الجودة الشاملة والاعتماد التربوى
 

الى كل الزملاء الذين يريون معرفة كل شئ عن الجودة الشاملة والاعتماد التربوي وايضا الملفات المطلوبة والخطوات المطلوبة لتقديم اى مدرسة للاعتماد التربوى

بمشيئة الله ساقوم بعرض الموضوع فى حلقات حتى تعم الاستفادة

واتمنى من الله العلى القدير ان يوفقنى فى هذا الموضوع الهام وقد بدات من اليوم فى عرض الموضوع


اضغط على هذا الرابط للدخول فى الموضع

http://www.thanwya.com/vb/showthread.php?t=79250

هل فعلا أن مدرس مشرف المادة هو الذى سيضع امتحان الترم فى الصف الاول الاعدادى؟

اخى الفاضل

كل ما يتردد هى اجتهادات شخصية من البعض وانت تعرف ان وزارتنا كل يوم فى حال ولا يعلم احد ما تفكر فيه الوزارة

انا فى راى ان الجودة الشاملة لم ترى النور في مصر عدة ملفات والمدرس مش عارف يعمل اية ولا المشرفين على الجودة انا اعرف ان هناك مدرسين مش غاويين التدريس عايزين يشتغلو اى حاجة الا التدريس اتحيل عليهم واخذوة مشرف فى الجودة كل ما فى الامر انة يسافر المدرية يقعدمع المسؤل ويرجع يقلق عايزين نعمل ملف وفية مش عارف اية وبعد كدة يساف ويرجع يقلك لقة هم قالو لنا نعمل مش عارف اية وهكذا محدش عارف حاجة خالص اين عملية التقييم من واحد مش عارف حاجة فى حاجة كل دة بسبب (الجودة الشاملة)

يا جماعة طول النهار المدرسين شايلين الملفات على سدرهم وسايبين الحصص وبيدورو على مكان فاضى علشان يخلص الملفات قال اية عندهم تفتيش قال اية فية لجنة من الوزارة قال اية فية متابعة قال اية جاية هيئة الابنية قال اية التقرير مطلوب بكرة دة كلام يعقل مفيش تدريس مفيش عملية تعليمية الوزارة بدور على الجودة الشاملة بعد المدرسة ما فقدت مكانتها الدراسة تبدا فى شهر 9 تخلص فى شهر 10 وبعد الاجازة محدش بيروح المدرسة خالص بحجة انة قاعد علشان الامتحانات قربت عايز يلم نفسة تصور مدارس الابتدائى الفصل فية 70 طالب وفية جودة شاملة قال والمدرس يقدر يعمل 3 تقيمات للطالب الواحد

بخصو ص الجوده العيب يقتصر على القائمين على تلك المشروع مش قادرين يوصلوا ( ماهى الجوده - وماهى خطوات العمل بالجوده - وما تستفيده العملية التعليمية من الجوده ) لان معظم القائمين على المشروع وصلوا بالواسطه وبيدورا على المكاسب الماديه وفرحانين بالشنطه كل يوم بيزور مدرسه
لك الله يامصر

و الله يا جماعة الناس اللي بييجوا عشان يساعدوا من الوزارة كتر خيرهم عايزين يساعدونا بس الوقت مضغوط و على حساب الطالب اللي مبسوط من اللعبة اللي مخففة قبضة المدرسة عليه لإن محدش فاضي له عشان ملفات الجودة لاهية الكل

بصراحة انا تعبت خالص من الجودة ومن ملفات الجودة وخاصة من المجا ل الثامن المنهج المدرسى ونفسى ارتاح مافيش حد يفدنى وشككككككككككررررررررررررااااااااااا

شكرا جزيلا علي الموضوع

الجودة ماهى؟
 

الإخوة الأفاضل شرف لمثلى أن يتواجد بين عمالقة التعليم فى مصر (أحسبكم كذلك ولا أزكيكم على الله)
وقد تابعت بشغف حديثكم عن الجودة واسمحوا لى أن اضيف رأيا متواضعا حيث تم اعتماد مدرستى حديثا
والله يا إخوانى إن الجودة هى حلم سعينا إليه طويلا فمن يكره أن يتلقى أبناؤه تعليما جيدا ولكن المرء عدو مايجهله ولا أقصد الإساءة وإنما نحن أيضا قد حاربنا الجودة فى بدايتها بكل ما أوتينا من قوة حتى وصل إلينا المفهوم الحقيقى للجودة وهو السعى إلى التحسين وتغيير أساليب تدريس عفا عليها الزمن وتغيير صورة المعلم والطالب وهذه ليست شعارات جوفاء بل تحولت بفضل الله إلى واقع وقد لمسنا تغييرا فى فكر المعلم والطالب على حد سواء
الجودة ليست أوراقا نحملها بل تخطيط يجب ان يتحول إلى واقع وهذه الملفات يتم تنفيذها مرة واحدة فقط وهى المرحلة التى نجدها جميعا صعبة بل شديدة الصعوبة وبعد ذلك يتم بعض التعديلات البسيطة فقط
وفق الله الجميع
أخوكم حمدى

مشكووووووووووور

الاخ الفاضل كاتب الموضوع شكرا لك وجزاك الله كل الخير الموضوع المتعلق بالجودة كلنا بلا منازع نرغب فيه وخاصة لتدنى المستوى الخلقى قبل العلمى نحن نتدرب الان أملا فى فهم المرجو من هذا كله داعين الله ان يرزقنا الفهم والاستيعاب لما هو مطلوب فى ظل النصاب من الحصص والتدريب والاشراف الرجامن المسئولين مراعاة ذلك بالمعلم المصرى لسه بخير فهو معطاء ومبتكر لو اعطى له المناخ المناسب للعمل