بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   هل من العدل أن ينجح كل من تقدم للختبار فى الكادر (https://www.thanwya.com/vb/showthread.php?t=81328)

alyali 21-10-2008 02:41 AM

هل من العدل أن ينجح كل من تقدم للختبار فى الكادر
 
السلام عليكم ورحمة الله وبركاته
هل من العدل أن ينجح كل من تقدم للختبار فى الكادر؟
نعم أنى أتمنى للجميع التوفيق والسداد
ولكن هل من العداله أن يستوى من اجتهد وبحث وراجع على معلوماته وبذل جهد كبير
بمن كتب أسمه فىأختبار الكادر واختار بعشوائيه والبعض لم يكلف نفسه ويختار وكتفى بكتابة الاسم

kaaaago 21-10-2008 10:07 AM

هههههههههههههههههههههههههههههههههههههههههههههه
اجتهد قال

M.Sherif 21-10-2008 11:17 AM

يا عم بس ننجح بس حرام عليك
و بعدين اجتهاد ايه ؟ هيا ثانويه عامه؟ ولا كان في منهج؟ و لا اساسا الاسئله اللي جاتلنا هتقيمنا كمدرسين؟

nasrabotahoun 21-10-2008 11:24 AM

يا سيدى بس ننجح ونظف قلبك

mohsen ghareeb 21-10-2008 11:55 AM

اقتباس:

المشاركة الأصلية كتبت بواسطة alyali (المشاركة 839578)
السلام عليكم ورحمة الله وبركاته
هل من العدل أن ينجح كل من تقدم للختبار فى الكادر؟
نعم أنى أتمنى للجميع التوفيق والسداد
ولكن هل من العداله أن يستوى من اجتهد وبحث وراجع على معلوماته وبذل جهد كبير
بمن كتب أسمه فىأختبار الكادر واختار بعشوائيه والبعض لم يكلف نفسه ويختار وكتفى بكتابة الاسم



أجبنى أولاً لو سمحت :

هل من العدل أن تدخل امتحان بدون تدريب ؟ !

هل من العدل أن يكون وزيرك يامعلم غير تربوى ؟ !

هل من العدل أن تكون فضيحتنا على الملأ ؟ !

هل من العدل أن تذلك وزارتك من أجل عدة جنيهات أنت تعلم أنها لا تكفى احتياجات أسرتك ؟!

هل من العدل أنه حتى الآن ينظر إلى وزارتنا أنها وزارة خدمات أى غير منتجة ؟ !

هل من العدل أن يهان آباءنا وأمهاتنا بعد أن أفنوا عمرهم فى تعليمنا وتربيتنا ؟ !

هل من العدل أن تضطر أختنا المعلمة أن تذهب للامتحان !!! وهى مريضة وخارجة من العمليات )؟ !

أنا لست ضد أن تجرى الوزارة كل عدة سنوات قياس لمدى كفاءة المعلم ولكن لايرتبط هذا بتحسين دخله

فى بلد استفحل الغلاء فيها ، والرجل الآن فى مصر هو الذى يستطيع أن يوفر لقمة العيش لأولاده ،

مش مهم لحمه ولا فواكه ولا حلويات ، المهم يقدر يكافح فى طابور العيش وما يموتش ويلحق ولاده قبل مايروحوا

المدرسة.

أنا لست ضد أن تجرى الوزارة كل عدة سنوات قياس لمدى كفاءة المعلم ولكن قبل ذلك تجرى دورات تدريبية

ويكون الهدف هو الإرتقاء بمستوى كفاءة المعلم ، وليس اعطاؤه كادر ولا لأ ، وإن كان ولابد ممكن يكون حافز

معقول يميز المعلم المتميز .



بعد هذا كله هل مازلت متمسكاً بسؤالك أخى كاتب الموضوع ؟؟؟

واعلم أخى المعلم أنى مثلك تماماً قد بذلت مجهود شاق ، ليس من أجل الكادر ، ولكن لكى أثبت

للوزارة أننى أستحق مكانتى كمعلم ولكن ياترى هل هم يستحقون فعلاً كراسيهم ومكانتهم ؟؟؟

كيف نعرف ذلك ؟؟

أتعلم كيف ؟؟؟

أن يجلسوا جميعاً فى إحدى اللجان( وما أدراك ما اللجان ) ليمتحنوا فى التربوى و اللغة العربية وفى التخصص إن كان فيه تخصص !!!



هذا هو العدل الذى تبحث عنه أخى كاتب الموضوع .....:stickjo4:

العقرب القاسي 21-10-2008 04:26 PM

سبحان الله وبحمده سبحان الله العظيم
http://www.thanwya.com/vb/signaturep...ic111664_1.gif

mahroking 21-10-2008 04:41 PM

لأن يخرج من السجن ألف مجرم خير من ن يدخله رجل شريف
ربنا ينجحك وينجحنا معك

راجي عفو الرحمن 21-10-2008 04:41 PM

المعلم التلميذ
 
فكرتني ببعض زمايلنا زمان أيام المدرسة لما كانوا يحبوا يخبوا الملازم والملخصات عن بعض
وللا اللي كانوا بيغششوا زمايلهم اجابات خاطئة
عشان يجيبوا مجموع وزمايلهم لـأ
يا أخي هى ناقصة بلاش عقد الموظفين ده

نعمه محمود 21-10-2008 04:41 PM

وهل من العدل ان يخضع المعلم دون المهن الاخرى لهذا الاختبار من اجل دراهم معدودة في حين يحصل اصحاب المهن الادنى علي الكتير دون ادنى جهد يبذل

دبدوب زهران 21-10-2008 07:06 PM

قعدنا على النت ومعانا الورقة والقلم شهرين وحفظنا كل ما عرض وكنت كل يوم اسمع للمدام وهى تسمع لى قواعد اللغة العربية والهباب التربوى لانى خريج علوم وهى خريجة اداب وندخل نلاقى 3 قطع لغة عربية تقرأها على ما توصل اخرها تكون نسيت اولها فين اللى احنا حفظناه مفيش ووزننا نقص من قلة الوجبات المسبكة وعنينا ما عدناش بنشوف بيها وبعد ماخرجنا من الامتحان مسكنا فى بعض انا اللى صح وهى تقول انا اللى صح ولولا ان كبرت دماغى وقلت لها انت اللى صح كانت الامور اتطورت وجاى تقوللى انا تعبت وهو انت لوحدك اللى تعبت ؟ ادعى ربنا تعدى على خير وبس

جمال دياب 21-10-2008 08:03 PM

يا اخي العزيز هوه احنا هنلاقيها منك ولا من الوزير.. ايه يعني لما الكل ينجح هوه فيه امتحان بدون اعداد ولا تدريب بلاش ناكل في بعضنا ونفرق صفوفنا يا بتاع الاجتهاد

leprince 21-10-2008 08:26 PM

يا عم انت زعلان ليه

انت شفتنا نجنحنا

!!!!!!!!!!!!!!!!!!!

يسري الجمال 21-10-2008 09:10 PM

اذا كان مستوى معلمي مصر 100 % يبقى لازم تكون النتيجة 100 % وهكذا

alyali 22-10-2008 02:17 AM

شكراً للجميع على التعليق والمرور
لا اله الا انت سبحانك انى كنت من الظالمين

hassanaboalsod 22-10-2008 10:53 AM

أفول أيه تكنش أنت تبع اللي.................................!!!!!!!!11!


جميع الأوقات بتوقيت GMT +2. الساعة الآن 05:37 AM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.