|
قويني .. يمكن .. أكرهك!!!!!
قويني يمكن أكرهك وييجي يوم أنساكي فيه .. ما اتصورك قويني .. اِقسي كمان عليا اخنقي كل اللي فيا بيعشقك *********** ارمي فوق اللوحة يلا كل لون شوهي كل الملامح تختفي منها العيون وارسمي قلب انقسم فوق الورق ارسمي قلب اتحرق اكتبي كلمة جنون ********** قويني يمكن .... أكرهك ساعديني نفسي بجد أموت كل حضن تاني غير حضنك تابوت يلا تلقي صدري مفتوح مش جبان اطعني يلا وانا مني السكووووووووووت ********** قويني يمكن اكرهك انتي صح انا اللي جوه حلمي ساكن انتي صح فقتي قبلي قسيتي لكن لسه في دور تلعبيه قبل ما تنزل ستاير تخدي صورة ليكي ساكنة في الأماكن ******** قويني يمكن ... أكرهك بعدك أكيد هييجي يوم وتسيبي دمي ايه يعني مُتِّى؟قبل منك سبت امي بس واحدة واحدة غيبي وارحلي قطعي كل الورق واحرقي لو فيها اسمي ******* قويني ... قويني يمكن أكرهك |
بجد انت انسان رائع واحساسك عالى موووووووووووت
|
يا حبيب قلبي والله الأغنية دي كتبتها لسه النهاردة وبجد حاسسها اوي اوي ويارب بجد تكون عجبتك انت لسانك زي السكر والله ربنا يوفقك ومواضيعك انت كمان تجنن
|
موضوعك جميل الى حد ما.
اكيد لو سمعناها كأغنيه هتعجبنا اكثر من كده. ربنا يوفقق وتمتعنا باجمل الكتابات |
ياريت ردى مش يكون زعلك,انت عاوز راينا بجد
وانت عارف انى من اشد المعجبين بمواضيعك اكيد انا مش حساها زي مانت حاسسها |
أنا نفسي تتغنى والله ولو حد من الأعضاء عنده موهبة التلحين أو الغناء يحاول يغنيها ويسمعهلنا .. ودي فكرة ممكن ننميها .. أيه رأيك ..؟
|
والله ياريت
ياترى فى حد هنا صوته حلو يغني |
بجد يا هند عاوزين ننمي الفكرة دي ويبقى فيه ملفات صوتيه تترفع على المنتدى من أعمال الأعضاء
|
رائعة جدا يا حساس والله تحفة تسلم
|
اقتباس:
الشاعرة كل أشعار نجم قرأناها وحفظنا معظمها وخصوصاً حضرتك أشرتى فى أحد ردودك بهذا المعنى ولكن يأتى وقت نحتاج فى لقراءة أشعاره مرة أخرى وثالثة وخصوصاً بعد انشغاله فى الإدارة فهذا تقليد جديد نحتاجه فى المنتدى حتى لا تنسى قصائدنا وأنا بالنيابة عن أخى الشاعر الكبير محمد على سأنتهج نهج سيادتك لأذكر الناس بأشعاره العظيمة وخصوصا بمناسبة عيد ميلاده هذا الشهر |
الله الله على كلامك الجميل
قويني,,,يمكن,,,اكرهك هذه حكمه بالفعل الكراهيه تحتاج الى قوه |
أستاذى نجم
قوينى بس عشان أحبك مش أكرهك |
اقتباس:
طبعا تحفة زيها زى سلسلة من الأعمال الأدبية الراقية اللى كتبها و امتعنا بيها استاذ الكل استاذ أحمد نجم مقصر معاك و مع المنتدى و مع مصر كلها بس و الله مش بايدى اخر سنة يا استاذى و بمتحن ادعيلى |
قويني يمكن .... أكرهك ساعديني نفسي بجد أموت كل حضن تاني غير حضنك تابوت يلا تلقي صدري مفتوح مش جبان اطعني يلا وانا مني السكووووووووووت المفروض تقويك علشان تحتفظ بيك وبحبك سلم إحساسك .دمت لنا مبدعا |
اقتباس:
الاستاذ الشاعر/احمد نجم قصيده رائعه لم تأخذ حقها من الردود مليئه بالاحاسيس والحب لانسان يمتلك مخزون من المشاعر الكامنه في داخله وهذا هو حال الشعراء احيانا يتمكن ترجمة مشاعره بالكلمات خلافا عن الانسان العادي وكلما اقرأ قصيده لحضرتك ازداد اعجابا بموهبيك ربنا يديمها عليك وتمتعنا بقصايدئك الرائعه |
| جميع الأوقات بتوقيت GMT +2. الساعة الآن 01:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.