|
كلاب السلطه مش ف الحياة الواقعيه وبس
السلام عليكم ورحمة الله وبركاته موضوعنا النهارده عامل زي فزورة .. لو اتفهم صح .. يبقي ده غلط .. ولو اتفهم غلط يبقي هو ده الصح وطبعا مش هيفهم الكلام ده غلط غير اللي علي راسه .... أو اللي عارف شوية مواقف كدا -- ندخل ف الموضوع علي طول نبدأ بالحياة الواقعية عشان حرام يبقي الموضوع كله مش حياة واقعية - لغاية دلوقتي محدش فاهم حاجة - كويس اوي --- كلاب السلطة دول ياجماعة ناس كل همها المنصب وبس .. حتي لومنصبه دفعه انه يغير مبادئه هيغيرها .. حاجات في دينه هيغيرها .. حاجات في بيته هيغيرها .. كل ده عشان يحافظ علي المنصب اه والله عادى زي رجل الدين اللي بقي يألف في الفتاوى ويفكر بطريقة هو مكانش قابلها في رحلته الدراسية .. طيب هيعمل ايه يعني ؟ هيرضي ربنا عشان عبد ؟! لاء طبعا .. ازاي يحصل الكلام ده ف مصر ازاي يرضي ربنا يعني ويضيع منصبه ؟ هههههههه م الاخر وبلغة السوق فكك --- مش بس في الحياة الواقعية لاء ع النت كمان فيه ناس بردو بقت تطاطي وتبوس القدم وتبدي الندم عشان السلطه بردو .. عادي علي فكرة بس أنا توصلت لسبب قد يكون مقنع للحالات دي ان أشباه البشر دول أصلا معندهومش اخلاق وقواعد ثابته لاء عامل زي الحرباءة بيتلووون بكذا لووون واخدين بالنا طبعا ً عشان ايه عشان بس يغير مبادئه - ده لو كان عنده أصلا - -- بس مسير هيجي عليهم يوم وهيلاقوا الناس المحترمه بتفعصهم لما يعرفوا حقيقتهم - كلها - مش مجرد جزء من الحقيقة --- علي فكرة ياجماعه مش أي واحد يظهر بمظهر متدين يبقي متدين ومش اي واحد يظهر بمظهر محترم يبقي محترم - ممكن اكون عامل نفسي محترم وأنا غير محترم ولما الناس تعرف اني غير محترم اعمل نفسي تبت - :d عادي بتحصــــــــــــــــل يالا بالشفا ويارب الناس تفهم كلامي صح :) ومعلش للناس اللي مش فاهمه العيب مش فيكم والله وانا اسف جدا بس الموضوع محتاج معرفة بمواقف معينه :) |
انا فهمت كلامك كويس عارف بالظبط يخاطب مين
والحمد لله اني برا الموضوع ربنا يهدي الجميع ودمتم |
السلام عليكم ورحمة الله وبركاته
بجد يا احمد موضوعك ده موضوع فى الجون وفى وقته بجد اناا بقى واحد من الناس اللى ها ترد عن فهم (كما قال كاتب الموضوع يا جماعة لو حد مش فهم ما يزعلش العيب مش منه ) كلاب السلطة دول يا شباب متجسدين حوالينا فى كل مكان فى الشارع وفى الشغل وفى الكلية وفى النت حتى :d معنى الكلمة كما اشار احمد هو ان الشخص يحاول بشتى الطرق الوصول للسلطة والمناصب بشتى الطرق والوسائل وكل الاساليب الممكنة يعنى بالبلدى كده يدوس على اى حاجة عشان يوصل لو استلزم الوصول للمنصب انه يدوس على صحابه ها يدوس لو استلزم انه يتخلى عن المبادىء (اللى كان بيظهر نفسه متمسك بيها) ها يتخلى عنها لو استلزم انه يحيد عن الحق ويسير فى طريق الباطل عشان يرضى الناس الاعلى منه واللى فى ايدهم انهم يعلوه لو استلزم...... لو استلزم..... ها يعمل كل ده ومش ها يبقى على حاجة البعض يعتقد ان النموذج ده موجود فى الحياة الحقيقية بس لا ياجماعة النموذج ده موجود على النت عادى جدآ وبنقابله كتير اللى تلاقيه بيجرى هنا هناك عشان يصر ويدعم رأى فاسد لشخص ذو منصب آملآ ان الشخص ده يقول الراجل ده معانا يبقى لازم نكافئه وفعلآ بيحصل هى