|
هنا توضع جميع الاستفسارات عن الجداول والمحاضرات
بسم الله الرحمن الرحيم ازيكم يا دكاترة المستقبل؟؟ بصوا يا جماعة عاوزاكم تركزوا كويس في الموضوع دا عشان هو مهم واتمنى من كل قلبي تحاولوا على قد ما تقدروا تمشوا معايا على النقاط الي هذكرها هحط ان شاء الله الافكار الي وصلت ليها على شكل نقاط ... اولا: هنا يتم وضع أي استفسار عن الجداول والمحاضرات ومواعيد السكاشن وغير ذلك من الاستفسارات ودا طبعا لجميع كليات الطب في مصر ثانيا: يمنع عمل موضوع منفصل عن الموضوع دا لتنزيل جدول او موضوع استفسار .. ولو دا حصل انا هكون آسفة اني هحذف الموضوع .. او هآخد من الاستفسار كوبي واحطه هنا في الموضوع دا .. ودا بمساعدة المشرف الي معايا في القسم ثالثا: ومش عاوزة حد يستغرب من الفكرة دي .. الفكرة دي هتكون رد على الي هيقولوا كدا الجامعات هتدخل في بعضها وهتبقى مشكلة ... .. ان شاء الله كل جامعة هتختار لون ليها هتكتب بيه الاستفسار والردود في الموضوع دا بحيث يسهل على كل طالب انه يعرف الردود والاستفسارات الي تخض جامعته وسريعا مثال جامعة القاهرة مثلا يكون ليها اللون الاحمر تكتب بيه جميع الردود والاستفسارات .. جامعة عين شمس اللون الازرق مثلا ... وهكذا اكيد هيكون في اعضاء جديدة هتحط استفساراتها بالاسود من غير ما يآخدوا بالهم وانا ان شاء الله هكون مسئولة عن تعديل اللون حسب كل جامعة لما حد ينسى يكتب باللون الخاص بجامعته ... معلش يا جماعة حاولوا تتفهموا النقطة دي لاني عملتها مخصوص عشان المواضيع الكتيرة الي ملت القسم .. وكلها للاسف مواضيع تعارف .. وبالتالي عاوزة كل واحد لما يدخل يوضح هو جامعة ايه عشان لو في تعديل في اللون ولا حاجة .. عموما هو بيبقى واضح من السؤال او الاستفسار يعني كل جامعة تختار اللون الي هي عوزاه .. ولو لقيت انه مش فارق كله واحد هبدأ انا اختار الألوان وأقولكم عليها ان شاء الله رابعا : ممنوع منعا باااااتاً وضع ميلات او ارقام موبايلات .... او ردود خارج نطاق الدراسة والرد هيكون مصيره الحذف ... او وضع اي لينكات لمواقع ومنتديات اخرى .. الا المواقع الي هي تعتبر مرجع ليكم .. لكن منتديات او جروبات او اي حاجة زي كدا .. هيكون مصيرها الحذف فورا ولو اي عضو كرر الموضوع دا اكتر من مرة هيكون مصيره الوقف .. واسفة اني بقول كدا خامسا: اتمنى بجد انكم تساعدوني في تنفيذ هذه الافكار ان شاء الله ... عشان كل واحد فينا يرتاح ومش يحصل مشاكل وشد بين المشرفين والاعضاء .. ياريت بقى الكل يدخل على اللينك دا ... هو موجود اساسا في كل قسم بس واضح ان مش في الا عدد قليل عدى عليه ... دمتم في رعاية الله وسنة دراسية سعيدة على الجميع ان شاء الله |
كالعادة عدد المشاهدات 8 تقريبا الله اعلم ممكن يكون فيهم ناس مش في القطاع الطبي
عموما انا منتظرة ان كل كلية تختار اللون بتاعها الي هتكتب بيه وياريت نكون جد شوية الله يكرمكم في الحكاية دي ... لاني مش بهزر ... والي شايف اني بهزر .. يدخل يشوف الركن الجامعي فيه كام قسم والمسئولية الي عليا والي على المشرفين الي معايا ولو فضل متابع هيشوف كمية المخالفات الي الواحد عمال يحذف فيها لو سمحتم يا جماعة يكون في تعاون شوية |
