|
ممكن تنظروا للناس دي بنظرة تانية ؟؟!!
السلام عليكم .... ازيكم ؟!! ... اتمنى يكون الكل باحسن صحة وحال ... وكل سنة وانتوا طيبين ... عيد الفطر (:dمش بتاع الخروف لا التاني:d) كمان كام يوم المهم اكيد كلكم عارفين المهندس احمد عز صاحب مصانع حديد عز وامين التنظيم بالحزب الحاكم (:dاللي هو الوطني الديمقراطي يعني:d) ورئيس لجنة الموازنة والخطة العامة في مجلس الشعب . دايما بنفاجىء بالهجوم عليه من كل ناحية مش عارف مرة عشان احتكار الحديد ومرة تانية عشان عمل مش عارف ايه في مجلس الشعب و التالته عشان ..... المهم يعني كلها حاجات عامة الشعب ملهاش دعوة بيها ^_^. الحديد بقى ب15ـالف جنيه .... مجلس الشعب ولع ..... الخطة اتحرقت احنا كدا كدا عايشين و السلام :d . بس احمد عز دا بقى بيقدم طن حديد لكل اللي حصل على قطعة ارض من مشروع ابني بيتك او قيمة الطن نقدا لو جبت حديد من حتة تانية . احمد عز دا قدم 30 شقة في مختلف المحافظات لبرنامج دقوا المزاهر وساعد كتييير من الشباب انهم يتجوزوا . احمد عز دا كمان قرر ان المتقدمين للبرنامج اللي يفوز بالشقة هياخد كمان ادوات كهربائية واللي مش هيفوز هياخد 50 الف جنيه . طيب احنا مستفيدين من انهي جانب ؟؟ اعتقد الجانب الاول احنا مش لينا دعوة بيييه اللي هو احمد عز السياسي اللي بيختلف معاه الصحفيون وغيرهم . احنا مستفيدين بالراجل اللي ساعد الشباب و بس طبعا احمد عز انا لا اعرفه ولا هو قريبي ولا ابن عمتي (:d:dيا ريت كان زماني متمرمغ في الحديد دلوقتي:d:d) بس كل اللي اقصده ان احنا ممكن نحكم على الناس من خلال تعاملها معانا ... يعني احنا طبعا عمرنا ما هندخل مجلس الشعب دا يبقى عمرنا ما هنتعامل معاه على انه احمد عز السياسي . و كمان الرجل في خلال تعاملاتنا الشعباوية العامة :d:d مفيد يبقى الرجل دا كويس بالنسبة لنا وللا لأ ؟؟ و بالمثل السيد هشام طلعت مصطفى لما بنى مدينتي والرحاب والفور سيزونس احنا برضو ملناش دعوا بيها;):d;) ولما قتل سوزان تميم برضو ملناش دعوا بيه المهم ان هو كان بيتبرع كتييير لصالح المرضى والمستشفيات دا اللي استفدناه منه يبقى الراجل دا كويس بالنسبة لنا وللا لأ ؟؟ دا رأيي اكييد في منكم حد مختلف معايا وشايف ان هو لا مفيد وللا حاجة وهو اللي ناهب .(:dمتودوناش في داهية:d). وكدا بس كل غرضي من الموضوع ان احنا ننظر للاشخاص دي بنظرة تانية غير النظرة السياسية او الصحفية :d بس هو دا الموضوع :d اتمنى اعرف ارائكم واعرف مين متفق معايا و مين مختلف ..؟؟!؟ :confused: ؟!؟ و ارجوا الا تبخلوا عليا بالمشاركة علشان انا بقيت بكتب في السياسة;) ومش عايز اتقفش لوحدي:d:d |
والله انا فرحت جدا لما احمد عز من حلقتين فى دقوا المزاهر قرر انة يدى الفريق الخسران 50 الف جنية وفكرة انة يقدم مساهمة زى دى للشباب يشكر عليها
رغم ان الحديد كان فى فترة سعرة عالى ورغم ان دة مش هيفرق معاة لانة عندة123333333333333333 9 مليار بس فعلا بنشكرة على الحركة دى وعلى رأى الاعلان بشتغل فى حديد عز |
اقتباس:
بس على العموم الف شكر على المرور ;);)........ |
اقولك يا سمسم بيتبرع بالحاجات دى ازاى
من فلوس الشعب اللى طالع عينه فيها مادام ده اللى بيتبرع بيه امال المكسب ايه انت مش شايف سعر الحديد ولا ايه احنا بعد كدة هنبنى بصفيح هو انت بتصدق الكلام ده ولا ايه |
اقتباس:
|
