المشاركة الأصلية كتبت بواسطة aco.khaled (المشاركة 849969)

بصى انا مش عاف انتى فى جامعة ايه عشان اقولك فى تدريب ولا لأ وفين

ثانيا بالنسبة للشهادات عندك احسن شهادة هى شهادة cpa او cma وديه احسن شهادات لخريجى تجارة واسالى مجرب

ارجو انا اكون قد افتدك بشئ

المشاركة الأصلية كتبت بواسطة vampire1188 (المشاركة 853967)

اه فيه .. بس بيبقي بمجهوداتك الذاتيه .. بمعني ان كليتنا فقرية ! مابتقدمش تدريبات في الصيف

فانتي لو ليكي اي حد في اي شركة محترمة .. خليه يتوسطلك وروحي اتدربي هناك



زي ماقولتلك قبل كدا .. اي حد بيتدرب في اي شركة او بنك دا بيبقي عن طريق الوسايط ..

واللي يقول غير كدا يبقي سوري في اللفظ .. مابيفهمش !



لا من ناحية الشهادات دي فماشاء الله .. انتي عندك عشر الاف شهادة ممكن تاخديهم ..

بس حطي في أولويتك .. شهادات التخصص

بمعني انك مش تروحي تجري ورا شهادات الانجليش وكورسات اللغات وتسيبي التخصص بتاعك

بالنسبة لشهادات التخصص .. انتي عندك في كام كورس حلوين كدا ..

1- MCDBA .. ودا عبارة عن كورس بتاعة شركة مايكروسوفت في الـ database .. ودا من أهم مايمكن ان تتخيليه .. اللي بياخده بتتفتحله طاقة القدر .. عشان سببين .. اولاً : معتمد من شركة مايكروسوفت ذات نفسها .. ثانياً : ان مافيش شركة في مصر دلوقتي مش شغاله بالـ database .. بس البروبليم في الكورس دا سعره انه غالي شويتين .. 5000 جنيه

2- Oracle Database Admin .. ودا زي كورس شركة مايكروسوفت اللي فات .. بس سعره حنين شوية .. 2400 جنيه بيتدفعوا على دفعتين .. دفعة قبل بداية الكورس ودفعة في نص الكورس ..

3- دبلومة محلل نظم المعلومات ( Technical Analyzing ) .. والكورس دا خرافة !! .. كفاية انك اما تاخديه هايبقي معروف مجال عملك انه بينحصر في تحليل النظم التسويقية .. وكلمة محلل في الشغل دي مش كلمة سهلة ! .. سعر الكورس بـ 2200 جنيه والشهادة اللي بتتاخد بتبقي supported من مايكروسوفت ..

لو تلاحظي بقي اني ماتطرقتش للـ CMA والـ MPA .. هاتقوليلي ليه ؟؟؟

هاقولك عشان الشهادتين دول ماينفعش اصلا تاخديهم اما تتخرجي على طول .. لإن على الاقل عشان تبدأى تدرسيهم لازم يكون عندك خبرة في المجال المحاسبي او الاداري .. بس بإستثناء متطلبات الكورسين دول ايه .. انا ممكن اقولك المميزات ..

1- انك بمجرد انك تسجلي اسمك في الدبلومة وتدفعي الفلوس .. كدا انتي يبقي انتي اتعملك حاجة اسمها تكويد دولي .. وانك اندرجتي تحت القايمة بتاعة المحاسبين الدوليين .. سواءاً خدتيها او ماخدتيهاش ..

2- الشهادة باين من سعرها .. وطبعاً ماحدش يقدر ينكر ان اللي بيتشغل بيها بيقبض جامد

بس فيه بعض التحفظات على الشهادة دي :

1- ان عشان تحصل على شهادتها من امريكا (وليس دراستها) لازم تبقي خريج من كلية التجارة قسم محاسبة اذا كنت عايز الـ CMA أو قسم ادارة اذا كنت عايز الـ MBA .. وبالتالي دي مضيعة للوقت ..

2- ان الدبلومة دي بتتاخد على اربع اجزاء .. البارت الاول بوحده بـ 3600 جنيه .. وكل امتحان بتخشه بـ 1000 جنيه .. غير تكلفة الاشتراك السنوي في الـ IMA ذات نفسه بـ 1750 جنيه ..

3- الـ Membership ذات نفسها عشان تعملها .. بتتطلب انك تعمل application على النت .. وطبعا الدفع بيبقي بالكريديت كارد .. ودي مش متوافرة في الشعب المصري اوي هنا !!

4- ان الدبلومة في مصر غير متاحة انها تتاخد الا لخريجي الجامعات الآتية : جامعة عين شمس ، جامعة القاهرة ، American Univ in Cairo ، جامعة الاسكندرية ، جامعة حلوان ، جامعة المنصورة ، جامعة طنطا .. غير كدا مش مصرحلهم انهم ياخدوها ..

من الاخر خالص .. اللي عايز ياخد الـ CMA يستعد لإنه هايكع جامد .. وأظن المبالغ اللي ذكرتها فوق واضحة جداً

عشان كدا انا لا أحبذ ان الواحد ياخد الـ CMA خلال فترة مابعد التخرج على طول ..

بس عشان تبقوا عارفين .. السوق المصري حاليا منقسم لقسمين ..

> قسم الشركات الكبيرة .. وهيا دي اللي بتعرف تقيم الشهادات المهنية كويس اوي .. وبالتالي بتسد في المرتبات حلو اوي .. عشان عارفه ان صاحب الشهادة هايسد في الشغل برده

> قسم المكاتب المحاسبية والشركات الصغيرة .. ودول غلبانين على قدهم .. ومابيمشوش غير بمبدأ الخبرة في الشغل .. ومابيهتموش بالشهادات المهنية .. لإنهم مش هايقدروا يسدوا فيها ..

المشاركة الأصلية كتبت بواسطة memo_90 (المشاركة 855582)

طيب اللي في جامعة مغمورة بلا اي امكانيات بلا اي نشاطات حتي مستوي الدراسة فيها في الارض يعمل ايه
ده حتي مفيش اي خدمات ولا كورسات
اعمل ايه بس ?!