بوابة الثانوية العامة المصرية

مقالة عجبتنى جدا .
عندى فكرة ممكن تدخل للبلد شئ وشويات من الدولارات والفكرة ببساطة ...نعمل معرض..يتعرض فيه فقرة فلكوريه للثانوية العامة ...يدخل السايح من دول من على الباب..على قاعة "مضلمه"شويةوعيل مولع لمبة ومطول ذقنه وحالق زلبطه ومكفى على بوزه ونازل بوس فى رجل الكتاب والملزمه ...والمدرس اللى قاعد قدامه ماسك4 سندويتشات فى ايده بيحفظه الصفحات اللى بيقراها عشان تثبت فى دماغه وكل ما المدرس يخلص سندويتش يسمع له بنظام طبق الأصل............. وبعدين يدخل السايح على بلكونه بيت مضلمه برده وأبو الواد قاعد فى البلكونه ومشمر بنطلون البيجامه من العشا لحد الفجر وهو رافع ايده للسما وعمال يدعى للواد انه يحفظ ................وبعدهايخش السايح على شارع طويل كله أضرحه لأولياء الله والأم بتلف بعيش ولحمه يمكن ينوب ابنها دعوة .......................................ويفضل السايح على الحال ده سنتين وطبعا مش هيقدر يمشى الا لما يعرف حصل ايه ....وكله بالتذاكر وبعدها ندخله على قاعه فيها مدرسه وعيال داخله تعيط وعيال خارجه تصوت وعيل عاوز يرمى نفسه تحت العربيه وماسك ورقه امتحان الكيمياء.....,والأمهات عماله تلف حوالين سور المدرسة تقرا سورة ياسين ....بعدها يروح السايح داخل على قاعه فيها صالة بيت والأب رايح جاى فيها وناكش دماغه وهدومه وعمال يقرقض فى كم البيجاما وعياله قاعدين حواليه بيبحلقوا فيه وماينطقوش خوفا ورعبا..........بعدها على طول يتفرج على زفه بلدى الستات بيزغرتو وقاعد فيها الوزير على تربيزه وبيأكد ان كل نظم التعليم فى العالم فاشله الا نظامنا الوحيد هوة اللى صح بدليل مفيش بلد فى العالم بيجيب فيها الطلبه النمر النهائية الا عندنا ...............وطبعا السايح دافع فلوس ومش ممكن هيروح إلا لما يعرف نهاية القصة ...........ودى سهلة ...ندخله محطة بنزين ...والواد واقف فيها بيمون عربيه أو بينفخ الكاوتش
المقال منقول طبعا