|
الفرق بينى وبينك .. بالعقل ولا بالسن
بسم الله الرحم الرحيم http://up3.m5zn.com/get-9-2008-s3o0r7f4zv1.png كتير كنت بفكر فى الموضوع ده .. الفرق بينى وبينك بالعقل ولا بالسن ؟؟ طبعا مفيش اعتراض ع ان الكبار سنا ليهم احترامهم بس بردو ده مش معناه ان كلامهم كله صح او كلامهم كله غلط الرسول صلى الله عليه وسلم قال (( ليس منا من لم يوقر الكبير ويرحم الصغير )) بس اللى عاوزه اقوله ان الفرق عمره مكان بالسن الفرق بالعقل يعنى مش دايما الكبار يستصغروا سننا ويستهيفوا افكارنا بمجرد ان سننا صغير الجمله المعتاده لما تبدى رايك فى موضوع اكبر منك هتلاقى مليوم واحد بيقلك وانت تعرف ايه .. انت لسه صغير .. متدخلش فى اللى ملكش فيه فى كتير سنهم صغير جدااا بس عقلهم يوزن بلد يبقى المسأله خرجت من اطار اللى اكبر منك بيوم يعرف عنك بسنه الواحد معرفته بتتشكل من حياته وتجاربه اى نعم وده بيوصلنا ان احنا مع سننا الصغير بتكون خبرتنا قليله بس انا مش مع ده لان فى طرق كتير الواحد بيكتسب بيها خبره وفعلا زمانا اتغير يعنى مثلا زمان باباك ومامتك لما كانوا فى سنك معتقدش ان عندهم كم المعلومات اللى عندك انت حاليا بتقدر تتناقش وتحط حلول وممكن تكون حلول متجيش فى دماغ من هم اكبر سنا الواحد بيكتسب خبرته بطرق كتيره منها القرايه مثلا او النت تعاملك مع الناس فى المنتدى بيكسبك خبره يعنى الواحد خبرته كل يوم بتضاعف .. يعنى الواحد مش من المفترض انه يفخر بالسن لانه عمره مكان دليل ع الخبره الواسعه او الثقافه الدليل هو الاسلوب والكلام المشكله ان لو انت فى بتتناقش مع حد فى امر يخصك هيقلك انا الكبير وعارف مصلحتك اسمع الكلام و ما الى ذلك طبعا فى كتير بيضطروا اسفين انهم ينفذوا بعد ضغوط من الاهل والناس لانهم هيجوا يقولو ده باباك وعارف اكتر منك طيب ليه الواحد ميقررش ويخوض التجربه بنفسه ؟؟ فى جمله لعلى بن ابى طالب كرم الله وجه بيقول لا تجبروا ابناءكم ع عاداتكم فانهم خلقوا لزمن غير زمانكم يعنى مش معنى ان لاب شايف ان دى حاجه مناسبه ان ده هو فعلا الصح لان كل زمن ليه متغيراته وكل انسان ليه كيانه وتفكيره اللى بيختلف عن اى تفكير تانى هى المشكله الحقيقه ان الابهات والامهات والكبار عامه رافضين فكره ان حد صغير سنا يقدر يفكر ويكون ليه كيانه والمشكله بردو انهم شايفين دايما نفسهم صح فى مقوله لهانر بتقول ان اعظم خطا ان ترى نفسك دائما ع صواب واول مثلا لما يكون وقعنا فى تجربه فاشله مثلا نتيجه لتمسكنا براينا هتلاقى اللى بيقلك مش انا قلتلك مسمعتش كلامى اديك فشلت والمعروف ان اساسا النجاح الانتقال من فشل لفشل .. يعنى مفيش حاجه اسمها فشل .. او بمعنى اصح ان من مكونات النجاح هى الفشل الفرق بينهم ان النجاح بالرغم انك بتفشل الا انك مش بتفقد الامل اما الفشل بيوصلكك للياس المهم اللى عاوزه اقول من الرغى ده كله ان الواحد عمره مكان بسنه الواحد بعقله |
والله الكلام ده حلو وزي الفل وموضوع جديد وانا شخصيا بحب آخد قراراتي بنفسي بالرغم من كل الضغوط اللي بتبقى حولي .
