|
عبارااااااااااااااااااات محروقه
اهلا يا جماعه يا رب ما يكونش الموضوع ده مكرر باختصار فى الموضوع كده احنا بنسمع كلمات كتير شايعه فى بلدنا مش عاوز اقول هى امثال بس تقريبا كلنا عارفينها وبنسمعها كتير فيه عبارات منها نفسى امسحها من الاطلس انفيها من الوجود امحيها من التاريخ (القانون لا يحمى المغفلين) ببساطه كده احنا بنسمع الكلمه دى دايما من مين وامتى وفين اقولكم انا احنا بنسمعها من الظابط فى القسم لما يكون واحد قدامه قاعد وحصلت عليه عمليه نصب والراجل جاى ياخدحقه بالقانون وعلشان سياده الباشا مش عارف يجيب للراجل حقه ومش عاوزيظهر بالعجز قدامه فيروح قايله (القانون لا يحمى المغفلين) طيب انا نفسى افهم هو ازاى مغفل يعنى الراجل انضحك عليه يا جماعه رجعوله حقه والا كده يبقى كل واحد اتنصب عليه واتاخد منه ارضه او فلوسه نقوله انت مغفل بذمتك ده مش كلام يحرق الدم دا انت غريب قوى ده بعدكده بقى ممكن واحد يروح للظابط يقوله حضرتك انا اتسرقت او اتنشلت وانا فى الاتوبيس يقوله القانون لا يحمى المغفلين انت ليه ما بتأمنش على محفظتك يا مغفل كل 3 دقايق ولا واحد يقوله يا حضره الظابط انا فيه واحد فتحلى دماغى يروح قايله القانون لا يحمى المغفلين انت ليه يا مغفل بتتخانق مع واحد طالما انت مش قده ولا واحده تقوله حضرتكانا فيه شبان اتهجموا عليا واتحرشوا بيا يروح قايلها القانون لا يحمى المغفلين وانتى ليه يا مغفله بتمشى لوحدك فى الشارع واحسنلنا احنا بقى من الاخر كده ما نروحش للقسم علشان حدش يقولنا يا مغفلين وناخد حقنا بدراعنا احسن وبدل ما يبقى شعار الشرطه فى خدمه الشعب يبقى شعارهم (القانون لا يحمى المغفلين) |
|
انا شايف انه مش صح اصلا
القانون المفروض يحمى الكل |
هو اللي مفروض يقال (الجميع تحت سيادة القانون)
لكن أحيانا في مواقف بتحصل بينطبق عليها المثل ده |
ممكن مثال؟
|
اولا يا بيوب انت بجد مواضيعك كلها جميلة وانت من الناس اللى بحب دايما اتابع موضوعاتهم
المهم فى كلام كتير من اللى انت قلته انا معاك فيه بس بردو فى حاجات مينفعش فيها القانون انه يجيبلك حقك وفى الحالة دى يبقى انت اللى غلطان يعنى مثلا شخص يروح يودى فلوسه كلها لانسان مش موثوق فيه علشان يشغلهاله ويديله ارباح كبيرة ويسيب البنوك كلها واللى مضمونة وفى الاخر الانسان ده يسافر بره والشخص ده بقى يروح يشتكى ويقول اضحك عليا ومعنيش ضمانات على الشخص ده ورجعولى حقى ده مثال يعنى طيب ده القانون يساعده ازاى حتى لو الشخص ده اثبت ان الانسان ده اخد منه فلوس عشان يشغلها مثلا بس الانسان ده كان سافر بره يبقى القانون هيجيبله حقه ازاى انا عارف هتقولى العدل والقانون فوق الجميع والكلام ده كله بس القانون ليه الواقع والادلة لانه ليه حدود ومش بيتعامل بالنية ومينفعش اصلا بس ده بردو ميمنعش ان فى ناس حقها بيروح بجد وهى ملهاش ايد فى ده والكلام ده فى كل حته فى الدنيا والناس دى اللى فعلا مينفعش يتقالها القانون لا يحمى المغفلين ياريت تكونوا فهمتوا معنى كلامى صح انا اقصد ان كل واحد يعمل احتياطه ومش يثق باى حد بسهولة ويحاول يبعد نفسه عن المشاكل والشبهات بقدر الامكان عشان ميتقالوش القانون لا يحمى المغفلين ولو عمل اللى عليه وبردو حقه راح لاى سبب كان يبقى يعرف انه اذا كان حقه راح فى الدنيا ربنا مش هيضيع حقه فى الاخره وشكرااا على الموضوع |
حيرتك معايا
أنا أقصد إن القانون لا يحمي المغفلين لكن أحياانا المجرمين بيحموا المغفل فوقتها يبقى صح فهمت حاجه |
فعلا دى حاجة تحرق الدم
خلاص مبقاش فى أمان فى البلد ومين قال الشرطة فى خدمة الشعب ده كان زمان:bosyht9: دلوقتى بقت الشعب فى خدمة الشرطة:078111rg3::078111rg3: |
اقتباس:
بس احنادلوقتى فى الدنيا وعاوزين الناس اللى فى الدنيا تشوف شغلها ما كدهكده ربنا هيرجع الحقوق لصحابها |
اقتباس:
|
اقتباس:
هه واللى ليه شوق فى حاجه يجيلى احان بصراحه جامدين قوى:stickjo4: ماتخافيش يا سويت خليكى انتى ورايا ومالكيش دعوه |
والله عندك حق حاجة تحرق الدم فعلا
|
هما لحقوا يغيروها ؟؟
مش لسه متغيرة من فترة بعد ما كانت الشرطة فى خدمة الشعب بقت الشرطة والشعب فى خدمة الوطن دلوقتى بقت الشعب فى خدمة الشرطة ؟؟ يلا ما علينا المهم بالنوسبة للموضوع فعلا أحيانا فى أوقات مينفعش فيها غير إنك تقول للبنى أدم اللى قدامك " القانون لا يحمى المغفلين" مفيش معاك أى حاجه تثبت إن ليك حق عند الراجل اللى نصب عليك يبقى إنت حاجه من اتنين يا كداب وملكش حقوق عند الراجل يا مغفل واضحك عليك وساعتها طول ما هو مفيش طريقة تثبت بيها حقك يبقى خلاص أنا معاك إن مفروض إن الشرطة هى اللى تحاول تثبت الحق ده بس المشكلة فى حاجه انت ممكن تقول لك حق عندى وانا ممكن أقول مكلش عندى حاجه الشرطة تعرف منين مين فينا الصادق ومين فين الكداب إذا كنت أنت معندكش حاجه تثبت إن ليك حق عندى |
ملحوظة :
دى عبارة واحدة فين باقى العبارات |
يا جماعة ده شربة مش .........................
اكمل علشان انا خايف من الشربة احسن اتلسع:abdoog8:او :stickjo4:او :slap1qk6:او....................الخ:078111rg3: |
| جميع الأوقات بتوقيت GMT +2. الساعة الآن 11:06 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.