من أسيوط وحتى أسوان
 

اهلا بابناء وبنات جامعة الازهر ساحاول مساعدتكم قدر المستطاع اسئل او اسئلى فى كل مشاكلكم وساجيب عليكم

اهلا بمشاكلكم ستحل باذن الله
 

وقفت متفرج على مدار شهر كامل يوميا اطالع افكاركم ومستقبل جامعة الازهر فيكم ومع ما ترونه فى انفسكم الا انى ارى فيكم خامات طيبة لو وجدت من يساعدها وتوفرت لكم امكنيات التفوق لذا ساساعدكم قدر استطاعتى وريما تفاجأ او تفاجئين بى فى احدى المحاضرات لتعلموا انه ليس للدكتور كرسى عاجى يجلس فوقه فى برجه العالى وانما انتم من نبحث عنهم ونرى فيهم مستقبل الازهر السلام عليكم

انتظر ردودكم السلام عليكم

أهلا بيك يا دكتور وليد والله ده شرف كبير إحنا مش أده

وبحيى حضرتك على عنوان التوبيك

أد ايه جميل ومعبر ومناسب

شكرا سيد واتمنى لك التوفيق

ممكن اعرف هو الازهر لية عندة تخلف فى التفكير ( انا اسف)
هذا ما اراة من تطويل فى اعلان النتائج وبالذات التنسيق وتعقيد فى الاجراءات وغيرة وغيرة

احمد اخالفك الرأى الازهر مش متخلف وانما هو كاى جامعة اخرى يقوم على اكتاف ابنائه لذا نحن المطالبون بالنهوض بالازهر عن طريق النهوض بانفسنا اولا فالازهر يتكون منى ومنك ومن باقى المنتمين اليه هذا من ناحية ومن ناحية اخرى مشاكل الازهر كمؤسسة تعليمية ينطبق عليها ما تعانيه كل المؤسسات التعليمية المصرية من ضعف ناتج - فى رايى- عن شيئين الاول ضعف الامكنيات المادية والثانى عدم وجود تخطيط سليم يطبق على المدى البعيد وانما كل من ياتى يلغى افكار من قبله بخيرها ومرها ويبدأ فى الاجتهاد حسب قدراته هذا بالنسبة للازهر كمؤسسة اما جامعة الازهر فهى تضم اكثر من 70 كلية لذا نراها مترهلة مثقلة بالاعباء مركزية فى القرارات والحل الواجب التنفيذ باسرع مايمكن هو تقسيمها الى ثلاث جامعات ازهرية جامعة الازهرفى الدلتا وجامعة الازهر فى القاهرة وجامعة الازهر فى اسيوط والكل يتبع فى النهاية مشيخة الازهر هذه بعض تصورات وكلما تعمقت فى الجامعة ستكتشف المزيد

أغبى مؤسسة فى مصر وأكبر منظومة متخلفة هى الازهر
بصوا بقا أنا من حقى أشتم فى الازهر واتنرفز من غير ما حد يزعل منى لان اللى شفته منه مش شوية وربنا ينتقم من اللى ظلمونى واحد واحد من أول شي الازهر لحد ابن اللذين اللى امتحنى شفوى وخرب بيتى ربنا يخرب بيته ااااااااااااااااااميييييييييييييييييييين

انت لسة فاكر ايام الامتحانات خلينا دلوقتى فى الجامعة وبلاويها حتى اليوم 13اكتوبر 2008 لم يصل اوراقنا الى كلية علوم ولسة مش عارف انا هخش اى قسم ولسة المحاضرات مشتغلتش

وعك عك السنة هتفك وان شاء الله نعرف احنا فى قسم اية الترم التانى ونقدم طلبات المدينة الجامعية يوم الثلاثاء بعد صلاة الجمعة ان شاء الله


اسف على الازعاج

بالنسية للعندليب مش هقولك كتير لكن لازم تفرق بين الازهر المؤسسة التى نتشرف بالانتساب اليها وبين موظفيه ايا ما كانوا فالازهر تاريخه وامجاده السابقة والحالية اكبر من ان اختصرها فى اى كم من صفحات وبصدق يا اخى ستجد فى كليتك من تتمنى ان تكون مثلهم علما ودينا كما ستجد ايضا من لا يعجبوك فميزة الازهر ان كثيرا من جوهره لايزال بخير بعكس الاخرين فهم مظهر خارجى فقط وسأترك الايام تثبت لك اما ماتتحدث عنه من ظلم فهو ليس كذلك فانت تريد وانا اريد والله يفعل ما يريد وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون

اما احمد فاروق فعندك حقك فيما تقول لكن هقلك شيئ بسيط انا النهارده كان عندى محاضرة فى الفرقة الثالثة وصحيت الفجر ووصلت الكلية فى معاد المحاضرة وافاجأ بانه لم يحضر الطلبة حتى الان منذ بداية الدراسة هذا عكس ما تشكوا منه انت واحب الفت نظر الجميع الى خبرين عرفتهما اليوم ومن يراجع مشاركتى السابعة فى هذا الموضوع يجد اقتراحاتى فيه تحمل نفس المضمون الاول يجرى النظر فى تقسيم جامعة الازهر الى جامعة للكليات العلمية واخرى للشرعية والثانى تقرر زيادة ميزانية جامعة الازهر بنسبة عشرة ملايين جنيه سنويا

مش أنا انت لوحدك يا أحمد
أنا كمان نفس النظام فى اللغات والترجمة الفورية

احنا كده كده ضايعين
ربنا ينتقم من الكفره
فى رعايه الله

الازهرية ردك غاية فى التناقض مع التوقيع ( وما نيل المطالب بالتمنى - ولكن تؤخذ الدنيا غلابا)

نعم مع حضرتك حق نيل المطالب ليست بالتمنى
ومش بالاجتهاد والكفاح برده (ده طبعا فى الازهر بس )
لكن بالغش البلطجة وقلة الادب ممكن
ما احنا طول السنة بنذكر ونحلم باليوم اللى حندخل فيه الهندسة ونقول نتعب دلوقتى بكرة الازهر يدينا وفى الاخر احت الهندسة على نصف درجة فى حين ان السادة المحترمين أخدوا منى سبع درجات فى شفوى القرأن والحديث ده أنا ما عملتهاش فى الفيزياء ورياضة اتنين واللى زاد وغطى لما أضيع فى كل مادة شرعية وعربية درجة ومعرفش ضاعت فى ايه

وبعد ده كله اترمينا فى اللغات والترجمة الفورية عنى أخرتها مدرس انجليزى مغمور وبالحصة وسلملى على تكافؤ الفرص والجد ولاجتهاد ومن جد وجد ومن زرع حصد
لانها مش كده من جد خاب خبيتى ومن زرع الازهر حصد