حالة متطورة من النفاق يا جماعة عمومآ انا كده خلصت شرحى للحالة كلمة بقى لكل الاشخاص اللى بينهجوا الدرب ده : صدقونى يا جماعة مافيش حاجة مستاهلة كده على النت ولا حتى فى الحقيقة صدقنى اى حاجة ها توصلها مهما كانت لا تساوى انك تتذلل لشخص او تبقى دلدول ليه واولآ واخيرآ ها ييجى يوم وتتكشف وتبان على حقيقتك قدام الناس وقت ما ها يبان الحق ممكن تفكر انه يوم بعيد لكن صدقنى اليوم ده اقرب مما تظن ! معذرة يا جماعة على التطويل لكن كان فى نفسى كلام كتير ولازم اقوله وبالرغم من طول الرد لكن صدقونى ما قدرتش اقول كل اللى فى نفسى والحدق يفهم .... |
السلام عليكم ورحمة الله وبركاته
اولا احب ابدي اعجابي باسلوب حضرتك ثانيا احب ابدي اعجابي بالموضوع الجميل واللي بيمس حياتنا في الواقع وحتي في غير الواقع اقتباس:
في نهاية ردي علي موضوع حضرتك احب اقول ان ليا صديق في المنتدي عرفت منه ان الموقف دا بيحصل كتير ومش عايز اقل انه للاسف بيحصل من نفس الشخص بس هنقول ايه يا استاذ احمد هما دول كلاب السلطه وديل الكلب..................( اعزكم الله ):) |
يارب اكون فهمت صح
بتهيألي يعني انا اعرف مثااااااااااااااااااااااااال واقعي بجد على الجماعة دول الي اسمهم كلاب السلطة يلا ربنا يهدي الجميع اخيرا يا احمد نزلت موضوع يخلي الواحد يرتاح نفسيا شوية |
اه عندك حق يا هند لو فهمت الموضوع ده يبقى خد موقف يا احمد وبسرعه ياريت من كلاب السلطه دول مش معنى ان هى حياه مش واقعيه وان كل ده رقمى عالم النت يعنى ان احنا نتفرج يعنى ناخد موقف ولو صغير .. يلا مش مشكله هو موضوع شغال بردو وكويس
نبقى نناقشه بس السرعه فى الاداء مطلوبه |
كلام جميل كلاب السلطة كلنا عارفين إنهم موجودين فى كل مكان حتى على النت
والواضح _يعنى لو انا بفهم_ إن فى ناس من النوعية دى معانا هنا فى المنتدى ؟؟؟ طيب إيه الموقف بقى ؟؟؟؟ . . |
موضوع جميل فعلا وبيجسد حاجات كتير واقعية وبتحصل كل يوم مش بس فى الحياة العملية لا كتير منها بيحدث فى كل شئ فى الشارع فى المكتب فى الدراسة حتى النت كتير من ده بش صدقنى الشخصية دى مهما كانت خادعة بتبان من اول كلمة وسهل جدا التعرف عليها من مدلول كلامه وتصرفاته من بداية الامر وليس نهايته وشكرا للموضوع الجميل وبقالى زمان ماشوفتش موضوع ليك يا احمد ومرة تانية شكرا للموضوع |
اقتباس:
وبجد يا احمد موضوعك هادف بالقوى ووضح حاجات كتير جداً تسلم ايدك يابروف |
و الله يا أحمد عندك حق فعلا كلاب السلطه و للأسف موجودين في كل حته و ده طبع للأسف منتشر بس والله العظيم ربنا مش هيبارك لبيعمل كده عشان حديث الرسول صلي الله عليه و سلم من طلب الإمامه وكل عليها و لو فهمت فعلا اللي تقصده يبقي مش هقول غير "ربنا يهدي الجميع" "و إن يعض الظن إثم" |
اقتباس:
الحمدلله انك فهمت الكلام يا عاشق القلم وياسيدي انت وكل المحترمين برا الموضوع ومادام قولت برا الموضوع يبقي انت فعلا فاهم :078111rg3: |
اقتباس:
الله عليك ياحودا صح كدا علي فكرة اليوم ده فعلا بقي قريب جدا والناس كلها قريب هتعرف كنا بنتكلم عن مين وهيطلع شكله وحش اوى انا لو منه في اللحظه دي بصراحه اسيب المنتدي وامشي لكن اليوم ده لو جه كمان هتظهر حاجات تانيه جديدة انا عارفها وبقول ان الله ستير حليم بس هو مش احسن من غيره :) |
