بوابة الثانوية العامة المصرية - كيف تستيطع اضافة صور الى مواضيعك ومشاركاتك

بسم الله الرحمن الرحيم

السلام عليكم يا صحبة الخير

هناك بعض الاعضاء يواجهون مشكلة وهي كيفية اضافة صور الى اي موضوع او مشاركه لهم في المنتدى

فاما ان يضطروا ان يتجاهلوا الصورة

ويقلك امرى لله وانا يعني كنت هعمل ايه

معرفش

يا لهوى على الكسل يا جدعان

يا اما غيره هيقوم رايح على المرفقات ومريح دماغه

يللا ملناش دعوه احنا بالناس دي

احنا عايزين نتعلم يا عم خلصنا

طيب طيب نقول ازاي ممكن نشيف صورة كده في وسط المشاركه

طبعا اول حاجه الموضوه بينقسم لجزأين

يا اما الصورة دي انت جايبها من صفحه على الانترنت

يا اما من على جهازك نفسه

ايوه يا عم لخص

طيب ، الله !! متزقش كده

المهم يعني

هنقول لو الصورة موجوده على اي صفحه في الانترنت

ولنقل انك عايز تحط الصورة الرمزيه بتاعتي دي في وسك مشاركه ليك :P

هتقوم رايح يا باشا وضاغط عليها كليك يمين

هتضغط ايه

كليك يمين

ايوه صح كده يمين اللي بتاكل بيها هيفتحلك طبعا قايمه صغنونه كتكوته كده

هتختار منها اخر اختيار تحت خالص

اللي هو اسمه ايه

Properties

هتضغط عليها تمام كده

هيفتحلك صندوق صغير

لقلك ايه

ايه رأيك افرجهولك انا وخلاص اهو خدمه برضه

واهم حاجه عندنا راحة الزبون :D

لالا قصدي راحة حبايبنا واخواتنا

http://www.shababy.org/upload/pic/ssss.gif

هتعلمي على الاختيار دا اللي جنب URL

وتعمله كوبي

وتيجي بقى هنا في الرد

هتلاقي تحت تغيير حجم الخط ولونه وهكذا

زرار

لالالا مش زرار قميص

زرار كده مكتوب عليه IMG

هتضغط عليه هيفتحلك مكان تكتب فيه الوصله اللي نسختها دي

تعملها نسخ جواه

وتقله اوكى

تلاقي الصورة نزلت وكله في التمام يا باشا

طيب هنقول بقى انها صورة من عندك على الجهاز تعمل ايه

بسيطه يا باشا

هتقوم رايح فاتحلك اي موقع لرفع الصور

هتقوللي ومين موقع رفع الصور دا

هممممم

في مواقع كتير جدا بتقدم خدمة رفع الصور على النت من على جهازك عشان يكون ليها رابط تقدر تستخدمه بيها

هتخش على اي واحد منها

هنفرض انك مش عارف

برضه هنريحك خالص

زي ما قلتلك اهم حاجة راحة الحبااااايب

اي موقع لرفع الصور

http://www.shababy.org/upload/uploader.php

هتلاقي كلمة Browse

هتضغط عليها

هيفتحلك ملفات الجهاز بتاعك

تختار الصوره وتقله حمل الصورة الان

هيقوم مديك رايط الصورة

تعمله نسخ وتيجي هنا تحطه في نفس المكان

وتوته توته خلصت الحدوته

واي خدمه احنا تحت امركم

وجزاكم الله كل خير