|
الجنية ونص جنية الفضة؟؟!!
السلام عليكم ازيكوا ياجماعة وحشتونى والله:friendsxs3: ووحشنى الكلام معاكوا :039uw8: ماعلينا عاوزة اخد رأيكوا فى الى حصل للجنية والنص جنية اتسخطوا صح؟؟ََ!! فى يوم كنت بركب المترو وجيت ادفع التذكرة اديت للرجال 10 جنية محترمة كدة وورقة كبيرة ادانى 9 جنية جنهات ونص جنية فضة بصراحة مبقتش عارفة اقول اية ولا اعمل اية:o بفكر بعد كدة بدل ما اشترى محفظة اشترى كيس الدراهم :bosyht9: بجد والله بحس انه اهانة ومنتهى الاهانة لما تكون العملة المصرية بالمنظر المزعج دة ازاى يعنى دولة طويلة عريضة متجمعة على عملة اصغر من عقلة الصباع عاوزة اسمع رأيكو اية فالمهزلة دية ؟؟؟؟؟؟؟؟؟؟ عاجبكوا شكل الجنية كدة ولا مش فارقة معاكوا :006et4: سلام |
بس بجد يا نسوم دى حاجة وحشة اوى بجد الواحد بيتكسف اوى من النص جنيه او الجنيه تخيلى واحدة كبيرة كده 17 سنة وبتدى للسواق حاجة عاملة زى البلية:huh: وانتى ماسكاه فى ايديك كده وشكله تحفة انا فاكرة اخر موقف حصلى معاه كنت راكبة CTA اديته عشرة جنيه ورق ادانى 7.50 ورق ونص جنيه صغير كده هو قالى ده نص جنيه بس عملة قلتله نعم:huh: !! طويب هديه لبنت خالتى تلعب بيه بلاش فضايح لما حد كبير كده يجى يدفع تذكرة يمسك بلية فى ايده:mellow: ولسه يا بلد:unsure: الاتوبيس كله ضحك (مش لازم اقول قلت ايه تان علشان الفضايح):d بس بجد انا باخدهم والله بجى فى البيت اقولهم هنا مقر تغيير العملات :d وببادلهم |
هما عملوا كده عشان شويه شويه هتقل قيمتهم وهتبقى نص جنيه ده والجنيه هيبقوا زى خمسه ساخ والعشره ساخ بتاعت زمان اللى اظن انهم على و وشك الانقراض يا بنتى كل حاجه بتتغير هتيجى على دى اصلا مفيش حد عاجبه الفضه دى خالص وممكن تضيع بسرعه كله بيبقى عايز يتخلص منهم باى طريقه مرسى يا نسوم على موضوعك وعايزين نشوفك علطول:) |
اقتباس:
هههههههههههههههههه ماشى يازوزو دلوقتى الجنية بقى لعبة يطلق عليها بلية :d فين ايام ما كنت باشترى بالجنية دة كيلو لحمة وفرختين وخضار السوق كله واعدى على بتاع البسبوسسة اشترى منه 8 كيلو وجنبه كدة بتاع الفاكهه اخد قيمة عشرة كيلو بطاطس كل دة بجنية ايام ما كان الجنية قد السجادة |
اقتباس:
منورانى ياايوى وعندك حقك ياقمر فى كلامك انا عن نفسى بضيعهم اول بااول بقت حاجة تفرس والله انزل بفلوس ارجع مفلسة |
وحشتني مواضعيك يا نسومه
ديه جنيهات مقرفه مره كنت في معرض في بلد ارياف المهم الست قولت لها السعر قامت مطلعه ليه 8 جنيه فضه وادتني جنيه بجنيه حسيت انها بتديني قطع من الدهب ههههههههه ربنا يتوب علينا من الجنيهات ديه |
سبحان الله إحنا مش كنا بنتكلم فى الموضوع ده إنهارده هههه حكتلك انا على الجنيه ونص اللى عقبال ما راحوا للسواق كان الجنيه اختفا تحت مصدر مجهول :unsure: وبعد عناء طويل إستمر لبضع دقائق و مع البحث المستمر وجدناه تحت كرسى :slap1qk6: .. ما أنا لو ماكنتش لاقيته ماكنتش هدفع جنيه تانى :stickjo4: .. هو أنا لاقيه الفلوس فى الشارع :mad: المهم يعنى كل وقت وله أذان زى ما بيقولوا .. ومافيش حاجة بتفضل على حالها الجنيه الجبس بتاع زمان كان ليه قمته دلوقتى مايجبش كيس شيبسى عندنا فى الجامعة :bosyht9: بس بصراحة شىء متعب جداً -_- واللى يعيش ياما يشوف بكره نشوف الخمسة جنيه بقت سحتوت شكراً يا نسوم على الموضوع أخبار الساندوتش إيه ؟؟ أكيد عمل مفعول تمام ( تلاقيكى بقيتى بترمى شمال ^_^ ) |
عارفه أنا يمكن واحد من الناس القليلين اللى حب القرار ده عارفه ليه لأن من هواياتى تجميع العمل المعدنيه أنا عندى فى المكتب درج كامل مليان شلنات وبرايز وإربع وجنهات وإنصص من دى عارفه فى مره خدت من بابا فلوس الدرس بتاع المدرس ورحت فككهاله كلها من دى وحططها فى شراب وحاطط فيه رشتين ورايح ووإحنا قاعدين فى الدرس رحت مدهالو وقايله خدلك سوره من الدنانير شبرق بيها نفسك كان عاوز يرمينى من الشباك بس من كتر الضحك مقدرش يتكلم |