اقتباس:
معلش انا هختلف معاكى فى النقطه دى يعنى كل جامعه عامله موضوع كبير ليها بنتناقش فيها مش معقول هنسيب مواضعينا ونيجى فى الموضوع ده نلاقى كوكتيل الوان بالعكس دى كده الموضوع هيبقى شات اكتر من الاول وحاجات كتير بره الموضوع وبعدين القسم ما شاء الله عليه 2 مشرفين غير حضرتك مش معقول كل دول مش هيقدروا يتابعوا الموضوعات اللى شغاله ده غير انى لا يمكن ابدا ابدا اتنازل عن اللون البينك بتاعى لو مصممين على الفكره دى يبقى تخلوا صيدله اسكندريه باللون ده |
طب حضرتك مخدتيش ليه رأيي في الموصوع ده
برضه مركزه مع القسم الوحيد اللي 2 مشرفين (مش كنا اتفقنا امبارح) ورأي الدكتورة جولييت مظبوط تماما ومش معقول حتسيبي كل الاقسام التانية عشان تعدلي الوان المشاركات هنا ياريت تسيبيني بجد انظم القسم ده وانا ان شاء الله احط القوانين بتاعته انما مينفعش كل الاستفسارات بتاعت 11 كلية صيدلة و15 طب و7 اسنان وعلاج طبيعي غير فوق ال10 بيطري يبقوا في موضوع واحد فكرتيني بقسم اقتراحات وحلول لما تقفل |
على فكرة القسم ده بتاع كليات الصيدلة والبيطري والبشري والاسنان والعلاج الطبيعي
يعني مش طب بس ولا كلية واحدة بس ولاجامعة بس |
يا نهار ابيض
ادخل على قسم تجارة وهندسة يا احمد هتشوف نفس الموضوع لا حول ولا قوة الا بالله انا هضهطدكم يعن ؟؟ |
عموما اعتبروا الموضوع محذوف
وانا هسيب ليك القسم يا احمد نظمه براحتك خالص انا ان شاء الله هرتب الاقسام وهتنازل عن الاشراف كله غير كدا انا مش قفلت القسم وقلت كل حاجة تبقى هنا انا قلت استفسارات عن المحاضرات والجداول والحاجات دي مش حاجات الشرح بقى والمواضيع دي عموما انا بعتذر هيتم حذف الموضوع فورا |
اقتباس:
شوفتي قولتي ايه تجارة وهندسة يعني كل قسم من دول كلية واحدة مش 5 كليات مع بعض يعني لما اخلي 40 كلية الطلاب بتوعهم يكتبوا في موضوع واحد باختلاف المواد والاقسام والمجموعات وحاجات كتير ... عارفه كده بتفكريني بقسم اقتلراحات لما قفلوه وحطوا بدل منه مواضيع مثبتة .. اختصارا..انا مش موافق على الموضوع ده فيه ملتقى لكل جامعة اللي عايز يسال يسال فيه واللي يعمل موضوع بره يبقى يدمج فيه ... احمد مشرف قسم كليات الطب البشري والطب البيطري وطب الاسنان والعلاج الطبيعي والصيدلة |
يا ستي واله انتي مشرفة زي الفل
والكل يشهد بكده بس لازم يبقى فيه مشاورة معايا في الحاجات اللي بتخص القسم بس كده |
ولا يهمك يا احمد
الموضوع محذوف انا اصلا مش بحب الحوارات الكتير وانت ادرى بالطب وانا حدودي الهندسة والحاسبات فقط على فكرة في حاجة اسمها رسائل خاصة تقدر تقول فيها كل الكلام دا يا احمد شكرا يا احمد يا مشرف قسم كليات الطب البشري والطب البيطري وطب الاسنان والعلاج الطبيعي والصيدلة |
| جميع الأوقات بتوقيت GMT +2. الساعة الآن 06:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.