ألسن احسن ولا سياحة وفنادق؟؟؟ (هااااااام)
 

يا جماعة الموضوع ده مهم اوى بالنسبة لشعبة الادبى .

انا أساسا فى تجارة بس كان نفسى اخش سياحة وفنادق بس يالا الحمد لله المهم يا جماعة دلوقتى فى حاجة مهمة ان كلية السياحة والفنادق فى نظرى يعنى بقت أحسن من ألسن عارفين ليه عشان هما بياخدوا لغات زى بتوع السن ولو فى لغة ناقصة بياخدوا كورس فيها وعادى اكنه خدها وكمان بياخدوا كل حاجة عن السياحة بجانب اللغات وفبه كمان قسم ارشاد سياحى ده لما بيتخرجوا منه بياخدوا رخصة المرشدين ويشتغلوا عادى مرشدين سياحين ما دام معاهم رخصة الارشاد .

بس طبعا كله بيعد يقول السن اسمها جامد و سياحة وفنادق اسمها وحش بس الواحد بعد التخرج مبينفعوش ولا اسم ولا اى حاجة المهم الـmoney .

فانا عايز اعرف رأيكوا بالنسبة للجيل الجديد المحتار بين الكليتين بس انا فى نظرى من حيث الشغل ان كلية السياحة والفنادق احسن ده مجالات شغلهم كتيييير اوى .

بس ان عايز اعرف رأيكوا وكمان فى موضوع هنا فى قسم المجموعات الادبية تلاقى ان الالسن والسياحة والفنادق متساووين فى التصويت.

من حيث الاسم ألسن زى ما قولت.
من حيث اللغات ألسن برضة.
اما من حيث الشغل فسياحة وفنادق طبعااااااااا.

احنا جارتنا فى السن وللاسف بتندم اشد الندم انها دخلت السن هى كللية اسم وبسسسسسسسسسسس انما شغل او راحة للاسف لا وهى اصلا هتعمل بها ايه بتضرب نفسها وتقول يارتنى دخلت تربية ولا حاجة تانية اسهل شوية من الالسن دى وانصحك كل النصيحة اتوكل على الله وسياحة وفنادق

انا شايف سياحة وفنادق اصل انت لو دخلت ألسن مبتاخدوش غير حاجة واحدة بس وهى اللغات اما فى سياحة وفنادق بتاخدوا لغات وكمان تاريخ وحاجات كتييييييير عن السياحة ولو فى لغة ناقصة مخدتهاش خد فيها كورس مش مشكلة يعنى .
وكمان سياحة وفنادق شغلها متوفر فى سوق العمل .

انا بصراحه حولت من السن لسياحه انجلش

انا بقى متهيالى ان مفيش حاجه اسمها الكليه دى احسن من الكليه دى كل كلية و ظروفها و حسب اللى متخرج منها انا فى تجاره و لو انا فكرت مثلا ان كلية هندسه او سياحه و فنادق احسن مش هحقق اى حاجه فى تجاره مثلا حقوق روح اى قهوه هتلاقى خريجين حقوق بالهبل قاعدين هناك و فى نفس الوقت تلاقى محامى لسه متخرج بقاله سنتين بس و صيته مسمع فى كل حته ده حسب اجتهاد كل واحد يا جماعه

بصراحة كلية السن احسن طبعااااا ااااااااااااااااا
اولا بالسن ممكن تشتغل اى حاجة وفى اى حتة
ولغة بتكون متمكن فيها جداا
مش تقولى ياخد كورس ويبقى زي بتوع السن
لا طبعا معلش يعنى شهادة جامعية من كلية السن فى لغة معينة
ولا شهادة كورس

أنا فى لغات وترجمة فورية انجلش
بس طقهان من امها هى الكلية حلوة بس مش ميولى لانى كنت علمى وراحت من هندسة على 0.2
أما عن حكاية الشغل دى فأعتقد انى أخرتى مدرس انجليزى وبالحصة كمان ربنا يستر بقا