احنا من بلد صعيدى ريفى
هذه الجنيهات والنصف جنيهات يرفض الكل التعامل معها وبيها بيقولوا انها لاتنصرف ولا احد بيرضى ياخدها المشكله بقى ان لما نيجى نقبض المرتب بناخد منها غصب عننا من الصراف ونركنهم فى البيت لعمل بيهم متحف عقبال املتك فى المستقبل |
عارف فى مره خدت من بابا فلوس الدرس بتاع المدرس ورحت فككهاله كلها من دى وحططها فى شراب وحاطط فيه رشتين ورايح ووإحنا قاعدين فى الدرس رحت مدهالو وقايله خدلك سوره من الدنانير شبرق بيها نفسك
كان عاوز يرمينى من الشباك بس من كتر الضحك مقدرش يتكلم بجد تصرف زكى لكن لو معلم قليل عقل كان له تصرف تانى معاك دمك خفيف يا مضروب |
موضوع جميل ومهم جدا متقلقش شوية كده وهيطلعوا خمسة جنيه فضة شوية شوية والى بعده
ربنا يرحمنا هى دى سياية الدولة |
عندك حق نشتري كيس دراهم
انت عارف في الكويت عملتها الدينار والدينا فيه االف فلس وبيعملوا عملات معدنيه بخمسه فلس و10 و 20 و 50 و 100 فلس دي كلها عملات معدنيه والعملات الورقيه بتبتدي من فئة ال 250 فلس واعلي عمله ورقيه هي 20 دينار تخيل 20 دينار هي اعلي عمله في الدوله شكرا علي موضوعك الرائع والجميل |
موضوع حلو اوي يا نسوووم
انا كرهت حاجة اسمها عملة والي يحرق الدم ان في الباصات بيرجعوا الباقي ليكي مثلا جنيه او نص جنيه فضة بآخدهم وبسكت لاني بكون طالعة من الكلية قرفانة من الدنيا اصلا وعقبال ما الواحد دعوته تستجاب ويلاقي رجالة عندهم نخوة ودم ومش يزاحموا البنات عند ابواب الباصات بجد بجد مهزلة وقمة المهزلة الطبيعي والي بيحصل اصلا دلوقتي ان البنات عند الباصات بتتحول الى ذكور وتلاقيهم بيزقوا ويضربوا زي الرجالة بالظبط انا صراحة مش قادرة اكون كدا بقعد استنى لحد ما خلق الله كلهم يروحوا وبعدين بركب انا واصحابي الي خلتهم يقفوا معايا وينسوا الهمجية الي الناس بتتعامل بيها دي المهم طولت عليكي وقرفتك بالباصات الي بيحصل انهم بيرجعوا الباقي ليكي جنيهات وانصاص فصة عادي جيت مرة بقى ادفع الاجرة للراجل جنيه فضة قالي لاااااااااااااا يا اببببببببلة دا مش بيرووووووووووووووح اليومييييييين دووووووووول قولتله والله ؟؟؟؟ امال بيروح منكم لينا ازاي ؟؟ دا انا أخدته منكم وبعدين البريزة والشلن بيروحوا والجنيه والنص مش بيروحوا ؟؟؟؟؟ قلت اشتري دماغك يا بت يا هند وطلعت جنيه ورق ونزلت وانا بجد قرفانة من البلد ومن الحال الي وصلنا ليه الله المستعااااااااان صدعتك انا معلش بس قلت اطلع الشحنات الي جوايا هههههههههههههه |
ايه ده
هوا الموضوع ده اللى مضايقك يا نسمه و مضايق الناس؟:D طب ايه رأيكو على فكره ان عملة اليورو شكلها نفس الشكل و مش دولة طويله عريضه قاره كاملة بتتعامل بالشكل ده مع اختلاف التصميم بين كل دوله و دوله فى الوجه التانى بس لكن الوجه اللى هوريه ليكو ثابت فى كل دول اوروبا و بنفس حجم الجنيه و النص جنيه الفضه استنو اوريكو http://www8.0zz0.com/2008/10/25/21/567085973.gif 2 يورو http://www8.0zz0.com/2008/10/25/21/783096303.gif 1 يورو http://www8.0zz0.com/2008/10/25/21/629881567.gif 50 سنت http://www8.0zz0.com/2008/10/25/21/234150646.gif 20 سنت http://www8.0zz0.com/2008/10/25/21/805185218.gif 10 سنت http://www8.0zz0.com/2008/10/25/21/191556802.gif 5 سنت http://www8.0zz0.com/2008/10/25/21/375182860.gif 2 سنت http://www8.0zz0.com/2008/10/25/21/939662319.gif 1 سنت اى خدمه مدلعكو اهو |
اقتباس:
انا مش بيعمروا معايا بجد بيضيعوا اول باول :av4056bb7jp3: ملهمش عمار معايا |
| جميع الأوقات بتوقيت GMT +2. الساعة الآن 07:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.