|
حال الشباب
السلام عليكم ورحمة الله......دى اولى مواضيعى فى المنتدى واتمنى انها تنال اعجابكم وهى عبارة عن خماسيات بتعبر عن حال الشباب فى ايامنا الحالية واللى بنشوفوا ونسمعوا عن الشباب فى الايام دى...........وعلى فكرة انا قرأت الموضوع ده وعجبنى وحبيت انقلهلكم.....................ومنتظر الردود ان شاء الله
يا خسارة يا خسارة على شباب كتير مات غريق في عرض البحر من غير ونيس ولا رفيق ومات معاهم حلم , حلم بسيط وبرئ كانوا بيدوروا على شغل ولقمة تسد الريق وفلوس وشبكة لعروسة تشاركهم الطريق ياعينى ياعينى على شباب اكتر ماسك سيجارة ماشى مستمتع بيها وفاكرها شطارة تسال الواحد منهم وتقوله إيه العبارة ؟ يقوللك بنطلع فيها همومنا اللى كلها مرارة طب وصحتكم اللي هتروح في سن كله نضارة يا حسرة يا حسرة على شباب بقوا لدينهم خلاص ناسيين يوقعوا دى ويواعدوا دى وفى غراميات عايشين وكليبات وشات ومواقع اى كلام داخلين ومنهم كتير بيعمل دماغ بصنف او صنفين وفاكرين إنهم كده عال قوى وكويسين طب وديننا وأخلاقنا ياعم ده بقى ماضى والماضى مفروض تنساه لا والله يااخواننا ده اللي بعد عن دينه تاه ياعم عيش ايامك وعمرك قبل ما يضيع ولا تلقاه القاه فى معاصى وذنوب وغضب ربنا ,واسفاه! شوفتوا!شبابنا بقى عاطل تايه ضايع ياولداه! عايز اعرف رايكم فى الموضوع ....ومنتظر ردودكم......... واسف على الاطاله... |
ياريت تيجى على اد كدا انا صحبتى الانتيم فى تجارة المنصورة هنا شافت فى نهار رمضان زمايلنا المسلمين اللى كانوا معانا فى الكلية بيشربوا سجاير وبيبسى وواحد منهم بيضحك ويقول اصل السجاير والبيبسى مش بيفطروا وكانوا واقفين مع بنات محجبين
بجد انا هتجنن هو لسة فى كدا يارب ارحمنا يارب كلامك جميل اوى ومؤثر شكرا ليك |
فعلاً الموضوع ده بيوصف حال معظم الشباب اللى بقو بيتسابو مع بعض على السيئات بدل من الحسنات الشباب اللى نسيو دينهم الشباب اللى المفروض يكون عماد الأمه ورمز المستقبل بينهار وكل بيعلق همه ومشاكل وتصرفاته اللى غلط فى غلط على شماعه الحكومه والزمن وردهم الأول والآخير طب إنت يعنى عاوزنا نعمل إيه اللى مهو من غمنا وهمنا بينى وبينك أنا ساعات بيجى عليا الوقت وأحس إنهم عندهم حق الحياه بقت خنقه والأحوال بقت ......... بجد أنا مخنوق من اللى بيحصل |
:lol:شكرا على المرور وعلى ردود حضراتكم:lol:
.........(وانا والله نفسى يبقى عدد المشاركات زى عدد المشاهدات). |
| جميع الأوقات بتوقيت GMT +2. الساعة الآن 03:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.