|
اقتراحات لمشرفي الجامعات....
السلام عليكم/ انا في الموضوع ده هتكلم علي اقتراحات صغيره كدا...بجد ممكن بيها نرتقي جدا بأقسام الجامعات: 1- موضوعات التعارف وملتقي طلبه الجامعات المختلفه ياريت ياجماعه اي موضوع تعارف جديد يتحذف...لأنه غالبا هيتقلب شات...والأعضاء هتخرج عن الموضوع...واما نيجي نحذف مشاركه ليهم تكون بره الموضوع..هيكون اقل رد ليهم اننا مش عاطينلهم حريه الرأي...أو يجي في الأخر عضو ويقول ماهو اصلا موضوع تعارف...فياريت نتفادي ده....وبالنسبه للموضوعات القديمه تترك زي ماهي... ونبتدي الموضوعات اللي ليها اهميه للاعضاء والزوار...خصوصا ان الدراسه بدأت....واللي عنده حاجه مفيده ينزلها لطلاب القسم... 2- الموضوعات المثبته بالنسبه للموضوعات اللي المفروض تثبت في القسم...لازم يكون نفعها علي الكل...وغالبا تكون موضوعات تنفع لكل الجامعات ..مش كليه بعينها.... 3- المفروض مشرف القسم ينزل موضوع واحد يثبت في القسم .. يحل فيه مشاكل الأعضاء ويساعد فيه اعضاء كليته...علشان مش كل عضو يدخل يكتب موضوع طويل...علشان يسأل علي سؤال واحد هو بس اللي يستفاد بيه... 4- ياريت يكون في تعاون من الأساتذه المعلمين علي الموقع ... واللي متخرجين من الكليات بتاعتنا....واكيد هينزلو مواضيع جميله تعم فائدتها علي الجميع ...ومنها نعمل تنشيط للأعضاء للدخول في القسم... ومثال لذلك تعاون دكتور عاطف خليفه في كليه العلوم...وبجد بينزل مواضيع مفيده جدا. 5- احنا دلوقتي بدأنا الدراسه...والموقع بتاعنا مسجل علي جوجل...فطلبه الكليات المختلفه اكيد هيدخلو يعملو ابحاث من علي جوجل ...واما اقسامنا يكون فيها موضوعات علميه مفيده تشمل جميع المواد للفرق المختلفه....اكيد بكدا زائرين جوجل هيدخلو موقعنا ..وتبقي بدايه دخول اعضاء جديده لأقسمنا....ويشاركو فيها...وهكذا... 6-بالنسبه لحذف المواضيع عن طريق مشرفه عام الجامعات(همس المشاعر) ...ياريت اما تكون شايفه موضوع غلط تحذفه وتبلغ بيه مشرف القسم....علشان لو عضو سأل علي موضوعه ... 7- اخيرا...يتوجب علينا مراجعه مشاركات الأعضاء في كافه المواضيع...علشان اللي عنده حاجه تفيدهم مننا...ياريت تنزلها...وبكدا نبقي كل مشرف كون اسره متعاونه علي قسمه.... ممكن طبعا تكون وجهه نظركم مختلفه عني....وياريت اللي شايف اي تعديل علي كلامي او عنده وجهه نظر مختلفه يقولها....وفقكم الله |
انا صراحة المفروض اسكت خالص على رأي استاذ اشرف بعد الكلام الي انت قولته يا اسلام
والله والله هو دا الكلام الي انا بقوله وفي ناس اتخانقت معايا بسببه ما علينا اعتبروا الموضوع دا خلاص هو القوانين الي هنمشي عليها واي مشرف عنده ملاحظة على اي نقطة اسلام قالها يتفضل يقولها يعني مش في ديكتاتورية ولا حاجة جميع النقاط مطروحة للنقاش وقابلة للزيادة اكيد .... جزاك الله خيرا بجد يا اسلام مش عارفة اقولك ايه قلت الكلام الي كنت بحضر ليه فعلا سبقتني بالخير واي استفسار او طلب او اقتراح انا طبعا طبعا طبعا تحت أمرك وأرحب بأي رأي وأي اقترااااااااح وياريت نكون ايد واحدة مع بعض واي حد ليه تعليق سلبي او حاسس انه ممكن يسبب شد مثلا ربنا ما يجب شد خالص الحمد لله الموقع وفر لينا الرسائل الخاصة منعا يعني لكثرة الجدال والنقاش والكلام ودمتم بود جميعاااااا همس المشاعر |
