|
اول يوم فى الجامعه
ذهبت مع اختى وشعرت اننى طفله صغيره وكأن هذا اول يوم اخرج فيه من بيتى.
وحينما دخلنا من باب الجامعه مشينا قليلا وبعدها وقفت مكانى وظللت انظر حولى ورايت وجوه كثيره اردت ان اصاحب الكثير من الناس ولكنى لم اجد من ابحث عنهم وجدت فتيات يهتمون باشياء غير التى اهتم بها تماما يوجد فتيات تفكيرهم سطحى جدااااا واخريات عاقلات ومحترمات ولكن هذا النوع لم اجد منه الكثير قلت فى نفسى هل سوف تكون ايامى هنا ممله ام ماذا !!!!!!!! وبعدما انتهيت من محاضراتى ذهبت الى اختى ورايت اصدقائها واعطو لى امل جديد باننى فى يوم من الايام سوف اجد اصدقاء مثلهم. شعرت وانا داخل الجامعه باننى فى عالم اخر غير الذى كنت فيه عالم لم ادركه من قبل,ولكن بالرغم من كل هذا اعجبت بهذا العالم كثيرا وقررت اننى سوف اذهب دائما حتى ولو لم يكن عندى اصدقاء يكفينى النظر الى الحدائق التى توجد داخل جامعتى,منظرها يجعلنى اذهب لعالم اخر بعيد ولكنى احببته جداااا واردت ان اعيش فيه دائما. وربما سوف يتغير حالى قريبا واجد اصدقاء يجعلونى اتشوق الى الذهاب للجامعه كل يوم مثلما تحب اختى الذهاب للجامعه لرؤية اصدقائها وقضاء اوقات جميله معهم. ده اللى حصلى اول يوم لما رحت الجامعه. ياترى كل واحد ايه كان شعوره لما راح اول يوم الجامعه؟ يارب يكون الموضوع عجبكم وماكنش خلتكم تملو منى.. |
انا كان نفسى الاقى حد فى المدرج معايا عضو فى المنتدى ده.
كل ما اسأل حد على المنتدى ده,يقولى ثانويه عامه تانى...ويضحك والله لو يعرفو المنتدى ده مستحيل يسيبوه |
اقتباس:
لانى كنت خارج من جو الثانويه العامه فعلشان جده حبيت جو الكليات ويمكن ده علشان كنت زهقان من الثانويه العامه والمذاكره وكده والحمد لله اتصاحبت على جماعه فى الكليه بصرف النظر عن بنات او صبيان بس جدعان قوى وحبونى وحبيتهم بس شكرااا لكى ع الموضوع الجميل |
أول يوم في الجامعة كان بالنسبة ليا لذيذ اوي لأني انا أصلا داخل الكلية مصاحب جاهز ودا بحكم تربيتي في استاد بورسعيد الرياضي فكان معايا أصحاب كتير من اللي في نادي معايا في الجامعة .. وكنت داخل جاهز وبكون اسرة في الكلية كان اسمها اسرة دهب .. وبصراحة كنت واد زي العسل فاتح صدري لابس شيك عامل بنكي في شعري كانت الموضة في التسعينات ولا كان فيه سبيكي ولا حاجة .. بس دايماً انا كنت سابق سني وكان تفكيري كبير .. مش بشكر في نفسي والله بدليل اني خطبت من تانية كلية اللي مراتي دلوقتي وعندنا 3 أولاد محمد ويوسف ومنة .. والحمد لله .. عشت الكلية بالطول والعرض بس اللي حجم مساحة الغلط عندي الأنشطة اللي كنت بشترك فيها الإلقاء والمسرح والرحلات وكمان حبي الجاد وخطوبتي من زميلتي معايا في نفس الدفعة .. مع إني ... كنت دلوعة اوي وماما الله يرحمها ولا ماما نونا في زمانها .. بس الحمد لله مكنتش حمادة عزو .. لا كنت بشتغل وأكون نفسي والحمد لله .. دلوقتي انا مدرس يملى العين ... هههههههه وبشتغل كمان في الأعمال الحرة والحمد لله أنا كاتب زجل عن حياة الجامعة اسمه (قص ولزق) هعرضه في الإبداعات ويارب يعجبك ويوفقك في الكلية .. يارب |
اقتباس:
وربنا يخليلك اولادك. وبجد اسعدنى مرور حضرتك وبصراحه مكنتش متخيله انك هتدخل الموضوع بس نورته |
انا اول يوم زى اخر ايوم كل ما اروح اضرد مش عارف ليه
|
اقتباس:
|
اقتباس:
ربنا معانا جميعا |
اقتباس:
بس انت فين من فتره؟انا بحاول الائيلك موضوع مش عارفه انت بتنزل موضوعاتك فى انهو قسم دلوقتى؟ |
تلقائية وواقعية ترصدين حركة المجتمع من حولك ، وفى نفس الوقت رومانسية تحلقين فى عالم الخيال فى قالب قصصى نثرىمطعم بالعامية
|
اقتباس:
ياترى انت بقى عملت ايه اول يوم؟ |
أول يوم في الجامعة
دخلت فاتح صدري عايز أعرف كل شئ في أقل وقت أنضممت لأسر كتير حتى أستقر الرأي على الجوالة عشت واشتركت في كل الرحلات كنت عايز أسقط في السنة الأولى بس ما عرفتش وطلعت بتقدير جيد جدا والخامس ع الدفعة في الآخر كنت باشتغل في الخارج في الأجازات شاركت زملائي في كل تجاربهم واتعلمت منهم يا ريت يرجع من حياة الجامعة ولو يوم !! عمو ......... كابتن عز ،، |
اقتباس:
انا شايفه ان الجامعه حلوه اوى وربنا يوفقنا جميعا. بجد نورت الموضوع |
اول يوم ليه فى الكلية
كنت تايهة لان دفعتنا اكبر دفعة وكنا اول ما دخلنا اخدنا فى علوم قبل مانروح بيطرى كنت محتارة وتايهة اصل عرفت واحدة من المنصورة معايا فى بنها لكن من اول يوم ما ارتحتش لها نهائى لان طبعها متعودتش عليه ولا اقدر اغير مبادئ لو حصل ايه بس فى مبنى كليتى حوالى فى اول اسبوع عرفت ناس اللى هم اصحابى دلوقتى وانا بجد بحب الجامعة بس يا خسارة معتشى ليه فيها غير سنتين |
اقتباس:
وعندك حق انك تسيبى حد لو كان مختلف عن مبادئك بس فضلتى فيها سنتين بس ليه؟؟؟؟؟؟؟ وبجد نورتى الموضوع |
| جميع الأوقات بتوقيت GMT +2. الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.