|
ممكن افهم ايه السبب ؟
اولا السلام عليكم كان فيه موضوع فى القسم الى انا المفروض مشرف عليه اسمه مين هنا حقوق قاهرة النهارده بشوفه ملقتوش ولقيت حد مسحه واظاهر انه مسح نهائى طب الى مسحه مين وايه السبب مع ان الموضوع بقاله شهرين تقريبا والمفروض اصلا ان انا مشرف القسم يقوم يجى مشرف ادارى ويمسح موضوع من القسم من غير سبب او من غير حتى انه يبلغنى طب دا انا كدا مليش لزمه وملوش لزمه الاشراف ياريت الى حذف الموضوع يقول السبب |
|
مالها المشرفة الجديدة يا احمد ؟؟؟
المشرفة الجديدة بتطلب انها ترجع تاني على حاسبات وبس وياريت كمان بلاش حاسبات هيكون افضل اقراوا كدا القوانين كويس هتلاقوا ممنوع مواضيع التعارف ودي اسلام كاتبها بنفسه والله طالما انا بشتغل من دماغي يبقى انا بطلب من الادارة ومن استاذ اشرف الي انا رفضت واعتذرت ليه من الاول انه يرجعني تاني الله يكرمكم انا مش ناقصة مشاكل بجد كفاية الي انا فيه والي انا شيفاه وانت يا احمد صراحة زودتها جامد معايا وانا مش هقدر استحمل كدا بجد محسسني اني ماشية كدا احذف مواضيع على كيفي وكل واحد فيكم يقولي انا المشرف هنا مش ليكي دعوة بقسمي هحط انا قوانين وانتي ركزي في الباقي دا على اي اساس يعني ؟؟؟ مش فاهمة عموما انا متأسفة للكل ياريت ارجع عضوة تاني او تتحذف عضويتي كمان هيكون افضل في رعاية الله |
http://thanwya.com/vb/showthread.php?t=61497
لينك الموضوع بتاع حقوق القاهرة اهو ادخل عليه يا اسلام وقولي الله يكرمك دا موضوع تعارف ولا انا بتهيألي بيتكلموا فيه على حاجة تخص الدراسة ولا لأ والله العظيم انا اتخنقت بجد اتخنقت اوي اوي ومش هقدر استحمل ياريت الادارة تنزلي مشرفة الحاسبات وبس تاني لا لا عضوة عادية كمان في رعاية الله |
يعني حتى مش في اي احترام لمشاعري
كل واحد يقول انا المشرف هنا يعني انا مش ليا لازمة ... انتي ايه دخلك من الآخر .. والي يقولي ليه حضرتك مركزة على القسم الطبي وسايبة الباقي زي ما يكون بيني وبينهم ثأر مثلا ولا حاجة ويرجع يقولي أحمد مشرف كليات الطب وطب الاسنان والصيدلة والعلاج الطبيعي والبيطري مش قادرة افهم دا كله معناه ايه وبعد يا محمد انت بتقول القسم الي انا المفروض المشرف عليه طالما بقى هنتكلم بالمبدا دا عاوزة أقولك ان في مواضيع المفروض تكون محذوفة من زمان ومواضيع عن التنسيق ومواضيع خلاص انتهى من زمان الكلام فيها مش شايفة يعني انك حذفتها من القسم .... مش انت المشرف ؟؟؟ في جميع الأحوال زي ما قلت مش هقدر انا استحمل صراحة دا كله انا ارجع بكرامتي تاني مشرفة على حاسبات او عضوة عادية ..................... وياريت يعني تشوفوا حكاية الرسالة الي المفروض تروح للعضو لما مشرف يحذف الموضوع بتاعه لان النتيجة انهم بينزلوا موضوع جديد ويقول فين موضوعي لو سمحتم ولما بعت لصاحب الموضوع انا حذفته لانه تعارف ودا مخالف للقوانين يا اخي الكريم رجع بعتلي حسبي الله ونعم الوكيل زي ما اكون انا الي نزلت القوانين من دماغي بجد بجد انا مش قد التعب دا كله ومش قد المشاكل الي هتحصل وبعترف بكدا ... ومش عندي استعداد نفسيتي تتدمر بسبب مشاكل الاشراف .. اكتر ما هي مدمرة اساسا سلاااااااااااااام |
