|
نوادر الكادر
شعر قرأته لأحد الزملاء في مسألة الكادر
أرجو التعليق سألتنى حفيدتى حياة .. بمنتهى البراءة * فى أربع خمس حاجات.. مش فى كتاب القراءة قوللى إنت ليه ياجدى دايما قاعد تذاكر *شايفاك نهار وليل بتقلب فى الدفاتر هو انت ياجدى بكره داخل على امتحان * واللا انت ياجدى أصلا ماتعلمتش زمان طب يعنى إيه ياجدى كادر معلمــين * وليه انت وستى دايما مفلســــــين بيقولوا اللى حينجح حياخد فلوس كتير * واللى حيسقط ياجدى ح يحوّلوه غفــير ماتبعتوا للريس واشتكوا م الوزيـــر * أنا أسمع إن الريس بينصف الفقــــير ويعنى ايه ياجدى تمتحنوا بالرصاص * يعنى حيضربوكوا بالنار كده وخلاص ماتروحش الامتحان أحسن تروح بلاش * دا يادوب تلات سنين وتطلع ع المعاش ونزلت دموع كتيرة من عيون حفيدتى * قلتلها مش حاروح ماتعيطيش يابنتى أنا والله مش هاممنى أبدا أى امتحان * أنا كل اللى قاهرنى إن المعلم يهان عاوز كرامته دايما تنصان طول الزمان * والبركة فى النقابة وفى نقيبنا الهمام يردوا لنا اعتبارنا ويلغوا الامتحان * ويعيدوا للمعلـــم المجد بتاع زمـــان ويعيــدوا للمعلم العزة والأمــــــان * وكفاية بقى يابنتى علشان نعرف ننام |
ايه الجمال وخفة الدم دي الف مليون شكر وتقدير لسمو معاليكم وربنا ينجحنا في الامتهان وبقى سلم لي على حفيدتك
|
ان شاء الله لن تهان ويوم 27 اكتوبر تكون تمام التمام
|
والله انت بكلامك دا قلبت علينا المواجع
بس خطيييييييييييييييييييير |
عجبى على زمن يهان فيه المعلم ولا يقدر
|
اقتباس:
تمام تمام كلمة عسكرية واعتقد - وقد اكون مخطئ - ان مصر عامة وليس المعلمين فقط تمام تمام تمام تمام |
| جميع الأوقات بتوقيت GMT +2. الساعة الآن 06:19 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.