|
مشكلة جامدة يا ريت حد يحلها
انا في اولي ثانوي وعندنا مدرسة التاريخ بتحبطنا جامد وبتصفرنا في أعمال السنة وعاوزانا نأخذ عندها دروس مجموعات تقوية أعمل إيه
|
فيه اكثر من حل
الحل الاول تتكلموا مع مدير المدرسه وتبلغوه بالموضوع ده لو معملش اللازم وحل المكشله على اولياء اموركم التوجه للاداره التعليميه التابعه لمدرستكم وعمل شكوى جماعيه ضد هذه المدرسه والله المستعان فى امان الله |
محمود السنور نفــس برضو إللي كنت هقولهـ إنكم تكتبوا فيـــهآآ شكوي للمدير عندكــــم هى هتخـــآآف من نفسهـــآآ بس عآرف إلأحســـن تقولوا لهــآ فى وشهــآ (( يا مــيس إحنــآ هنقدم شكوى للمدير علــي إإللى بيحصل دهـ http://sho3a.com/vb/images/smilies/marsa22.gif)) وشوف هى هتعمــل إإيه؟! |
بص
احنا كان عندنا مس فظيعة كرهتنا فى الجغرافيا والتاريخ بجد لدرجة انها تقولنا احفظوا الدرس وكل واحدة تسمع سطر* فظيعة * الشكوى مش هتنفع انتوا زهقوها او عرفوها انكم مش هتاخدوا عندها ابدا وافقدوها الامل فيكم لحد ما تزهق |
يجماعه انتوا مشاكلكوا مشتركه معايا اوي بصي انا في اولي ثانوي كانت مدرسه الفيزيا كده برده بسم الله مشاء الله كانت مدياني اعمال سنه درجه او درجه ونص نفضي يستي اساسا اعمال السنه نسبه قليله اوي اوي اما تعملي الي هما قالوا عليه فوق ده يتنفضي وذكري انتي كويس التاريخ عايز حفظ وحاولي تفهمي منها في الفصل علي قد متقدري ياما ريحي نفسك واتنقلي من الفصل كله
|
ياعم محمود
انت في اولى ثانوي..........يعني طوز في المدرسة دي وطوز في اعمال السنة انت عارف انا جايب كام في ثانوية عامة 98% طب في اولى ثانوي جبت كام بقى 87.5% سبعة وتمانين ونص في المئة عشان التاكيد وانا فاكر كنت ناقص 35 درجة بالتمام والكمال وكل اللي نقصته في السنتين بتوع ثانوي هما 8 درجات بس |
شكرا يا جماعة علي المساعدات الحلوه دي مشكورين يا أحلي أعضااااء
|
متهتمش في اولى بالدرجات على قدر اهتمامك بالمادة العلمية فأسس نفسك في المادة العلمية التي ستستمر معك في الثانوية العامة بمرحلتيها ، والدرجة بتكون مقسمة مفيش مدرس يقدر يدي صفر لأن لو كراستك منظمة حتاخد جزء من الدرجة وجزء على السلوك وجزء على الحضور فمتخافش من موضوع اعمال السنة وبعدين هي في النهاية درجة بسيطة في الامتحان النهائي يعني لو جاوبت كويس حتاخد درجة ومتهتمش بدرجة اعمال السنة دي
|
انا اختى ف المدرسة مدرس عربى كان بيعمل كده بظبط عمله ورقة واحده نقله مدرس
و هو خارج من فصل يقلهم اصل انا شايف انى مستوى الفصل وحش اعملوا ورقة لى مدير و هو هيظبط الموضوع يجيب مدرسة غيرها |
بص يا سنور اتكل على الله وروح اشتكى للمدير
عندنا كان مدرس انجليزى بيعمل كده , اشتكناه والحمد لله بيدخل لنا مدرسين دلوقتي بيشروحوا حلو بعد ما المدير ظبطهم وبقى يفتش وكده يا رب اكون افدتك يا كابتن |
ألف شكر ليكم كلكم بجد انتوا افدتوني __ انا عن نفسي بقيت بطنش ومش بعبر المدرسة
|
بوص يا محمود يا أخويا أنا في أولي ثانوي محضرتش ولا يوم و مذكرتش إلا فبل الإمتحان بإسبوع و مخدتش غير درس فرنساوي و عربي و نقصت 90 درجه و الحمد لله و أنا دلوقتي في هندسه يعني سيبك بس أنا مش عارف إيه نظامكم إنتم عشان نظام الثانوية إتعير و ربنا يوفقك |
هو نظام الثانوية مش هيتغير علي دفعتي يعني هنأخذ ثانوية عامة سنتين إن شاء الله بس المشكلة إن مدير المدرسة عندنا شادد جامد وخصوصا الغياب وعاوز يجبنا المدرسة في 2 و 3 ثانوي
|
| جميع الأوقات بتوقيت GMT +2. الساعة الآن 12:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.