|
زمان ولا دلوقتى
حوار مع مواطن من سنة2050
http://www.3gypt.com/vb/images/smilies/smile.gif في الحقيقة الموضوع ده عجبني جدا ومش بعيد يتحقق في الزمن دة فقلت اجيبو عشان تقولولي رأيكو المذيعه: اسم حضرتك المواطن: وائل هيثم المذيعه: احكى لنا شوية عن ايام زمان المواطن: أحكى ايه ولا ايه ولا ايه عن زمان .... والنبي متفكرنيش بايام العز....ايام الرخص...أيام الاحترام.... طب ده انا مثلا فاكر من حوالى 40 - 45 سنة كدة كان الواحد مننا ياخد من ابوة المصروف10او 15 جنيه فى اليوم وكانوا بيكفوا...ومابيفتحش بقه...مش زى دلوقتى....الله يكون فى عوننا... .ده انا فاكر ان عمرى ما ناقشت بابى هيثم الله يرحمه ف المصروف.... زمان الواحد كان محترم في لبسه كان الولد لابس البادي الكات والبنطلون النجر او البنطلون الجينز الديرتى المقطع و خلاص..... والبنت تلاقيها ماشية باحترامها لابسة المينى جيب والاستوماك او البنطلون الاستريتش و خلاص...لكن لبس اليومين دول.... مايتوصفش....اجارك الله زمان المصاريف كانت محدودة ...فين ايام ما كيلو اللحمة كان بـ 45 جنية بس... .. كانت ايام .. وبعدين زمان كانت ابواب البيوت تتقفل من بدري يعنى الساعة 4 الفجر كدة... وكان الابهات ليهم شنة و رنة....يعنى ماتلاقيش واحد بيعلى صوته على ابوه و لا بيمد ايده على امه....غير لو زعقوا له او ابتدوا معاه بالصوت العالى.... زمان كنا بنذاكر على الاغانى الطربية الاصيلة....فين ايام الاغانى الاصيلة زى بحبك يا حمار و العنب العنب العنب....لكن اغانى اليومين دول لا ليها طعم ولا لون و الكلمات بقت مبتذلة ومالهاش معنى.... طب بذمتك كدة قارنى بين مطربات زمان زى الست روبى و الست دانا و الست هيفا....لكن مغنيات اليومين دول بيعتمدوا على جسمهم و على المسخرة....فين ايام الفن الاصيل وبعدين زمان بصراحة بقى كانت المذيعة تقعد قدام الضيف او جنبه مش على رجله زي ما انتى عاملة كدة.... المذيعة: قول للزمان ارجع يا زمان |
ايه مش عايزين تقروا الموضوع قبل ما يتحذف كالعادة عموما انا حبيت اعمل الموضوع عشان اعيد على الاعضاء الاعضاء بس وقولهم كل سنة وانتوا طيبين
|
بجد أنا نفسى أرد بس المشكله بقه إنى مش لاقى رد أنا بجد دمى إتحرق ونفسى أعيط وفى نفس الوقت بضحك يمكن ده فعلاً المقصود بالمثل هم يبكى وهم يضحك إحنا فعلاً لو فضلنا على الحال اللى إحنا عليه ده هنوصل فعلاً لمرحله بدل ما الموضوع ده مكتوب بطريقه ساخره هيبقى بيجسد أرض الواقع بجد الموضوع جميل جداااً وياريت كل واحد يقف مع نفسه وقفه ويشوف نهايه اللى إحنا بنعمله ده هتودينا فين |
hhhhhhhh
gamed gedannn hhhhh thunx 3ala el mwdo3 :) |
ههههههههههههههه انا كمان نفسى انام واصحى الاقى الكون اتغير بس ازاااااااااااااااااااى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
وشكرا ليكم كلكم على الردود وكل سنة وانتوا طيبين |
هههههههه حلوة اوى
سبحان الله انا تخيلت الحكاية دىقبل كدة بس الزاى بقى يعنى بابا دلوقتى يقولى على ايام زمان وام كلثوم وعبد الحليم فافكر امال انا هقول لولادى اية هقولهم على ايام زمان وعن نانسى وهيفا وربى صحيح حاجة لها العجب |
فعلا هم يبكى وهم يضحك ده بقا هم بس نوع جديد ههههههههههههههههههههههههههههههههههههه
|
هههههههههه بصراحة حاجة عجيبة
يعنى لو هو بيحكى عن ايام زمان اللى هى دلوقتى على انها حلوة وكانت كل الناس كانو محترمين طب لو هيحكى عن زمان اوى بقى فى الثلاثينيات هيقول اية كانوا انبياء
|
ههههههههههههههههههههههههههههههههههههههههه
والله موضوع زى العسل شكرا يا نوره هههههههههههههههه والله مش عارف امسك نفسى |
يا جماعة انا مش شايفة الموضوع ده للضحك
ده حاجة تحزن والله هى بتقول الكلام بهزار بس لو شوفنا بجد كل جيل اوحش من اللى قبله ربنا يهدينا |
بارك الله فيك
|
على فكرة بقى هي دي طبيعتنا كدا لا نرضى بحالنا في الحاضر ونتمنى حال من سبقونا يعني محدش عاجبه حاجة لا اللي عايشين دلوقتي عاجبهم زمنهم وللا اللي عاشوا زمان عاجبهم زمانهم زللا اللي هيعشوا في المستقبل هيعجبوا زمنه .... الانسان طماع وملول بطبعه
و الف شكر على الموضوع ومواضيع حضرتك كلها هايله والله وارجو تقبل مروري |
| جميع الأوقات بتوقيت GMT +2. الساعة الآن 10:28 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.