أنا رأيى يا إسلام ان اللى أحمد عز بيتبرع بيه شئ لا يذكر
لو قارناه باللى (نهبه)أقصد .....احم<_<<_<(كسبه بشطارته)فهو شئ لايذكر أبدا لأنه من أغنى الناس فى مصر ولو بصينا على أغنياء العالم زى بيل جيتس تلاقيه بيتبرع بكل فلوسه اللى مصادرها موثوقة ظبعا للجمعيات الخيرية دون انتظار لأرباح له وغيره من الناس اللى عمل جايزة نوبل والحاكم الرشيد لو....لو حدمن أغنياء مصر عمل زيهم هيكون مستنى الأرباح ليس إلا.. ....انا حاسس انى تقلت العيار حبتين:d:dوشكلنا بجد هانتقفش:d والله أعلم جايز أحمد عز عايز يتوب ويكفر عن ذنوبه(الحتة دى عشان خاطرك انت بس يا إسلام....اممم وكمان أمن الدولة:rolleyes::rolleyes::rolleyes:) أما هشام طلعت فهو قاتل عمرى ما هكلم عن حسناته:d:d:d |
هههههههههههه:d مش عارف انا بضحك ليه يعنى ايه ننظر ليهم نظرة تانية ( هما اصحاب عاهات مستديمة واللا حاجة ):d يعنى ايه بيساعد الشعب ممكن تقولى ناهب الشعب ذالل الشعب انما تقولى بيساعد دا كلام غير منطقى بالمرة انت متعرفش طن الحديد بقا بكام يعنى لو هو رخص سعر الطن اكيد محدش هيستنا مساعدته والكلام الفاضى اللى فى الاغنية بيتك هنساعدك تبنيه كلنا واقفين جمبك فيه:d هو عمل بالضبط زى الحكومة المصرية يرفع الاسعار 50% ويزود المرتبات 20% يبقا ايه وجه الاستفادة ياريت تكون فهمت كلامى شكرا على الموضوع ودمتم فى رعاية الله |
اقتباس:
|
اقتباس:
|
اقتباس:
اقتباس:
انا معاكم يا جماعة في كل الكلام و انا اصلا لا بحب ...!!!.. وللا بطيقه بس اللي اقصده ان في غيره شايلين على قلبهم وسارقين برضو و محدش عارف عنهم حاجة وللا بيعبروا الشعب الغلبان دا بلبانة حتى :d:d |
بجد موضوعك جميل اوى
لكن انا مش معاه ولا ضده لانى مش عندى خلفيه عن اسعار الحديد دلوقتى وصلت لفين اصلا بس دى كل حاجه غليت فى مصر دلوقتى, هتيجى بقى على الحديد!!!!!! مرسى كثير على موضوعك |
اقتباس:
|
اللي هقوله دا وجه نظري مش اكتر<عشان مورطتش حد معايا فاوتيل الداخليه>المهم انا شايفه انه بيعمل الحاجات دي عشان يغطي علي اللي بيعمله..وبعدين بتقول اننا ملناش دعوه باللي بيعمله فمجلس الشعب ولا احتكار الحديد؟؟ازاي ملناش دعووه؟؟؟مش دا اقتصاد بلدنا مش الاحتكار اللي عامله هو اللي جيبنا لورا ..كل دا بياثر عالبطاله ومستوي المعيشه..ولو مكنش عمل كده كان الشباب لقي شقق ولقي يتجوز من غير مساعدات من حد..فتيجي تشوف تلاقي طبييعي جدا ان يوزع شقق ومساعدات..معظم البيزنس مين بتوع <الديرتي بيزنس>بيتبعوا السياسه دي كتمويه يعني او تقدر تقول غسيل لشويه من اموالهم..واحب اقول مثال صغير,..لو في واحد بيبتزك كل يوم لحد لما بقي معاه عشره جنيه من ابتزازك لوحدك لو جه يديك جنيه من العشره جنيه ولا كمان نص جنيه ..هتعتبر ان دا خلاص حقك والراجل دا رجل حقاني وفاعل خير الخ الخ؟؟؟؟متنسونيش بقي فالعيش والحلاوه
|
اقتباس:
|
بصراحة يا سمسم انا مقدرش اجزم فى حاجة زى دى لانى من كذا موقف نظرتى للناس اتغيرت مقدرش احكم على حد معين بالذات الشخصيات دى بيكون حواليها كلام كتير وكتير مننا اوى بيغفل عن الحقيقة بس مش عارفة ما يمكن بيعمل كدا علشان يكسب الناس لصفه والملاليم دى هتفرق معاه فى ايه يعنى
شكرا لطرحك الموضوع |
| جميع الأوقات بتوقيت GMT +2. الساعة الآن 10:44 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.