الموضوع فعلاً المفروض يتحذف هو ومواضيع كتير جدااااً وردود كتير جداااً فى أقسام الجامعات ومش معنى إنى معظم مشرفين أقسام الجامعات شغالين غلط وسايبين الأقسام سداح مداح معتقدين إن هما كده فعلاً صح يبقى الصح لما يطبق خطأ المشرفه فعلاً عندها حق فى حذف الموضوع وياريت يا شباب ناخد بالنا إن معظم المواضيع المطروحه فى أقسام الجامعات بقت شات ومليانه إيملات وأرقام موبيلات فبدل ما ندافع عن الباطل وندور على أشياء من البدايه خطأ نشوف شغلنا أفضل وياريت بعد كده نلتزم شويه فى إسلوبنا فى الكلام مع بعض وبلاش الكلام اللى من تحت لتحت ده لإن إنتو مش أطفال وياريت كمان تعرف إن حضرتك مشرف على فرع فى قسم وإن فيه معاك مشرفه على القسم بالكامل ولها الحريه المطلقه داخل القسم بدام بتتصرف صح وحضرتك مورثتش القسم عشان تديره على مزاجك بالخطأ طبعاً ده فى حاله الخطأ لكن بدام إنت ماشى صح لكن بطريقه تانيه فكل شيخ وله طريقه لكن فى النهايه لا يصح إلا الصحيح وياريت المشرفه تتكرم بعد كده وتبلغنا بأى إسلوب خارج فى التعامل معاها من قبل أى مشرف |
اقتباس:
ربنا يكرمك يا محمد بجد ... مش عارفة أقولك ايه بجد جزاك الله خيرا وانا مش بقول اني مش بغلط اكيد بغلط وكلنا بشر وبنغلط بس انا شايفة اني مش غلطت في اني حذفت الموضوع بتاع محمد ولو هقعد ابعت لكل عضو انا حذفت الموضوع بتاعك مش هخلص ولا قسم من الاقسام الجامعية الي مليانة بجد مواضيع كتير مش ليها لازمة عموما انا لا زلت عند طلبي في اني أرجع تاني مشرفة على حاسبات في رعاية الله |
وانا من رأي محمد
وتم حذف الردود المستفزه والرجاء التزام الهدوء والتزام اسلوب احسن من كدا عشان محدش يزعل من حد :) |
اقتباس:
مش من أول مواجهه تقولى عاوز أرجع تانى بدام حطيتى رجلك فى الطريق يبقى لازم تكمليه وخصوصاً لما تبقى صح وداخله الدخله القويه دى وإحنا إن شاء الله كلنا معاكى لو إحتجتى أى حاجه لكن تنازل عن الإشراف ده أنا رافض |
يا همس كل الى قصدته ان انتى قبل متحذفى الموضوع المفروض ان المشرف الى هوا كوز الدره يعرف
وانا فاكر ان لما احمد رضا كنت بستشيره فى موضوع فى القسم وقالى انا هامسحه و قالى السبب وفهمنى السبب وانا اقتنعت بكلامه وهوا يقولكم الكلام دا اذا انتو مش واثقين فى كلامى لكن الى حصل انى صحيت لقيت رسايل مبعوتالى من اعضاء بتقولى موضوع الحقوق فين يعنى اخر من يعلم وموضوع التعارف الى فى المواضيع انا مش شايف ان فيه حاجه دا بيبقى تواصل اكتر بين الطلبة ومفش اى كلام خارج بيتقال انتو شايفين التعارف حرام يعنى واحد يقول للتانى انا حقوق القاهرة معاك اهو والتانى يرد عليه اكيد طبعا حرام ازاى يتكلموا كدا وشكرا لكل الى ردو بس معلش القى نظره على الاقسام الباقيه وبالتوفيق ديما |
اقتباس:
متشكرين يامحمد |
اقتباس:
ايه موضوع الورث ده...بصو علشان نبقي متفقين انا ليا نصيب فيه طبعا:d... ياجماعه خليكو فريش احنا في رحله .....وبلاش كل واحد يقف للتاني علي الواحده كدا....:( |
قولتلك يا محمد ابعت امتى ؟؟؟؟
انا كنت بحذف الموضوع وعدة مواضيع معاه كنت هبعت كام رسالة وقتها ... وانا بحذف من القسم الواحد في حدود 74 موضوع وبعدين مواضيع التعارف كلها هزار .. وانا شايفة ان دا قسم تعليمي يعني يكون فيه مواضيع تفيدكم تقدر بقى تقوله على الخاص انا زيك وفي نفس كليتك وخد ميله وبراحتكم بقى دا حتى المواضيع الي في الاقسام العادية الي هي مش تعليمية لما بتقلب شاتينج كدا المشرفين بيدايقوا منها وبيعلقوا ويقولك الموضوع قلب شات وانا مش قلت انك كوز درة عموما برده انا لازلت عند طلبي انا عاوزة ارجع تاني عضوة |
اقتباس:
انت شايف اهو يا اسلام اسلوب الكلام ازاي وكل واحد من المشرفين يقولي القسم الي انا المفروض المشرف بتاعه وانتي مالك من الاخر يعني |
معلش عايز اقول حاجه اخيره
احنا اختلفنا وكل واحد وضح وجهة نظره فمكانش فيه داعى لاى كلام مستفز زى الى قاله محمد ان انا ورثت القسم او كدا كل الحكايه ان انا وضحت وجهة نظرى وهمس وضحت وجهة نظرها فمكانش فيه داعى يا محمد للى انت قولته خالص وتانى مره متشكرين على كلامك |
| جميع الأوقات بتوقيت GMT +2. الساعة الآن 05:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.