اقتباس:
اول حاجه احب اشكرك جدا علي ردك ياهمس ....وبجد انتي تستاهلي تبقي قدوه لمشرفي الجامعات كلهم... ومتزعليش علي استغرابي من تعيينك في الأول..بس دلوقتي اقدر اقولك انك 10/10.... وياريت كلنا نبقي اسره واحده...ونساعد بعض في القسم ده...واي مشكله او اقتراح لينا نحطه في موضوع بالقسم وكويس انه مش بيظهر للأعضاء. |
اقتباس:
تمام كده يا اسلام :078111rg3::078111rg3::078111rg3: |
اقتباس:
من عنيا...هبعتهولك في رساله خاصه حاااالا.... |
ماشى موافق على مقترحاتك يا اسلام
وتسلم دماغك بس هيا المجموعات الاجتماعيه هتفضل مقفوله لغاية امتى ؟ يعنى دلوقتى كل واحد مكون رابطه لكليته طب ازاى هيتابعها وازاى هيتابع زملائه فى الكليه ياريت نقدم طلب كلنا عشان نشغل المجموعات الاجتماعيه من تانى |
اقتباس:
بص يامحمد انا الصراحه اشتركت في المجموعات الأجتماعيه قبل كدا بس مشاركتش فيها...فمش هقدر افيدك فيها....بس اي مشرف ممكن بأسلوبه في الكلام...يكون رابطه في قسمه....وفي نفس الوقت متكونش شات...بس يبقي في تعاون بين الأعضاء...وبعدين يقدر اي مشرف او عضو يتابع زملائه في الكليه بموضوع صغير زي اللي قولت عليه في مقترحاتي...موضوع يتحل فيه مشاكل الأعضاء في الكليه....وانت طبعا تتابع الموضوع بنفسك...واعتقد ده يغني الي حد ما عن المجموعات الأجتماعيه.... وصوت الحق واستاذ اشرف يقدرو يفيدوك في الموضوع.... |
ميه ميه يا اسلام ..
وانا موافق موافقة نهائية على كل الكلام دا .. وهاعتبره قانون ماشي على الاقسام بتاعة الجامعات بس ياريت اهم بند نلتزم بيه (والكلام دا موجه لهمس) اقتباس:
|
وقتها انا كنت بحذف عدة مواضيع وفعلا مش كان ينفع ابلغ بالكم الهائل دا من المواضيع
ياريت يا جماعة قبل ما تقولوا عليا مش متعاونة تشوفوا انا حذفت كام موضوع وقتها وان اي حد مكاني كان هيعمل كدا انا كنت بحذف من القسم الواحد 74 موضوع واكتر عموما ان شاء الله لما احذف موضوع هبلغ مشرف القسم اني حذفته وسبب حذفه ايه دمتم بود |
على بركة الله وأنا معكم باذن الله لان هذا القسم يتبع القسم التعليمى وسوف اوجه كل المدرسين تدخل على الكلية التى تخرج منها لكى يضيف لها ويشارك الطلبة الجدد وبكده يتم التواصل بين القديم والجديد فى عمل واحد ونستفيد من خبرتهم فى هذا المجال
|
كلام سليم استاذ عصام ومبروك القسم
وان شاء الله تتعاونوا كلكم مع بعض من اجل رقى المنتدى وشكرا |
| جميع الأوقات بتوقيت GMT +2. الساعة الآن 05:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.