|
مع السلامة
عبارة عن قصيدة كتبتها لما والدة احد اصحابى توفت كان متأثر جدافحطيت نفسى مكانه فكانت القصيدة كالتالى <<<>>>>؛؛؛؛ مع السلامة ؛؛؛؛<<<>>> مــع الســلامة يا امــايا مــع السلامة يا حــبيبة مهما تغيبى بردو معايا مش هنسا حبك والطيبة :::::::::::::::::::: دنا كنت بغلط وتسامحى دايما كدا حاسة بجرحى وبتزعلى لما ابقا حــزين وبتفرحى بردو لفرحــى ::::::::::::::::::::::::: سبتينى كدا فى الدنيادى ازعل وافـــرح وحــديا يا احـلى ما فى الدنيادى ربــى جــابهالى هـــدية ::::::::::::::::::::: يا امايا ليه كــدا سبتينى من كل حب حــــرمتينى سبتينى عايش بين اتنين احزانى كدا ودموع عينى ::::::::::::::::::::::::::::::: بعدك مــاليش قلب قـريب يــــداوى جرحــى ويطيب دنتــى اللى كنتى بتدعيلــى ومــنك انا كــنت قـــــريب ::::::::::::::::::::::::::::::: لــو ليكى اضحى انا بعنيا مــش هوفــى لحـظة حنية من اللــى كنتــى ادتيهالــى بــــعدك مــأثر اوى فــيا :::::::::::::::::::::::::: انا بدعى دعوة للرحـــمن يجمعنى بيكى فى احلى مكان والمكــان يـــبقا الجــــــنة زى مـــــا كــنت انا بتمنى ::::::: مـــع السلامة يا امايا مـــع السلامة يا حبيبة |
انا هبدا اشك فيك واقول شاعر من ورانا لا بجد حلوة استمر يا فناااااااان (انت كتبتها فى الضلمة):huh: |
فقدان شخص عزيز بيبقى امر صعب
امال بقى فقدان الام ربنا يصبر صحبك ويصبر اهله وانك تحط نفسك مكانه دا دليل عن القلب الطيب ف ميش غريب ابدا من شخص بالشكل دا انه يكتب بالجمال دا خصوصا ان الكلام طالع من القلب بجد فمقدرش اقول لحضرتك غير شكرا |
كلام صعب اوى ومؤثر واللى يحسه اكتر اللى عاش التجربة
شكرا على الاحساس والكلام الجميل ده |
اقتباس:
لا متشكيش دول شوية كلام بيطلعو لما تكون الكهربا بتفكر تقطع بس:d وبلاش فنان دنا لسة يا دوب مبتدأ:d انا كتبتها عصرا وقت الغروب:d ::::::::::::::: شكرا يا ترافيل على المرور دمتى فى رعاية الله |
اقتباس:
خاصة لو كان احد الاباء لان لو صديق ممكن يتعوض انما لو ام متتعوضش طبعا شكرا على كلامك وزوقك انا اللى متشكر على المجاملة الرقيقة دى دمتى فى رعاية الله |
اقتباس:
شكرا على المرور احساس مؤلم فعلا لما نفقد انسان عزيز علينا دمتى فى رعاية الله |
الله عليك يا فنان .. قلبت عليا المواجع .. ياريت تقرا قصيدتي .. نفسي انسى امي .. وتقولي رأيك فيها
|
اقتباس:
عموما محدش يقدر ينسا امه حاضر هشوف قصيدتكوهقول رايى دمت فى رعاية الله |
انت اتفضحت في المنتدي بسبب الكهربا دي هههههه
والله بجد يا محمود قصيده جميله جدا واحساسها مرهف ومفيش اصعب من فراق الام مهما حصل شكرا ليك يا محمود |
اقتباس:
دايما فاضحانى كدا اهو:d ::::::::::::::::::::::: الاجمل مرورك طبعا يا محمد كلامك مضبوط نورت الموضوع دمت فى رعاية الله |
كلمات جميله ومعبره جدا يا مستر
rana alex |
الله يسامحك يا ابو حنفى خلتنى بكيت وربنا يخلى والدتى ويطول فى عمرها
قلبى انقبض وانا بقرا كلماتك وشكرا لك واشكرك جزيلالك على ردك المفحمفى موضوع المصافحه المغلق---لكن قلبكم ابيض تعالوا شوفوا البنات بتعمل ايه مع الشباب هزار باليد و--و --وربنا يعين شبابنا ويرزقهم عفه يوسف عليه السلام |
اقتباس:
دمتم فى رعاية الله |
اقتباس:
هو انا عندى ولد واسمه حتفى ونا معرفش:d ربنا يبارك لك فى والدتك ويطول فى عمرها الشكر لله وحده :::::::::::::::::::: لا شكر على واجب انا حبيت انهى المسالة بنظام اسلامى فحسب عارفين مواضيع الشباب ده بس احنا نعمل اللى نقدر عليه وخلاص ربنا يهدى شباب المسلمين شكرا على المرور ودمتم فى رعاية الله |
| جميع الأوقات بتوقيت GMT +2. الساعة الآن 01:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.