ميرسي على التوبيك |
كم من تلميذا غلب استاذه:cool: دا فى ناس عشروميت سنه ومخهم قد ورك النمله سورى يا مان ياللى فوقى اخدت الاسم بتاعك بس فى حوار كدا طبعا الفرق بالعقل والتفكير ولكن برده فرق السن ليه عامل اكبر وهو فرق الاحترام والتقدير |
لا انا شايفة ان طبعا الناس بالعقل مش بالسن زى ما خدت فى علم النفس ان المشكلة عندنا كمراهقين ان بس الخبرات بتاعتنا قليلة بس تفكيرنا يقدر يستوعب اى حاجة او اى مشكلة نقدر نفهما.....وياما ناس كبيرة وبتحل المشاكل بطريقة غلط وكتير انا وماما وبابا بنتناقش فى حاجة وانا اقول رأى ولو حد فيهم عارضنى التانى يقولى صح انتى فعلا عندك حق يعنى مش لازم علشان احنا اصغر يبقا ده فرق مين احسن احنا بس مشكلتنا اننا عايزين شوية تجارب وخبرات من الحياة واعتقد دلوقتى ده مش مشكلة لاننا بنشوف مية حاجة وحاجة والاطفال بتتعلم قبل اوانها
وشكرا على الموضوع الجميل |
اقتباس:
وعامه حاجه كويسه ان الواحد بياخد قراره بنفسه .. بس مش هتلاقيها عند كل الناس |
اقتباس:
اكيد فرق السن ليه عامل كبير جداااااا .. بس اللى عاوزه اقوله ان محدش يستهتر بعقليه حد اصغر من ه مهما كانت افكاره .. بل بالعكس يحترم اى فكره او قرار لشخص اصغر فى السن لعل يكون فيه الحل منور الموضوع يا خالد :d |
اقتباس:
|
سلامو عليكو
هو فى ناس بيعتبروها بالسن لان الناس دى عاشت فى الدنيا كتير واتعلمت فى مدرسة الحياة وهنا مش بيبقى موضوع عقل وسن بيبقى موضوع خبرة وتجربة. لكن طبعا العقل مهم لان ساعات ممكن نقعد مع اطفال منبقاش عارفين نرد عليهم من كتر مستوى تفكيرهم العالىوهنا بقى دور العقل سواء عقل او سن المهم انى الاقى الرأى الصح ولو حتى من واحد فى اللفة وميرسى على الموضوع الجميل ياياسمين (اسمك كدة صح) |
ان الواحد عمره مكان بسنه الواحد بعقله
جمله جمييييله جدا والموضوع اجمل ..........تقبلى مرورى |
فعلا لايقاس الانسان بخبرته او تجاربه....
الانسان يقاس بما يستطيع ان يقدم وما قام به لس مقياسا... مثال بسيط كتبت مقالة في سن 16 سنة وضعتها على موقع ويكيبديا المشهور وطبعا لم اكتب سني وجدت انه يوجد اشخاص قاموا باقتباس كلامي وفسروه وشرحوه وكأنه منزل من السماء أظن انهم فوق العشرين سنة وربما جاوزوا الثلاثين.... ياترى لو عرفوا أن هذا كلام شاب لم يجاوز 16 ؟؟؟ هل سيعاملوه نفس المعاملة؟؟؟ |
اقتباس:
|
اقتباس:
|
اقتباس:
هقلك ع حاجه .. فى ناس ممكن تقدر اللى انت كاتبه فعلا ويذهلوا ان سنك صغير ع كتابه اللى انت كاتبه مثلا بس مش كل الناس تفكيرها قله قليله اللى ممكن تهتم فى حاله عدم تصريحك مثلا بسنك هتلاقى الاهتمام اكبر .. لان مش فى نظرهم انه طفل بيكتب طبعا الموضوع ده قليل بره .. اعرف انهم بيقدروا اللى بيكتب مهما كان سنه هى المشكله الاصليه فى تفكير الناس وهتكلم ع المستوى المحلى معرفش الناس بره عامله ازاى يعنى المشكله مش فى كتابتك ع النت فى موقع فى منتدى هنا ممكن تلاقى تقدير اما فى الحياه العمليه بتكون اصعب لانك قدام الناس صغير فعلا فى جمله بتقول ان رجل واحد يحمل رأس فوق كتفيه خير من مئه رجل بدون رؤوس المهم اللى فوق ده يشتغل بغض النظر عن سنه او اى حاجه تانيه ممكن تعيقه عن انه يفكر بس :) |
عندك حق فعلا فى كل كلمة بس انتا قلتى تفكيرنا غير تفكير الكبار المشكلة كلها بتبقى فى النقاش يعنى مثلا كل واحد مقفتنع ان رايه هو اللى صح يعنى ممكن يكون الكبير بيكلم من وجهة نظره واحنا بنتكلم من وجهة نظرنا برده بس الاختلاف فى الراى لا يفسد للود قضية بمعنى انا عن نفسى اعرف ناس فى سننا بس مخهم كبير جدا وتفكيرهم بجد عاقل ورزين وممكن مايكونش الكبار بيفكروا زيه ودى بيكون على حسب المعلومات والخبرة احنا جينا فى وقت فيه انفتاح على العالم يعنى كمبيوتر وانترنيت وستلايت وتكنولوجيا كبيرة يعنى زمن العولمة زى مابيقولوا الاباء والامهات كان عصرهم بسيط ما كنش فيه التكنولوجيا دى فتفكيرهم وتجاربهم ومعلوماتهم من خلال عصرهم هما وزى ما احنا مش عارفين نوصل ونفهم ارائهم اكيد هما مش حيفهموا اراءنا لان زى مابيقولوا الطبع بيغلب التطبع يعنى اللى متعود على شئ من صغره مش حيتقدر بعد 40 سنة مثلا انه يغير التفكير ده ممكن نتقابل فى نقطة معينة مثلا فى المنتصف لكن مستحيل احنا نوصل لسنهم او هما يوصلوا لسننا
|
اقتباس:
كلام جميل فعلا هى المشكله فى النقاش وان كل واحد مقتنع برأيه واللى بيزيدهم تمسكا برأيهم ويمنعهم من تقبل اى وجه نظر تانيه وخاصه انهم بيكلموا طفل من وجه نظرهم :rolleyes: فى فعلا ناس اكبر من سنهم بمرااحل وفى امثله هنا كتير :) وزى مانت قلت الطبع بيغلب التطبع ومن شب ع شىء شاب عليه.. يعنى الافكار القديمه صعب تتغير .. بس هو الموضوع كله قايم ع الرغبه فى احترام الراى والراى الاخر دون النظر للسن ومعتقدش انها حاجه صعبه عامه منور الموضوع يا اسطوره :) |
| جميع الأوقات بتوقيت GMT +2. الساعة الآن 12:02 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.