا بالله صدق رسول الله صلى الله عليه وسلم.... وتحياتى
|
اقتباس:
اقتباس:
[quote=ابلة هدى;797926] أستاذتنا الفاضلة / أبلة هدي شكرا لك وكل عام وأنتم بخير |
سألني زميل : لماذا يهتم الموجه قبل المدرس بدفتر التحضير فقلت له بسذاجة عشان الموجه يعرف عن طريقها إذا كان المدرس شغال أم لا فقال مقهقها يا راجل عشان الموجه يثبت بها حضوره أي هو دفتر إثبات حالة للموجه وهنا قفزت إلي ذهني حكمة توجيهية قالها أحد الموجهين لزميله يجب علي الموجه أن يحمي نفسه بتوقيعه في دفتر تحضير المدرس فقلت لزميلي بسذاجة أشد يحمي نفسه من إيه ؟هو إحنا في حالةحرب؟ قال لي : داإحنا في حالة تطوير |
اقتباس:
اقتباس:
اقتباس:
[quote=ابلة هدى;797926] أستاذتنا الفاضلة / أبلة هدي أنت تـأمري وأنا أنفذ ينفع التصحيح إللي عملته ده دا أنا عملته في لمح البصر عملا بنصيحة حضرتك عارفه يا أبلة هدي ساعة مابتقولي لحد حاجة دمي بينشف وباترعب ومابقدرش أبلع ريقي من ساعة ماشخطي في المدرس بهدوء وقلتي له: عيب تقول علي زملائك كده فما بالك إذا كان فيه كلام موجهاه ليّ دا لولا سلامك اللي خلاني آخد نفسي شوية لكانت حصلت لي حاجات مش كويسه وكنت رحت فطيس واضح إن شخصيتك قوية وراقية جدا وذوقك أرقي وأعلي أما دليل المعلم زمان كان موجود بصراحة المعلم ودليله أحتاروا وعشان وزارتنا حنينه علينا وعشان ما يحيروش المعلم أو دليله أكتر من الحيرة اللي إحنا فيها طنشوا عليه وسابوه ياحبة عيني لغاية ماودع الحياة وقالوا إكرام الميت دفنه و قالوا للمدرسين أنتم مش ناقصين حيرة وكفايه دليلكم و يبدو والله أعلم عشان الغلاء وارتفاع الأسعار إبتدا يختفي من السوق قصدي من إيدين المعلمين لأنه فعلا كان باختصار شديد بيرشد المعلم لكيفية أداء الدروس وشرح والنهج يعني كان الكتاب المدرسي بتاع المعلم وعشان هذا الدليل أحتار خلوه علي الرف يعني ممكن تلاقيه قاعد المسكين علي رف من رفوف المكتبة بتاعة أي مدرسة بس عارفه يا أبلة هدي عمر السكوت ماكان فذلكة (بالذال وليس الزين) السكوت موت ربنا يدينا جميعا الصحة وطوله العمر وكل عام وأنتم بخير |
فى البداية قالوا لنا إن دفتر التحضير هو حياة المدرس مثله مثل جواز السفر والتأشيرة والبطاقة الشخصية وكانت هناك معركة بين الموجهين فى إدارة الخانكة فبعضهم تابع لمنظمة (( يتعرف على )) وبعضهم تابع ل(( يتعرف )) وكل يوم يأتى موجه ويقول لنا هل كتبت فى الأهداف يتعرف على ام يتعرف كذا بدون على ؟
ثم حدث تطور كبير جدا حيث ظهرت حقبة المهارى بعد الوجدانى .وعندما انتقلت لمحافظة القاهرة كادوا يحولوننى للتحقيق لأننى أكتب كلمة الواجب(وهى تستعمل فى بعض المديريات ) بدلا من كلمة نشاط ؟ !! ثم حدث تطور جذرى حيث اختزلت جمــــــــــــــــــــيع الأهداف لأنهم وجدوا أنها تتكرر ثلاث مرات فقالوا نجعلها مرة واحدة ونقول :أن يكون التلميذ فى نهاية الشرح قادرا على أن : ( ونقطتين ومن أول السطر ) !! وكلما جاء موجه أو أى متابع قال لك بنفس طريقة أمين شرطة المرور (( دفتر )) فتقول له: (( نعم؟!)) فيبحلق لك ويقول بمنتهى الجدية والإصرار : (( دفترك يا أستاذ )) !! فى العام الماضى جاءت موجهة وقالت لى دفترك يا أستاذ دفترك وجمعت كل الدفاتر وجلست كعادتهم فى مكتب المدير وأرسلت لى أنزل لها من الفصل وأترك الحصة وقالت لى : ما هذا يا أستاذ أنت لا تعتنى بالدفتر شوف زميلتك بتكتب إزاى ، فقت لها بتكتب إزاى ؟ أنا كاتب أن يكون التلميذ فى نهاية الشرح قادرا على أن : ( ونقطتين ومن أول السطر ) ، فقالت :إنها تضع ورود واستيكرات وصور وتستعمل ألوان ، لماذا لا تفعل مثلها !! دفترك يا استاذ . |
| جميع الأوقات بتوقيت GMT +2. الساعة الآن 09:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.