السلام عليكم ورحمة الله وبركاته اولا احب ابدي اعجابي باسلوب حضرتك ثانيا احب ابدي اعجابي بالموضوع الجميل واللي بيمس حياتنا في الواقع وحتي في غير الواقع في نهاية ردي علي موضوع حضرتك احب اقول ان ليا صديق في المنتدي عرفت منه ان الموقف دا بيحصل كتير ومش عايز اقل انه للاسف بيحصل من نفس الشخص بس هنقول ايه يا استاذ احمد هما دول كلاب السلطه وديل الكلب..................( اعزكم الله ):) تسلم انت وصاحبك وعلي فكرة في الحقيقة بتكون نهايتهم وحشه اوي وع النت كمان هتكون نهايتهم اوحش ما تكون صدقني وعنده حق والله صاحبك الأشخاص دول بينتهجوا منهج اتباع الريس اللي هوا لما حد يشتم في الريس يدافعوا عنه بس مش في أي وقت وقت ما الكل يكون بيشتم لان ده الوقت الوحيد للظهور لكن لو فيه مؤيدين كتير مش بتلاقيه خالص عالبركة شكرا لمرورك ياباشا ومنور المنتدي كله :) |
عمتا حاجتين هما اللي بيعملوا اغراء الفلوس -السلطه - الستات دي المغريات اللي هتواجهها في حياتك فيه ناس السلطه عندها اهم من الفلوس علي اساس ان السلطه تجيب الفلوس وناس الفلوس عندها اهم بحكم ان الفلوس تشتري السلطه دا اللي بيسموه الاتحاد الاقتصادي السياسي وكلها برضه وجهات نظر صعب حاليا تلاقي واحد بيقاوم المغريات كلها علي فكره مش شرط ان اللي بيحب الفلوس يبقي انسان مش كويس او المهووس بالسلطه يبقي اناني او او هي الشطاره ان انتا توظف هوسك دا بطريقه ايجابيه بدلا من سلبيه ودا طبعا المفروض مش الواقع :) |
السلام عليكم ورحمة الله وبركاته أخواني الأعزاء / في أول يوم دخولي المنتدى كزائر لم أشعر فيه بأي من تلك الاتجاهات التسلقية التي يقصدها الأستاذ / أحمد رضا .. ولكن أصدقكم القول .. بعد مرور الأيام .. وبعد بقائي بالساعات بين صفحات ذلك المنتدى العامر .. لاحظت بعد تلك التسلقية العفنة التي يندى لها جبين الأحرار .. ولكني اتخذت قراراً بيني وبين نفسي ولكني سأضطر لإعلانه الآن على حضراتكم فقد يفيد الجميع .. القرار هو : "طالما الكلاب تنبح والقافلة تسير ، وطالما أن الشجرة المثمرة كثيرة ما يقذفها السفهاء .. وطالما أن النار تأكل بعضها إن لم تجد ما تأكله .. وطالما أنا داخل منتدً أثق في إدارته و كياستها ونظرتها الفاحصة المتأملة المتأنية قبل اتخاذ قرار ترقية أو شطب أو إيقاف .. طالما كل ذلك فماذا يضيرنا من هؤلاء المتسلقين ؟ فهم في مكان أعتقد أنه سيكشفهم سريعاً .. وسرعان ما يذوبون كما يذوب الملح في الماء " أخوتي .. أخواتي .. كلنا .. كلنا هنا .. رجل وامرأة .. شاب وفتاة .. باختلاف اتجاهاتنا .. ثقافاتنا .. ميولنا .. مواهبنا .. ظروفنا الاجتماعية .. حالاتنا النفسية .. لا أعتقد إنه لا يوجد بيننا إلا الندر اليسير .. ممن لا يعملون ابتغاء مرضات الله .. فأي منصب ذلك الذي يبحث عنه المتسلقون ؟! فأي منصب يعلو أن يرفعنا الله عنده درجات ، في جنات الخلد .. يا أيها المتعفن الذي تبغى مدح أو منصب أو درجة دنيوية زائلة .. اعلم أن منتدى بوابة الثانوية العامة ليس مكانك .. لكن مكانك هناك حيث المناخ صالح للتسلق والأكتاف مهيئة ، والأعين ترى لكنها .... لا تبصر .. |
| جميع الأوقات بتوقيت GMT +2. الساعة الآن 05:24 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.