|
عفوا شباب مصر خارج نطاق الخدمه
هل أنت لاقدر الله مثقف؟؟ هل فكرت وغامرت واتهورت مرة وقريت كتاب؟؟ بتقرا حاجة غير مجلة ميكي ؟؟وعلاء الدين؟؟ عندك مصدر بتجيب منه معلومات غير قعدة القهوة و الكافتريا ولما بتضرب معاك اوى يبقى هارد روك كافيه واللف مع صحابك ع الكورنيش ؟؟ تعرف يعني إيه حزب؟؟ هل تعلم ماهى الليبرالية والفدرالية والإشتراكية ؟؟ يا ترى بتدخل ع النت ليه؟؟ عشان تتثقف؟؟ إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! - يعني احنا شباب تمام .... في العصر التمام -:d انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )B) حيث تشير إحدى الدراسات إلى أن: 80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح - أما في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية" ..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة.. ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! - و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني - وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ ( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. ) طب تعالوا نشوف ازاى الشباب المصرى بيستفيد من الانترنت فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!! لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع ال*****ة على شبكة الإنترنت وفقاً لتصنيف محرك البحث جوجل !!.. يا خراشى ! فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. ) فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟ طب و بعدين ايه اللى حصل اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف.. فدخلوا الجامعه ( جامعه القاهرة ) وعملوااستطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش لحاجه تانيه خااااالص لا سامح الله ) وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل ( الحمد لله أهو لقينا حد بيقرا حاجة ) .. طبعاً مش لازم تبقى محمد حسنين هيكل..ولا لازم تكون فهمي هويدي ( مصيبة لا تكون مش عارف دول كمان ) لكن على الأقل تكون فاهم.. وعارف .. وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟ و مين كويس و مين وحش ؟؟ وقبل كل ده تكون عارف كويس..أنت عايز إيه؟؟ لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر .. دماغنا فاضية .. مفيهاش أي حاجة .. ولا أي قضية .. ولا عايشين لهدف .. وكل اللي نعرفه في حياتنا .. وكل معلوماتنا .. عن الممثلين والكورة .. حتى ديننا منعرفش عنه إلا الوضوء والصلاة اللي اتعلمناهم واحنا صغيرين .. فحين إن العالم كل بيتقدم بسرعة جنونية .. واحنا لسه محلك سر !! .. يا ترى الفكرة وصلت؟؟ولا لسة؟؟ وملحوظه بسيطه بقى نسيت اقولها تبع الاحصائيات دى برضه هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر بعدها تيجى سلسله كتب تفسير الاحلام و حظك اليوم و الابراج. لازم نعرف الاول احنا ايه عشان منرجعش نقول الصين عملت ده امريكا عملت ونفضل نسبهل اوى من العالم دى هما يعنى ربنا خلقلهم دماغ يفكرو بيها وكتب علينا احنا الشعب المتخلفhttp://www.3alam-top.com/vb/images/s.../wavetowel.gif |
شكرا على الموضوع لكنه مكرر :) |
اقتباس:
شكرا جزيلا عالموضوع المبهج ده حسسنى اننا فى مصر ولا حاجة |
والله العظيم لسه في امل وفي ناس ممكن يعدوا بينا لبكره
|
والله فيه شباب كتير لو قرأوا الكلمتين دول هيفقوا وهيعرفوا احنا رايحين على فين ...
مفيش فى دماغ الشباب دلوقتى غير الكورة والأغانى والجنس .............. إلخ - حجات فاضية - وربنا يستر ومنبقاش من دول العالم الرابع .......... على أساس احنا بنتقدم فى التخلف ..... :078111rg3: عمار يا مصر :078111rg3: |
اقتباس:
اى خدعه:d يا بنتى مصر دى بلد العجايب:022yb4: |
اقتباس:
طيب والله مصدقاك ما الدنيا ماشيه مش هتقف وهيعدى بكره وبعده بس ايه الجديد مفيش فين الشباب دول انا بكلم عن الاغلبيه فى شباب كويسه انا مقولتش حاجه بس قله للاسف يلا شكرا على مرورك |
اقتباس:
|
لما تلاقى شباب ضايع
لما تخاف تمشى فى الشارع لما الجنين فى بطن امه يبايع يبقى انتا اكيد فى مصر طيب انا معاكى فى كل الكلام ده بس ياترى ممكن اعرف حاجة هى الحكومة عملت ايه للشباب دى ده حتى الشغل مش قادرين يوفروه للشباب من الاخر الحكومة عاوزة نوعية الشباب دى عشان مش يوجعوا دماغ الحكومة الحكومة بتسمح بالمخدرات لكن مش بتسمح بكتب ثقافية وفيه راى عن الحكم يعنى الشباب مش لاقى غير كده تقدرى تقوليلى كام كافتيريا موجودة فى كل منطقة فى مصر طيب تقدرى تقوليلى كام مقر حزب او اماكن مؤتمرات وندوات ثقافية موجودة فى كل منطقة معلش قصدى كل محافظة ان الله لا يغير مافى قوم حتى يغيروا مافى انفسهم يعنى لازم تغيير بس ياترى ازاى وطبعا الاعلام عندنا والحمد لله اخره نشرة تاسعة اللى بتذيع اخبار الرئيس والزيارات والجو والدش طبعا فى الحلو والوحش ومعظم الشباب بيتجهوا للجانب الوحش يعنى بجد مش عارف اقولك ايه يعنى والله العظيم انا كنت بشوف فى رمضان الناس اللى بتكون قاعدة على القهاوى والكافتيريات اكتر من الناس اللى كانت بتصلى فى الجامع بجد ده يرضى مين يعنى احنا مش عارفين ناخد حقنا فى الدنيا كمان مش عارفين نعمل للاخرة بجد حررررررررررررررررررررررررررررررررررررررررراااااااا اااااااااااااااااااااااااااااااااااااااام |
اقتباس:
انا آسفه مكنتش اعرف انه متكرر وياريت الموضوع يتحذف لو مش عاجبكوا سلااااااااام :078111rg3: |
اقتباس:
|
اقتباس:
ويارب يكون عجبك واستفد منه:) |
انا ولد واسمي اسلام :) ..
|
الاحصائيات دى انا قريتها قبل كدة و اتصدمت صدمة كبيرة . قلت معقول نكون وصلنا لكدة
لم تبالغى عندما قلتى ان شباب مصر خارج نطاق الخدمة ميعرفوش حاجة غير الأغانى و الشباب هنا كتير مستعد لكن انتى عارفة بقا مفيش مبادئ (الحياة عاملة زى السلطة) و طلما اننا بعيد عن مبادئ الدين عمرنا مهنعمل حاجة ألف شكر على الموضوع ده مع انه حسسنى بإحباط شديد |
اقتباس:
بس برده لازم يكون عندنا امل لازم نحاول نتغير وكل واحد يبدا بنفسه ونرجع لدينا ونتمسك بيه وربنا يهدينا جميعا وشكرا على مرورك :) |
| جميع الأوقات بتوقيت GMT +2. الساعة الآن 09:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.