|
مفيش عنوان
يا جماعه أنا إسمى السيد وجالى تجاره القاهره وبما إنى أزهرى وكنت علمى فأنا ما درستش أبدا مواد زى الإحصاء والإقتصاد والمحاسبه فلو حد يقدر يفيدنى أكون شاكر |
بص يا سيد
الاول مبروك عليك تجارة القاهرة والكليه هتعجبك اوى وهتلاقيها سهلة ان شاء الله ثانيا بقى بالنسبة للاقتصاد انت هتاخد كلمتين كدا نظرى هتصمهم وتخش تدلقهم ف الامتحان ومش هتلاقى اى مشكلة ف كدا وبالنسبة للاحصاء هى عبيطة ولسه هتاخدها ف 3 يعنى مش دلوقتى خالص وسيبها على جنب دلوقتى نيجى بقى للمحاسبة هى اللى هتعملك مشكلة بجد لأنها رخمة بغباء وصعب حد يفهمها وانا لحد انهاردة مش فاهماها بس عموما محاسبة الترم الاولانى متهيألى هتبقى احسن محاسبة هتشوفها بس المشكلة انك لسه داخل جديد واول مرة تدرسها فهتعملك مشكلة بس بمحرد انك تخش جامد فيها كدا وتفهمها ان شاء الله تعرف تعدى منها ولو فى اى استفسارات تانية اسأل عادى ولا يهمك |
الله يخليكى
انتى تجاره أزهر ؟ |
لأ مش ازهر
ليه؟؟؟؟؟؟؟؟ |
ااااااه .. هانقلبها شات بقي ..
الرجاااااااااء الانتباه لإن الموضوع لو خرج عن المألوف .. هاضطر آسفاً لحذفه اللهم قد بلغت اللهم فأشهد |
بتقولك هتدلقهم فى الورقه مش عارف والله احنا فى موقع تعليمى ولا واقفين فى الشارع
|
بص يا أخ vampire 1188 ردى على رسالتك الخاصه هيبقى عام مش خاص كما تطلب لسبب بسيط إنك إكتفيت بحذف ردودى فقط مع انها مفيهاش اى تجاوز مقارنة برد حضرتك الساخر اللى مازلت مبقى عليه فى الموضوع العام فبالله عليك إزاى أرد عليك خاص وأنا مش عارف يعنى حضرتك سايب كل اللى بيحصل ده وجيت على سؤالى اذا كانت الاخت أزهرية أو لا وحتى لو جيت على ده يبقى بالحميه دى؟! .. مش حاجه غريبه برضه إسمحلى بس أطلب منك تقرأ رد الأخت الكريمه كويس يمكن تعرف من نفسك الغرض من سؤاالى |
هى ردودك اتحذفت علشان الموضوع اتقلب شات
واخد غرضة خلاص من سؤالك وجوبتك عليه علا ملهوش لزموم الردود تانى فى الموضوع وانت يا طارق مش تركز وتقرا القوانين للمنتدى قبل الرد وبردك كده الموضوع بيتقلب شات والموضوع ده لو متحطلهوش حد واتكلم فى الهدف منه وبس هيتحذف يا ريت يا طارق تحترم القوانين |
استاذى العزيز ،، ردك الاخير .. مش هاحذفه عشان ماتقولش اني متسلط عليك .. اما بالنسبة للرد على سؤالك >>> بالنسبة لمادة الاحصاء .. انتا هاتدرسها في الترم الاول في صورة مادة تحت اسم الرياضة البحتة (رياضة التجاريين) المادة دي تتلخص في انها رياضة عادية جدا جدا جدا .. عايزالها شوية تركيز وحل كتير وخلاص بالنسبة لمادة الاقتصاد .. هاتاخدها في الترم التاني تحت مسمي مادة مبادئ علم الاقتصاد وهيا مادة نظرية بسيطة .. فيها شوية حاجات رخمة شوية زي النسب والقوانين والرسومات بس عادية يعني .. شوية كلام ورا بعضه وتعيش حياتك .. بالنسبة لمادة المحاسبة .. هيا دي بقي مربط الفرس بيقولوا عليها بعبع كلية التجارة !! اخنق مادة .. اشلل مادة .. اصعب مادة .. لازم تفهمها .. ولو مافهمتهاش مش هاتنجح فيها .. عشان كدا في محاضراتها ركز فيها جامد واوعي تنقل حاجة وانتا مش فاهمها .. بالنسبة للمحاسبة .. هيا انواع .. مالية ، حكومية ،ادارية ، ضريبية.. الخ .. في السنة الاولي هاتدرس اول مادة او اول نوع وهوا المحاسبة المالية والنوع دا هوا اساس اي محاسبة تانية .. فعيش حياتك فيها .. وربنا يوفقك
|
والله يا جماعه أنا كنت بسأل سوأل عادى جدا لأن لما الأخت علا ردت على استفسارى بإنى هدرس فى السنه الأولى كذا ومش هدرس كذا وهدرس ايه.. الخ استغربت فحبيت أعرف ردها ده معين لتجاره الأزهر ولا لا .. فسألت سؤالى وهى لما سألتنى ليه ؟.. ردا على سوألى هى أزهريه قلتلها كده واتحذف الرد لكن عرفت بعد كده من بعض الزملاء فى المنتدى أن الشغل فى كليات التجاره واحد والسبب يا أستاذى المشرف إنى مش ملجأتش لمنتدى جامعات الأزهر : أولا :إنى ماخدش بالى إلا من منتدى مناقشات التعليم الأزهرى اللى غالبا بتابع فيه وإن كانت مشاركاتى قليله .. وكنت مفكر مفيش إلا ده للأزهريه ثانيا : لو تلاحظ ان منتديات الخاصه بالأزهر مافيهاش نشاط على المستوى العام لأسباب لا أعرفها ... بعكس منتدى زى ( كليه التجارة ) أول ما ضغطت على اللينك لاقيت بإسم الله ما شاء الله حاجه تشرف ماتلاقيهاش أبدا فى منتدى كليه من كليات القمه وبما إنى إن شاء الله رايح الكليه يوم الأحد يعنى طلبى عاجل .. فلاقيت من الأفضل إنى ان أسأل فى المنتدى بتاعكوا وأنا إسف إذا كنت أزعجت حد .. إيا كان وبقول أهو وربنا شاهد أقسم بالله العظيم ما أنا ضاغت على اللينك بتاع كليه التجاره ده تانى وان الله مع الصابرين |
مش عارف حاسس ان vampire بيكرهنى ليه كل شويه تحذير مع انى يعنى غلبان بس مش عارف ليه والله
كل شويه تحذير تحذير مع ان يعنى كلامى عادى ولو بص على الرد اللى بيبقى عليا بيبقى رد يضايق ويجيش الا عليا عشان غلبان ولسا فى سنه اولى |
| جميع الأوقات بتوقيت GMT +2. الساعة الآن 05:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.