|
مدرس مسهل ؟ ملين؟ طب مدرس فاتح للشهية حضرتك؟
بما أنني مدرس لغة انجليزية في مدرسة سيطبق عليها من الان قوانين الجودة الشاملة و درجات الكادر الظالمة سمعت النهاردة في مدرستي خبر عجيب الشكل !!! موجهة القسم عندنا في المدرسة قالت للمدرس اللي بيضع الجدول المدرسي (اقلب الجدول كله رأسا علي عقب) اندهش واسبهل وتنح وقالها ليه يا فندم بس ؟ دي تاني مرة اعدل فيها الجدول كله ؟ قالتله في مسميات جديدة ولازم يتفرغ الوكيل وكل مدرس ياخد نصابه درجة تالتة مثلا 24 حصة (في ابتدائي) قال لها طيب لما كل واحد ياخد 24 حصة في مادته معني كده ان هيبقي في زيادة في المدرسين وكتير هيبقوا من غير جدول قالتله فعلا هوا ده اللي هيحصل قالها طب مين اللي هيبقي زيادة؟ قالتله هتاخد بالاقدمية والاخير ربه كريم يعيش حياته بقي ودي تعليمات م الوزارة قال لها طب الزيادات هيتفرغوا؟؟؟؟؟ قالت له لا خد بال حضرتك بقا م الحتة اللي جاية دي !!! قالتله لا يا مستر المدرس اللي هيبقي زيادة هيبقي اسمه مدرس مسهل !!!! بضم الميم وفتح السين وكسر الهاء المشددة قال لها نعم؟؟؟؟؟؟؟؟؟؟ قالت له مسهل يابني قالها ازاي يعني؟؟؟ قالتله يعني مدرس مساعد لمدرس الفصل الاساسي يغسله المواعين ... ويمسح الفصل ويعلم الكراسات ....!!!!!!!! قلت في سري وانا سامع الحوار ده لو الكلام ده صحيح فيارب سهلها علي وزير التعليم زي ما هوا قالل قيمتنا كده علي طول اموت واعرف عايزين يوصلونا لايه بالظبط تخيلوا يا جماعة انا مدرس انجليزي بس حديث شوية من ست سنين مثلا هبقي مدرس مسهل !!!! يا مسهل يارب وهبقي مسهل لمين؟ لتلاتة مدرسين انجليزي خريجي اداب فلسفة !!!!!!!!!!!!!! وانا المتخصص الوحيد في المدرسة فانا تربية انجليزي !!!!!! بأي منطق هذا؟ مين عاقل يا جماعة يقول كده؟ واذا كنت انا مسهل للمدرس الاساسي في فصله امال هوا هيبقي وظيفته ايه؟ ومين هيدي المجموعات؟ مش هقول الدروس! وولي الامر ييجي يتكلم مع مين؟ وشكلي ايه في الشارع وانا مسهل؟؟ عمري ما كنت اتخيل في يوم م الايام اني هبقي عبارة عن شريط برشام !!!!!!!! انتو ساكتين ليه؟ حد يرد عليا يا جماعة انا واقع في مشكلة رهيبة بجد حد حصل معاه كده ؟ ولا عندنا احنا بس يا خبر اخضر لو الكلام ده صح !!!!!!!!! دانا اروح ابيع اوطة احسن والله |
مهنة الزبالين افضل مننا
|
أنا عايز أعرف : انت كنت نايم وصحيت ؟ واللا انت فين بالظبط؟ |
لا حول ولا قوة الا بالله عمار يا مصر بالقرارات اللى على ودنه بدون دراسة ولا تفكير
لنا الله |
اقتباس:
والله العظيم الكلام ده هيتطبق عندنا من بكره نايم ايه بس |
مدرس مسهل مدرس ملين مدرس مشهل
التطوير جاي جاي مانت يا مستر شريف برضه سيبتهم كده من غير ما كنت تسهلها عليهم وعلي اللي جابوهم وكل واحد يبقي ياخده باله من نفسه بعض كده علشان التسهيل هيبقي للركب وقد اعزر من انذر |
و الله لقد اضحكتموني و انا مالي نفس اضحك من اصله:):)
و اكتر حاجة ضحكتني العنوان تخيلته اسم دوا جديد و خلو بالكو ان السبب الاول و الأخير هو سوء الاحوال الإقتصادية في مصر:abdoog8::abdoog8: |
يا مستر مسهل أنا معاك في التسهيل
لما نشوف آخر حقل التجارب ده ربنا يستر |
طيب ممكن اسال سؤال كيميائى
من مدرس متخصص كيف تحصل على مدرس مسهل والعكس |
الكلام ده انا سمعته من فترة قبل امتهان الكادر وقالولنا لو اطبق الكادر حتبقوا مساعدين لمدرس الفصل اللى هو خريج كلية العلوم واحنا بتوع كلية التربية نسهل له شغلة داخل الفصل
متهيألى بياع الأوطة أحسن مننا بيبيع الكيلوا بـ 3 جنيه واللى معاه يشترى واللى معهوش ما يلزمهوش |
(ما اصابكم من مصيبة فبما كسبت ايديكم ويعفوا عن كثير )تذكرت الاية الكريمة عندما رأيت التعليقات الواقع ان وسطانا كمدرسين اصبح عجيب به المطيباتية والزنبقية والمطبلاتيه فلا تنتروا شئ سيوا المزيد من التهميش والاستخفاف ولا حول ولا قوة إلا بالله
|
اقتباس:
|
اقتباس:
|
انا حاسس ان انا تعبان عايز انام الحصص كتتتتتتتتتتتتتتتتتيرة قوي
|
والله انتا عسل ع الاخر يا مستر شريف
بس فى ملاحظة مهمة عاوز الفت نظرك ليها حكايه ان انتا متخصص والمدرسين الاقدم منك غير متخصصين فبلاشك انتا عارف ان التدريس اولا واخيرا ليس بالشهاداه وانما بالشخص نفسه لو طبقنا كلامك منطقيا على المعلمين يبقى معلم التربيه اضعف علميا من معلم الاداب مثلا لانه اكثر تخصصا فى الماده ولكن بما انى مدرس خبرة عقبال املتك كده معلم اول أ بقولك ان التدريس اولا واخيرا بمعلومات المدرس وليس بالشهاده النقطة التانيه ان فى نظام التعويم الشامل (التقويم ) ما تصدقش حاجة الا لما تكون بورق رسمى انتا شايف وزارتنا كل يوم فى حال والبيه الوزير هو واحلامه بقا حكايه مدرس مسهل دى اعتقد انها مش صحيحة وغير مظبوطه ولكن لو تم تنفيذها اعتقد ان حيكون بالصورة التاليه المدرس المسهل حيقوم بالتدريس فى الفصل تحت اشراف المدرس القديم وليس العكس مع التزامه طبعا بعمليه التصحيح وملف الانجاز وحته هزار بقا ما يمنعش انه يلمع اكر للمدرس القديم علشان يمشى حاله ههههههه |
| جميع الأوقات بتوقيت GMT +2. الساعة الآن 01:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.