|
والله والله ــ حل كل المشكلات دي عندي ــ بس مفيش حد عايز يسمع
يا سادة ـــ
من يريد أن يعرف الحل في كل ما نحن فيه من تشتت وتضارب في الآراء ــ ومعارك بين المشرفين والإداريين تهدم لا تبني فليشارك ويهتم وسأعرض عليكم الحل باختصار شديد ــــــــ ولكن بعد أن أستشعر أن هناك من يحمل هم ومسئولية هذا المنتدى ، ومسئولية الخير والعمل لوجه الله لأنني وبمنتهى الصراحة ــ تعبت جدا جدا ـ صحيح أنني لم أيأس ولن أيأس بإذن الله ـــــ ولكنني فعلا تعبت مما نحن فيه |
والله احنا كلنا آذان صاغية
حضرتك قول الحلول بس انا عارفة النتيجة النهائية عموما كلنا تعبنا حضترك اعرض الحل واحنا معاك جزاك الله خيرا |
على فكرة هو اصلا مفيش مشكلة
والمشكلة الكبيرة اننا بنقول انه ففي مشكلة |
اقتباس:
المشكلة الحقيقية إنك ما تكنش حاسس بالمشكلة 1ـ خسارة المنتدى لمدرسين نشطاء ـــــــــ دي مش مشكلة ؟؟ 2ـ الفرقة والانقسام وتضارب الآراء بين الإدرايين والمشرفين ــــــــــ دي مش مشكلة ؟؟ 3ـ اللامبالاة من بعض الأعضاء أو المشرفين ــــــــــــ دي مش مشكلة ؟؟ 4ـ المعارك الشرسة بين المعلمين الإدرايين والطلاب الإدرايين ، وعدم الاتفاق أبدا على رأي يجمعهم ــــــــــ دي مش مشكلة ؟؟ 5ـ مشاكل قسم الكادر اللي ما بتخلصش ، وقائمة إلى الآن رغم بعض التعدليلات التي أجريت ــــــــــ دي مش مشكلة ؟؟ 6ـ حركة الإشراف الإداري الغير منتظمة ، ومسئولياتهم المشتتة ،وعدم تحديد مسئولية كل إداري ــــــــــ دي مش مشكلة ؟؟ 7ـ جهلنا ببعضنا ، وعدم وجود تعارف بين المشرفين والإدرايين ــــــــــــ دي مش مشكلة ؟؟ 8 ـ الكل يغني بمفرده ، ولا يسمع أحدا غير نفسه ـــــــــــ دي مش مشكلة ؟؟ 9ـ عدم وجود روح الفريق الواحد من قبل الإدرايين والمشرفين ــــــــــ دي مش مشكلة ؟؟ ــــــــــــ وما خفي عني كان أعظم ــــــــــــــــ ولكني أؤكد أن هذه المشكلات وأكثر منها يمكن حلها . وأنا لا أعقد الأمور الطبيب الناجح يا سادة يجب أن يضع يده على مكان المرض وأسبابه ، ثم يبدأ في العلاج وفي النهاية يضع طرق الوقاية من المرض حتى لا يعود مرة أخرى |
اقتباس:
انا عايز دى شكرا استاذ محمد:078111rg3::078111rg3: |
طيب يا ريت حضرتك تقوللنا ايه هيا الحلول
وكلنا كما قالت هند ( اذن صاغية ) :::::::::::: استاذ اشرف المشكلة الاكبر ان فيه مشكلة فعلا وحضرتك بتنفى دا فعلا فى مشكلة واستاذنا الفاضل هيمدنا بالحلول دمتم فى رعاية الله |
اتفضل استاذي الكريم
كلنا معك اتفضل و اكيد يا عبقر المنتدي مليان مشاكل مفيش مكان مفهوش مشاكل اتفضل يا استاذي منتظرينك |
الاقتراح لحل معظم المشكلات في جميع الأقسام
الاقتراح لحل مشكلات جميع الأقسام
بسيط جدا تثبت موضوع باسم إدارة الموقع في كل قسم وكل حجرة ــــــ كما هو الحال في قسم الكادر ــــــــ ولكن لا يكون اسمه أبلغنا عن مشكلة في قسمك ـــ وإنما يكون اسمه ضع اقتراحاتك وآراءك وشكواك هنا ، وما تراه مفيدا لصالح القسم ـــــــــــــــ مميزات هذا الموضوع المثبت في كل قسم : 1ــ من خلال هذا الموضوع المثبت : سيتعرف المشرفون أولا بأول عن كل مشكلة ورأي واستفسار وشكوى وسيقومون بحلها إن استطاعوا ....... وإن كانت المشكلة أكبر منهم سيطلبون تدخل الإدارة فورا ... 2ـ سيكون هذا الموضوع المتنفس لجميع الأعضاء أو بتعبير آخر سيكون حجرة نفسية لكل قسم يعالجه ويقومه . 3ـ نحن نعلم جميعا أن معظم الأعضاء إذا أحس أنه تعرض لظلم يكتب موضوعا جديدا ويعرضه للجميع مما يثير القيل والقال والمشكلات ... فإن وجد هذا المكان ليكون متنفسه في قسمه .. فلن يجرؤ عضو أن يضع موضوعه أمام الجميع . 4ـ وهذا أيضا سيتيح نوعا من الحرية والقيادية للسادة المشرفين في حل مشكلاتهم الصغيرة في أقسامهم . 5ـ والأهم من كل ما سبق .. أن هذا الموضوع سيوفر للإدارة وقتا أكبر للإبداع .......... حتى لا يكون كل هم الإدارة تنظيم الموضوعات فقط ، وحل المشكلات ، وحظر هذا العضو ، وإيقافه ذاك . ـــــــــــــــ وتخيلوا أن كل معلم يحل مشكلته داخل فصله ، ولا يلجأ للمدير إلا في الحالات القصوى ....... وهذا من سمات المعلم الناجح القائد . أما المعلم الفاشل هو الذي يلجأ إلى المدير في كل صغيرة وكبيرة وهذا له آثار سلبية على كل الأعضاء والمشرفين والإداريين . ولقد وضعت هذا الاقتراح واقتراحات أخرى من حوالي أسبوع ولم يلتفت إليها أحد . http://www.thanwya.com/vb/showthread.php?t=78449 ــــــــــــــــــ والاقتراح الثاني والهام أيضا .. توزيع مهام السادة الإداريين ... لأننا مشتتون وليست علينا مسئوليات معينة نحاسب عليها ... وتوزيع المهام سيقتضى أن لكل إداري الحق في التصرف بحرية في الأقسام المسئول عنها كي يمكن محاسبته من قبل الإدارة . فكلنا ندخل نعدل على بعض ونحذف مشاركات بعض ونختلف مع بعض ، وإن كنا كإدارة لسنا فريقا واحدا كلمته واحدة ....... فكيف بالله عليكم سيأتي النجاح ؟؟؟ |
اقتباس:
ومعلومه ...... في مشرف يقدر يدخل يهدي الموضوع في حاله حدوث مشكله ....ويحلها بطريقه عاديه جدا...وتنتهي المشكله بمراضاه جميع الاطراف...وتبقي كأنها مشكله اللا مشكله.... وكمان المشرف الصح اللي يقدر يحبب الأعضاء في قسمه ومراضاتهم جميعا ...ويقدر يخلي عضو جديد ده عضو فعال فنشيط فمتميز وكل ده ممكن يتم بكلمه واحده... المشرف القدوه مش بيبقي بحذف اكبر كم من المواضيع المخالفه أو المشاركات المكروهه... |
وياريت حضرتك متزعلش من كلامي ده....واختلاف الرأي لايفسد للود قضيه.... وانا عارف ان حضرتك عايز تفيد المنتدي بأقتراحاتك ومواضيعك....وربنا يوفقك يااستاذنا الجميل
|
اقتباس:
السلام عليك جميل بجد الكلام ده يااااااه اخيرا لقيت حد بيبص من نفس وجهة نظري بجد انا مبسوط جدا |
جميل جدا رأيك
لكن أنا دلوقتي ماشوفتش غير رأيين فقط فين باقي آراء الإداريين والمشرفين علشان ناخد قرار ــ وبعدين أنتما أبديتما رأيكما في جانب واحد ... طيب فين رأيكم في طلب الـتآلف والتعارف الجاد بين الإداريين ، وفين توزيع المهام بين الإدرايين ؟؟ أرجو ممن يدخل يدلي برأيه ــ أن يكون رأيه شاملا لكل جوانب الموضوع . وفعلا .. شر البلية ما يضحك ........ حاجه تخنق بجد .. شوف حضرتك الموضوع دا ــ كام مشاهدة وكام رد .. هتلاقي حاجه وتمانين مشاهدة والردود لم تصل إلى 15 ــــــ يعني كل المشرفين والإدرايين اللي دخلوا .. ماحدش فيهم فكر يشارك برأيه منتهى السسسسسسسسسسسسسسلبية والله |
اتفق معك استا محمد في كل ما قلته وان هذا المنتدي العريق يحتاج الي تضافر جهود الجميع للنهوض به اكثر من ذلك والاهم هو روح الفريق التي غابت عنا طيله الفتره الماضيه لاننا كلنا معنيين بهدف واحد مهما اختلفنا وهو الرقي بهذا الصرح الكبير وتحويله الي مناره علم ومعرفه والتنسيق الاداري اول خطوات النجاح فلابد من تحديد المام وعلي الجميع الالتزام بها وفقا لتدرج معين ولا ينبغي لاحد ان يتخطي الاخر وليكن كل مشرفي المنتدي علي معرفه بعضهم البعض من خلال البريد الالكتروني او رقم الهاتف المحمول من اجل التنسيق بينهم والتحرك بسرعها اذا حدثت مشكله لا قدر الله
وينبغي ان يكون دور المشرف الاداري رقابي لا عقابي حتي لا تحدث في النففوس اي ضغائن ولتكن السلطه العقابيه لاي مخالفه في يد مدير الموقع بنفسه او من ينوبه عنه حتي لا تتفاقم اي مشكله واي عضو يتجاوز ضد اي مشرف او مشرف اداري المنتدي لا يرغب في وجوده فلغه الاحترام هي لغتنا ولا نعرف غيرها واي حوار لا اخلاقي نرفضه ولن ننساق ورائه وما حدث في الاونه الاخيره من خلافات علينا ان نترفع عنها وما لمسته من اخي اسلام واخي بدوي واخي محمد وسيه روح جميله من التعاون مع كافه الاعضاء مما يدفعنهي الي ان اهمس في ازنهم بضروه التفاعل اكثر مع الاعضاء حتي يلمسوا بانفسهم ان المشرف الاداري ليس مجرد سيف مسلط علي رقابهم وانما اخ وصديق للجميع واتمني ان يكون لي شرف معرفه باقي اخواني المشرفين الاداريين لتبليغهم باي مخالفه وهم بدورهم سينقلون الصوره كامله للاداره بعيد عن اي مشاحنات ولي طلب اخير ان اي قسم به مخالفات لا ينبغي الاعلان عنها للجميع ولكن ينبغي ان يكون هناك تنبيه علي الخاص لاي مشرف حتي لا يبدوا الامر وكانه تجريح وسب وقذف في اسلوب عمله التطوعي جزانا الله واياكم الثواب لهذا العمل التطوعي والسلام عليكم ورحمه الله وبركاته |
طيب انا ليا سوال واحد وبعد كده هرد على جميع النقاط
ايه دور المشرف الادارى فى المنتدى :) مهو كده اتحيد يعنى مشرفين الاقسام لو فرضنه انهم موجودين وشغالين والحياة جميلة ومفيش اى مشكلة وهما اللى بيقومه بكل الدور انا عايز اسال الاستاذ اشرف السيد ايه هى مهام المشرف الادارى فى المنتدى ؟:romarioxp6: يعنى على اى اساس انا مشرف ادارى اعمل ايه |
أخي إسلام ..
إيه دور وكيل المدرسة ؟؟ وناظر المدرسة ؟؟ ومدير إدارة المردسة ؟؟ ومدير عام المدرسة ؟؟ في وجود مدرس قوي الشخصية في فصلة يقدر يحل كل مشاكل فصله دون إرهاق الإدارة إلا في الحالات القصوى .. أكيد للوكيل دور رقابي على المدرس ، والناظر ليه دور رقابي على الوكيل والمدرس ــ والمدير نفس الكلام .. بمعنى انت مثلا هتكون مسئول عن عشرة أقسام في المنتدى ... انت المسئول الوحيد فيهم مع الأستاذ عصام والأستاذ أشرف فقط .. يعني أنا مش هقدر اتدخل في قرار لك اتخذته في الأقسام اللي انت مسئول عنها .. انت حر .. واللي يحاسبك في قراراتك المديرين العامين فقط .. وأنا مااقدرش اتدخل في شغلك أبدا . ممكن أنصحك برسالة خاصة أو ناخد رأي بعض هنا في غرفة المديرين ــــــــــ لكن انت اخدت قرار في الأقسام اللي انت مسئول عنها ..... لا يراجعك أحد إلا المديران الكبيران فقط . وانت بقا بدورك هتنسق مع مشرفي الأقسام اللي انت مسئول عنها وتكونوا فريق عمل واحد منظم جدا . وهكذا مع باقي الإدرايين . هل يا سادة ... هذا الرأي فيه تحييد لدور إداري أو هضم لحقه ؟؟ أم هذا عملية تنظيم وتوزيع مهام ؟؟؟؟؟ أرجو المشاركة والإيجابية أيها السادة . |
| جميع الأوقات بتوقيت GMT +2. الساعة الآن 03:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.